മ​ദ്യ​പ​രു​ടെ അ​ഴി​ഞ്ഞാ​ട്ട​ത്തി​ല്‍ പൊ​റു​തി​മു​ട്ടി നാ​ട്ടു​കാ​ര്‍
Monday, April 29, 2024 6:29 AM IST
വ​ണ്ടൂ​ര്‍: വ​ണ്ടൂ​ര്‍ അ​ത്താ​ണി​ക്ക​ലി​ലെ ബീ​വ​റേ​ജ് ഔ​ട്ട്ലെ​റ്റി​ല്‍ നി​ന്നു മ​ദ്യം വാ​ങ്ങി ഉ​പ​യോ​ഗി​ച്ച് തൊ​ട്ട​ടു​ത്ത റ​ബ​ര്‍ തോ​ട്ട​ങ്ങ​ളി​ലും ബ​സ് സ്റ്റോ​പ്പി​ലും മ​റ്റും അ​ന്തി​യു​റ​ങ്ങു​ന്ന​വ​രെ​കൊ​ണ്ടു പൊ​റു​തി​മു​ട്ടി​യ​താ​യി നാ​ട്ടു​കാ​ര്‍. രാ​ത്രി സ​മ​യ​ങ്ങ​ളി​ല്‍ റോ​ഡി​ലൂ​ടെ ന​ട​ന്നു പോ​കു​ന്ന സ്ത്രീ​ക​ളെ അ​ട​ക്കം ശ​ല്യം ചെ​യ്യു​ന്ന​താ​യി വ്യാ​പ​ക പ​രാ​തി ഉ​യ​ര്‍​ന്നി​ട്ടു​ണ്ട്. നാ​ട്ടി​ന്‍​പു​റ​ത്തെ ആ​ളൊ​ഴി​ഞ്ഞ പ്ര​ദേ​ശ​ത്താ​ണ് ബീ​വ​റേ​ജ​സ് ഔ​ട്ട്ലെ​റ്റ് പ്ര​വ​ര്‍​ത്തി​ക്കു​ന്ന​ത്. ക​ഴി​ഞ്ഞ ഫെ​ബ്രു​വ​രി 22നാ​ണ് കേ​ന്ദ്രം ഇ​വി​ടെ പ്ര​വ​ര്‍​ത്ത​നം ആ​രം​ഭി​ച്ച​ത്.

ദൂ​ര​സ്ഥ​ല​ങ്ങ​ളി​ല്‍ നി​ന്ന​ട​ക്കം ആ​ളു​ക​ള്‍ വാ​ഹ​ന​ങ്ങ​ളി​ലെ​ത്തി മ​ദ്യം വാ​ങ്ങി​യ​ശേ​ഷം വാ​ഹ​ന​ത്തി​ലും തൊ​ട്ട​ടു​ത്ത പ​റ​മ്പി​ലും സ​മീ​പ​ത്തെ റ​ബ​ര്‍​തോ​ട്ട​ങ്ങ​ളി​ലും മ​ദ്യ​പി​ച്ച് ഇ​രി​ക്കു​ന്ന​തും രാ​ത്രി​കാ​ല​ങ്ങ​ളി​ല്‍ അ​ന്തി​യു​റ​ങ്ങു​ന്ന​തും നാ​ട്ടു​കാ​ര്‍​ക്ക് ത​ല​വേ​ദ​ന​യാ​യി മാ​റി​യി​ട്ടു​ണ്ട്.

ക​ഴി​ഞ്ഞ​ദി​വ​സം സ്ത്രീ​ക​ളെ ശ​ല്യം ചെ​യ്ത ര​ണ്ടു​പേ​രെ നാ​ട്ടു​കാ​ര്‍ വി​വ​ര​മ​റി​യി​ച്ച​തി​നെ തു​ട​ര്‍​ന്ന് വ​ണ്ടൂ​ര്‍ പോ​ലീ​സെ​ത്തി ക​സ്റ്റ​ഡി​യി​ലെ​ടു​ത്തി​രു​ന്നു. വീ​ണ്ടും സ​മാ​ന സം​ഭ​വം അ​ര​ങ്ങേ​റി​യ​തോ​ടെ പോ​ലീ​സെ​ത്തി മ​റ്റൊ​രാ​ളെ കൂ​ടി ക​സ്റ്റ​ഡി​യി​ലെ​ടു​ത്തു. ഔ​ട്ട്ലെ​റ്റ് കേ​ന്ദ്രം ഇ​വി​ടെ നി​ന്നു മാ​റ്റ​ണ​മെ​ന്നാ​ണ് സ​മീ​പ​വാ​സി​ക​ളു​ടെ ആ​വ​ശ്യം. ഇ​ക്കാ​ര്യം നാ​ട്ടു​കാ​ര്‍ മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സി​ല​ട​ക്കം പ​രാ​തി പെ​ട്ടി​രു​ന്നു.
Copyright @ 2018 , Rashtra Deepika Ltd.