നി​സാ​ര സ​മ​യ​ത്തി​ന്‍റെ പേ​രി​ലു​ള്ള ത​ര്‍​ക്കം ജീ​വ​നെ​ടു​ത്തു
Saturday, May 4, 2024 3:34 AM IST
തൊ​ടു​പു​ഴ: മു​നി​സി​പ്പ​ല്‍ ബ​സ് സ്റ്റാ​ന്‍​ഡി​ല്‍ ഒ​രു സം​ഘം സ്വ​കാ​ര്യ ബ​സ് ഉ​ട​മ​ക​ളും ജീ​വ​ന​ക്കാ​രും ന​ട​ത്തു​ന്ന ഗു​ണ്ടാ അ​ക്ര​മ​ങ്ങ​ളെ​ത്തു​ട​ര്‍​ന്ന് ന​ഷ്ട​മാ​യ​ത് ഒ​രു കു​ടും​ബ​ത്തി​ന്‍റെ ഏ​ക ആ​ശ്ര​യ​മാ​യ ഗൃ​ഹ​നാ​ഥ​ന്‍റെ ജീ​വ​ന്‍. ക​ഴി​ഞ്ഞ ദി​വ​സം ബ​സ് സ്റ്റാ​ന്‍​ഡി​ല്‍ ന​ട​ന്ന സം​ഘ​ര്‍​ഷ​ത്തി​ല്‍ ഗു​രു​ത​ര​മാ​യി പ​രി​ക്കേ​റ്റ് ചി​കി​ത്സ​യി​ലാ​യി​രു​ന്ന ഇ​ട​വെ​ട്ടി സ്വ​ദേ​ശി ആ​ന​കെ​ട്ടി​പ്പ​റ​മ്പി​ല്‍ സ​ക്കീ​റി (52)ന്‍റെ ജീ​വ​നാ​ണ് ഇ​ന്ന​ലെ പൊ​ലി​ഞ്ഞ​ത്. ഭാ​ര്യ​യും കു​ട്ടി​ക​ളു​മ​ട​ങ്ങു​ന്ന കു​ടും​ബ​ത്തി​ന്‍റെ ഏ​ക ആ​ശ്ര​യ​മാ​യി​രു​ന്നു സ​ക്കീ​ര്‍.

ക​ഴി​ഞ്ഞ 23ന് ​ഉ​ച്ച​യ്ക്ക് ബ​സ് സ്റ്റാ​ന്‍​ഡി​ല്‍ വ​ച്ച് ബ​സ് പു​റ​പ്പെ​ടു​ന്ന സ​മ​യ​ക്ര​മ​ത്തി​ന്‍റെ പേ​രി​ലാ​ണ് സ​ക്കീ​റി​നെ മ​റ്റൊ​രു ബ​സ് ഉ​ട​മ​യും മ​ക്ക​ളും സ​ഹോ​ദ​ര​നും ജീ​വ​ന​ക്കാ​രും ഉ​ള്‍​പ്പെ​ടു​ന്ന സം​ഘം ആ​ക്ര​മി​ച്ച​ത്. ഈ​രാ​റ്റു​പേ​ട്ട റൂ​ട്ടി​ല്‍ സ​ര്‍​വീ​സ് ന​ട​ത്തു​ന്ന അ​മ്മാ​സ്, ആ​ന​കെ​ട്ടി​പ്പ​റ​മ്പി​ല്‍ ബ​സു​ക​ളി​ലെ ജീ​വ​ന​ക്കാ​ര്‍ ത​മ്മി​ലു​ണ്ടാ​യ വാ​ക്കേ​റ്റ​മാ​ണ് സം​ഘ​ര്‍​ഷ​ത്തി​ലെ​ത്തി​യ​ത്. സെ​ക്ക​ന്‍​ഡു​ക​ളു​ടെ സ​മ​യ വ്യ​ത്യ​ാസം ഉ​ണ്ടാ​യെ​ന്ന് പ​റ​ഞ്ഞാ​ണ് ആ​ന​കെ​ട്ടി​പ്പറ​മ്പി​ല്‍ ബ​സി​ലെ ഡ്രൈ​വ​റാ​യ സ​ക്കീ​റി​നെ അ​മ്മാ​സ് ബ​സ് ഉ​ട​മ​യും സം​ഘ​വും ചേ​ര്‍​ന്ന് ആ​ക്ര​മി​ച്ച​ത്.

സ​ക്കീ​റി​നെ ഇ​വ​ര്‍ ര​ണ്ടു​വ​ട്ടം ആ​ക്ര​മി​ച്ച​താ​യി ദൃ​ക്‌​സാ​ക്ഷി​ക​ള്‍ മൊ​ഴി ന​ല്‍​കി​യി​ട്ടു​ണ്ട്. ഇ​തി​നു പി​ന്നാ​ലെ ത​ല​യ്ക്ക് അ​ടി​യേ​റ്റ് ബോ​ധ​ര​ഹി​ത​നാ​യി നി​ല​ത്തു​വീ​ണ സ​ക്കീ​റി​നെ ആ​ദ്യം തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചു.

പി​ന്നീ​ട് എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ പ്ര​വേ​ശി​പ്പി​ക്കു​ക​യാ​യി​രു​ന്നു. വെ​ന്‍റി​ലേ​റ്റ​റി​ന്‍റെ സ​ഹാ​യ​ത്തോ​ടെ​യാ​യി​രു​ന്നു ചി​കി​ത്സ ന​ട​ന്ന​ത്. ജീ​വി​ത​ത്തി​ലേ​ക്കു മ​ട​ങ്ങി​വ​രാ​ന്‍ സാ​ധ്യ​ത​യി​ല്ലെ​ന്ന് ഡോ​ക്ട​ര്‍​മാ​ര്‍ വി​ധി​യെ​ഴു​തി​യ​തോ​ടെ ഏ​ഴ​ല്ലൂ​രി​ലെ സ്വ​കാ​ര്യ മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ചു. ഇ​ന്ന​ലെ ഉ​ച്ച​ക​ഴി​ഞ്ഞാ​യി​രു​ന്നു മ​ര​ണം.

വാ​ട​ക​വീ​ട്ടി​ല്‍ ക​ഴി​യു​ന്ന സ​ക്കീ​റി​ന്‍റെ മ​ര​ണം നി​ര്‍​ധ​ന കു​ടും​ബ​ത്തി​ന് താ​ങ്ങാ​വു​ന്ന​തി​നും അ​പ്പു​റ​മാ​യി. ഭാ​ര്യ ന​സീ​റ രോ​ഗ​ബാ​ധി​ത​യാ​യി വ​ര്‍​ഷ​ങ്ങ​ളാ​യി ചി​കി​ത്സ​യി​ലാ​ണ്. ഇ​വ​ര്‍​ക്ക് ര​ണ്ട് മ​ക്ക​ളു​ണ്ട്. സ​ക്കീ​റി​ന്‍റെ ജോ​ലി​യി​ല്‍ നി​ന്ന് ല​ഭി​ക്കു​ന്ന വ​രു​മാ​നം മാ​ത്ര​മാ​യി​രു​ന്നു ഏക ആ​ശ്ര​യം. ഇ​ദ്ദേ​ഹ​ത്തി​ന്‍റെ മ​ര​ണ​ത്തോ​ടെ കു​ടും​ബം ക​ടു​ത്ത പ്ര​തി​സ​ന്ധി​യി​ലാ​യി.

തൊ​ടു​പു​ഴ ബ​സ് സ്റ്റാ​ന്‍​ഡി​ല്‍ പ​ല​പ്പോ​ഴും ഇ​ത്ത​ര​ത്തി​ല്‍ അ​ക്ര​മ സം​ഭ​വ​ങ്ങ​ള്‍ ഉ​ണ്ടാ​കാ​റു​ണ്ടെ​ങ്കി​ലും പോ​ലീ​സ് പ​ല​പ്പോ​ഴും കാ​ഴ്ച​ക്കാ​രാ​യി മാ​റു​ക​യാ​ണെ​ന്നും ആ​ക്ഷേ​പ​മു​ണ്ട്. സ്റ്റാ​ന്‍​ഡി​ലെ​ത്തു​ന്ന സ്ത്രീ​ക​ളു​ള്‍​പ്പെ​ടെ​യു​ള്ള യാ​ത്ര​ക്കാ​ര്‍​ക്കു മു​ന്നി​ലാ​ണ് ബ​സ് ജീ​വ​ന​ക്കാ​രു​ടെ ത​മ്മി​ല​ടി​യും അ​സ​ഭ്യ​വ​ര്‍​ഷ​വും.
Copyright @ 2018 , Rashtra Deepika Ltd.