കൊ​യ്ത്ത് തു​ട​ങ്ങി; അ​മി​ത കി​ഴി​വ് ആ​വ​ശ്യ​പ്പെ​ട്ടു സ്വ​കാ​ര്യ മി​ല്ലു​കാ​ര്‍
Sunday, April 28, 2024 11:06 PM IST
മാ​ന്നാ​ര്‍: പാ​ട​ശേ​ഖ​ര​ങ്ങ​ളി​ല്‍ കൊ​യ്ത്ത് തു​ട​ങ്ങി​യ​തോ​ടെ, ബാ​ങ്കു​ക​ളി​ല്‍​നി​ന്നും വ്യ​ക്തി​ക​ളി​ല്‍​നി​ന്നും കൊ​ള്ള​പ്പ​ലി​ശ​ക്ക് ക​ടം​വാ​ങ്ങി​യും വ​ലി​യ പ്ര​തീ​ക്ഷ​യോ​ടെ കൃ​ഷി​യി​റ​ക്കി​യ ക​ര്‍​ഷ​ക​രെ ദ്രോ​ഹി​ക്കു​ന്ന സ​മീ​പ​ന​മാ​ണ് സി​വി​ല്‍ സ​പ്ലൈ​സി​നാ​യി നെ​ല്ലു സം​ഭ​രി​ക്കു​ന്ന സ്വ​കാ​ര്യ​മി​ല്ലു​കാ​രു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്ന​തെ​ന്നു ക​ര്‍​ഷ​ക​ര്‍ ആ​രോ​പി​ക്കു​ന്നു. കൊ​യ്‌​തെ​ടു​ത്ത നെ​ല്ലി​ല്‍ ഈ​ര്‍​പ്പ​ത്തി​ന്‍റെ അം​ശം കൂ​ടു​ത​ലു​ണ്ടെ​ന്ന കാ​ര​ണം പ​റ​ഞ്ഞ് അ​മി​ത​മാ​യ കി​ഴി​വാ​ണു ഇ​വ​ര്‍ ആ​വ​ശ്യ​പ്പെ​ടു​ന്ന​ത്. ചെ​ന്നി​ത്ത​ല ഒ​ന്ന്, മൂ​ന്ന്, എ​ട്ട് ബ്ലോ​ക്കു​ക​ളി​ലും മാ​ന്നാ​ര്‍ കു​ര​ട്ടി​ശേ​രി പാ​ട​ശേ​ഖ​ര​ത്തി​ലെ വേ​ഴ​ത്താ​ര്‍, ഇ​ട​പു​ഞ്ച എ​ന്നി​വി​ട​ങ്ങ​ളി​ലു​മാ​ണ് കൊ​യ്ത്തു തു​ട​ങ്ങി​യ​ത്.

കൊ​യ്‌​തെ​ടു​ത്ത നെ​ല്ല് തൊ​ഴി​ലാ​ളി​ക​ളെ നി​ര്‍​ത്തി ഉ​ണ​ക്കി ഈ​ര്‍​പ്പം ത​ട്ടാ​ത്ത​വി​ധ​ത്തി​ല്‍ പാ​ട​ശേ​ഖ​ര​ത്തി​ലെ ഉ​യ​ര്‍​ന്ന സ്ഥ​ല​ത്ത് സൂ​ക്ഷി​ച്ചി​രി​ക്കു​ന്ന നെ​ല്ലി​നു​പോ​ലും 10 മു​ത​ല്‍ 15 ശ​ത​മാ​നം വ​രെ കി​ഴി​വാ​ണ് മി​ല്ലു​കാ​ര്‍ ക​ര്‍​ഷ​ക​രോ​ട് ആ​വ​ശ്യ​പ്പെ​ടു​ന്ന​തെ​ന്ന് പാ​ട​ശേ​ഖ​ര സ​മി​തി​ക്കാ​ര്‍ പ​റ​യു​ന്നു. സ​ര്‍​ക്കാ​രും കൃ​ഷി വ​കു​പ്പും ഇ​ട​പ്പെ​ട്ടു അ​മി​ത കി​ഴി​വ് എ​ടു​ക്കാ​തെ കൊ​യ്‌​തെ​ടു​ത്ത നെ​ല്ലു സം​ഭ​രി​ക്കാ​ന്‍ ന​ട​പ​ടി​യു​ണ്ടാ​ക​ണ​മെ​ന്നാ​ണ് ക​ര്‍​ഷ​ക​രു​ടെ​യും പാ​ട​ശേ​ഖ​ര സ​മി​തി​ക​ളു​ടെ​യും ആ​വ​ശ്യം.

കൊ​യ്ത്ത് ആ​രം​ഭി​ച്ച​തോ​ടെ കൊ​യ്ത്ത് യ​ന്ത്ര​ത്തി​ന് ആ​വ​ശ്യം വ​ര്‍​ധി​ച്ചു. ഇ​തോ​ടെ വാ​ട​ക​യും തോ​ന്നു​ന്ന​പോ​ലെ​യാ​ണെ​ന്ന് ക​ര്‍​ഷ​ക​ര്‍ പ​രാ​തി പ​റ​യു​ന്നു. ചെ​ന്നി​ത്ത​ല പ​ഞ്ചാ​യ​ത്തി​ലെ പ​തി​നാ​ലാം ബ്‌​ളോ​ക്കി​ലും കു​ട​വ​ള്ളാ​രി ബി​യി​ലും മ​ണി​ക്കൂ​റി​നു 1675 രൂ​പ നി​ര​ക്കി​ല്‍ കൊ​യ്ത്ത് യ​ന്ത്ര​ത്തി​ന് വാ​ട​ക വാ​ങ്ങു​മ്പോ​ള്‍ തൊ​ട്ട​ടു​ത്ത എ ​ബ്ലോ​ക്കി​ല്‍ 1850 രൂ​പ വാ​ങ്ങി​യെ​ന്ന് ക​ര്‍​ഷ​ക​ര്‍ ആ​രോ​പി​ക്കു​ന്നു. വ​രും നാ​ളു​ക​ളി​ല്‍ കൂ​ടു​ത​ല്‍ പാ​ട​ങ്ങ​ളി​ല്‍ കൊ​യ്ത്ത് ന​ട​ക്കു​ന്ന​തോ​ടെ ക​ര്‍​ഷ​ക​രെ കൂ​ടു​ത​ല്‍ ദ്രോ​ഹി​ക്കു​വാ​നു​ള്ള ശ്ര​മ​ങ്ങ​ള്‍ ന​ട​ക്കു​മെ​ന്ന് ക​ര്‍​ഷ​ക​ര്‍ ആ​ശ​ങ്ക​പ്പെ​ടു​ന്നു. ഇ​ത്ത​രം കൊ​ള്ള ന​ട​ത്തു​ന്ന​ത് കൃ​ഷി വ​കു​പ്പും പാ​ട​ശേ​ഖ​ര സ​മി​തി​ക​ളും ത​ട​യ​ണ​മെ​ന്നാ​ണ് ക​ര്‍​ഷ​ക​രു​ടെ ആ​വ​ശ്യം.
Copyright @ 2018 , Rashtra Deepika Ltd.