സാ​മ്പ​ത്തി​ക ഞെ​രു​ക്കം മു​ത​ലെ​ടു​ത്ത് മൈ​ക്രോ​ഫിനാ​ൻ​സ് മാ​ഫി​യാ വി​ള​യാ​ട്ടം
Friday, May 3, 2024 11:28 PM IST
തു​റ​വു​ർ: മൈ​ക്രോഫിനാ​ൻ​സ് മാ​ഫി​യ​യു​ടെ പി​ടി​യി​ല​മ​ർ​ന്ന് നൂ​റു​ക​ണ​ക്കി​ന് സ്ത്രീ​ക​ൾ. ഇത്തരം സം​ഘ​ങ്ങ​ളു​ടെ പി​ടി​യി​ല​മ​ർ​ന്ന് ജീ​വി​തം വ​ഴി​മു​ട്ടി നി​ൽ​ക്കു​ക​യാ​ണ് നി​ര​വ​ധി സ്ത്രീ​ക​ൾ. ആ​യി​രം മു​ത​ൽ ല​ക്ഷ​ങ്ങ​ൾ വ​രെ​യാ​ണ് ഇ​വ​ർ ക​ടം കൊ​ടു​ക്കു​ന്ന​ത്. പ​ത്തുമു​ത​ൽ ഇ​രു​പ​തു ശ​ത​മാ​നം വ​രെ പ​ലി​ശ​യ്ക്ക​ണ് പ​ണം ക​ടം കൊ​ടു​ക്കു​ന്ന​ത്.

ആ​ധാ​ർ കാ​ർ​ഡി​ന്‍റെ കോ​പ്പി​യും പ​ര​സ്പ​ര ജാ​മ്യ​ത്തി​ലു​മാ​ണ് സ്വ​യം​സ​ഹാ​യ സം​ഘ​ങ്ങ​ൾ, കു​ടു​ബ​ശ്രീ​ക​ൾ എ​ന്നി​വ​യി​ലെ അം​ഗ​ങ്ങ​ൾ​ക്ക് വാ​യ്പ കൊ​ടു​ക്കു​ന്ന​ത്.

ഇ​രു​പ​തോ​ളം സ്വ​കാ​ര്യ ധ​ന​കാ​ര്യ സ്ഥാ​പ​ന​ങ്ങ​ളാ​ണ് ചേ​ർ​ത്ത​ല താ​ലൂ​ക്കി​ന്‍റെ വ​ട​ക്ക​ൻ മേ​ഖ​ല​ക​ളി​ൽ മൈ​ക്രോ​ഫിനാ​ൻ​സ് എ​ന്ന പേ​രി​ൽ ബ്ലേ​ഡ് സം​ഘ​ങ്ങ​ൾ പ്ര​വ​ർ​ത്തി​ക്കു​ന്ന​ത്. വ​ൻ​ഗു​ണ്ടാ​സം​ഘ​മാ‌​യാ​ണ് ഇ​വ​ർ വി​ല​സു​ന്ന​ത്.

തീ​ര​ദേ​ശം പി​ടി​ച്ച്

അ​രൂ​രി​നും ചേ​ർ​ത്ത​ല​യ്ക്കും ഇ​ട​യി​ൽ ദേ​ശീ​യപാ​ത​യ്ക്കു പ​ടി​ഞ്ഞാ​റു​ഭാ​ഗ​ത്തു​ള്ള അ​ന്ധ​കാ​ര​ന​ഴി, വെ​ട്ട​യ്ക്ക​ൽ, തൈ​ക്ക​ൽ, ത​ങ്കി, ക​ട​ക്ക​ര​പ്പ​ള്ളി, പ​ള്ളി​ത്തോ​ട്, മ​ന​ക്കോ​ടം, എ​ഴു​പു​ന്ന, നീ​ണ്ട​ക​ര, അ​രൂ​ർ ഭാ​ഗ​ങ്ങ​ളി​ലെ നി​ര​വ​ധി സ്ത്രീക​ളാ​ണ് സ്വാ​കാ​ര്യ മൈ​ക്രോ​ഫിനാ​ൻ​സി​ൽ​നി​ന്നു പ​ണം എ​ടു​ത്ത് തി​രി​ച്ച​ട​യ്ക്കാ​ൻ സാ​ധി​ക്കാ​തെ ആ​ത്മ​ഹ​ത്യ​യു​ടെ വ​ക്കി​ലെ​ത്തി​യി​രി​ക്കു​ന്ന​ത്.

നി​ര​വ​ധി സ്ത്രീ​ക​ളാ​ണ് ഈ ​സം​ഘ​ത്തി​ന്‍റെ ഭീ​ഷ​ണി​യെ തു​ട​ർ​ന്നു നാ​ട്ടി​ൽ​നി​ന്ന് മാ​റി ഒ​ളി​ച്ചു താ​മ​സി​ക്കു​ന്ന​ത്. ഈ ​മേ​ഖ​ല ഒ​രു കൂ​ട്ട ആ​ത്മ​ഹ​ത്യ​യു​ടെ വ​ക്കി​ലാ​ണെ​ന്നു പ​റ​യാം. മൈ​ക്രോ​ഫിനാ​ൻ​സ് എ​ന്ന പേ​രി​ൽ പ്ര​വ​ർ​ത്തി​ക്കു​ന്ന സം​ഘം ഈ ​മേ​ഖ​ല​യി​ൽത​ന്നെ പ്ര​വ​ർ​ത്തി​ക്കു​ന്ന സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ന്‍റെ ഏ​ജ​ന്‍റു​മാ​രാ​ണ്. സ​ർ​ക്കാ​രി​നു​ള്ള ടാ​ക്സ് വെ​ട്ടി​ക്കാ​നാ​ണ് സ്വ​കാ​ര്യ പ​ണ​മി​ട​പാ​ടു സ്ഥാ​പ​ന​ങ്ങ​ളാ​ണ് ഇ​ത്ത​രം മാ​ഫി​യാ​വ​ഴി പ​ണ​മി​ട​പാ​ട് ന​ട​ത്തു​ന്ന​ത്.

അ​ന​ങ്ങാ​തെ പോ​ലീ​സ്

ഇ​വ​രു​ടെ ഭീ​ഷ​ണി​യെ​ത്തു​ട​ർ​ന്ന് നി​ര​വ​ധി​പ്പേ​ർ പോ​ലീ​സി​ൽ പ​രാ​തി ന​ൽ​കി​യി​ട്ടും ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. ഈ ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന അ​ന​ധി​കൃ​ത മൈ​ക്രോ​ഫൈ​നാ​ൻ​സ് ബ്ലേ​ഡ് മാ​ഫി​യാ​യു​മാ​യി ചി​ല പോ​ലീ​സ് ഉ​ദ്യോ​ഗ​സ്ഥ​ർ​ക്കു ബ​ന്ധ​മു​ള്ള​താ​യും പ​റ​യ​പ്പെ​ടു​ന്നു.

ഇ​ത്ത​രം സം​ഘ​ത്തി​ൽ​നി​ന്നു പ​ണം വാ​ങ്ങി​യാ​ൽ മു​ത​ലും പ​ലി​ശ​യും അ​തി​ന്‍റെ കൂ​ട്ടു​പ​ലി​ശ​യും ന​ൽ​കി​യാ​ൽ പോ​ലും ത​ല​യൂ​രാ​ൻ സാ​ധി​ക്കാ​ത്ത അ​വ​സ്ഥ​യാ​ണ്. ത​മി​ഴ്നാ​ട്ടി​ലെ ബ്ലേ​ഡ് സം​ഘ​ത്തി​ന്‍റെ ഇ​ട​നി​ല​ക്കാ​രാ​യും മൈ​ക്രോ​ഫിനാ​ൻ​സ് സം​ഘം പ്ര​വ​ർ​ത്തി​ക്കു​ന്നു​ണ്ട്. അ​ടി​യ​ന്ത​ര​മാ​യി ഈ ​മേ​ഖ​ല​യി​ലെ മൈ​ക്രോ​ഫിനാ​ൻ​സ് മാ​ഫി​യാ​യെ നി​യ​ന്ത്രി​ക്കാ​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.
Copyright @ 2018 , Rashtra Deepika Ltd.