ഒ​ളി​ഞ്ഞും തെ​ളി​ഞ്ഞും പു​ലി: ഉ​റ​ക്ക​മി​ല്ലാ​തെ നാ​ട്ടു​കാ​ർ
Monday, May 6, 2024 3:32 AM IST
ഭീ​തി​യൊ​ഴി​യാ​തെ ക​രി​ങ്കു​ന്നം, മു​ട്ടം നി​വാ​സി​ക​ൾ

തൊ​ടു​പു​ഴ: പു​ലി​പ്പേ​ടി ഒ​ഴി​യാ​തെ മു​ട്ടം, ക​രി​ങ്കു​ന്നം പ​ഞ്ചാ​യ​ത്തു​ക​ൾ. എ​ല്ലാ ദി​വ​സ​വും പു​ലി​യെ ക​ണ്ടെ​ന്നും മൃ​ഗ​ങ്ങ​ളെ ആ​ക്ര​മി​ച്ചെ​ന്നു​മു​ള്ള വാ​ർ​ത്ത​ക​ളാ​ണ് പു​റ​ത്തു വ​രു​ന്ന​ത്. ഇ​തോ​ടെ​യാ​ണ് ര​ണ്ടു പ​ഞ്ചാ​യ​ത്തു​ക​ളി​ലെ​യും ജ​ന​ങ്ങ​ൾ നാ​ളു​ക​ളാ​യി ഭീ​തി​യി​ലാ​യ​ത്.

ക​രി​ങ്കു​ന്നം ഇ​ല്ലി​ചാ​രി​യി​ലും പി​ന്നീ​ട് പൊ​ട്ട​ൻ​പ്ലാ​വി​ലും കൂ​ടു സ്ഥാ​പി​ച്ച് ര​ണ്ടാ​ഴ്ച പി​ന്നി​ട്ടി​ട്ടും ഇ​തു​വ​രെ പു​ലി കെ​ണി​യി​ൽ കു​ടു​ങ്ങി​യി​ട്ടി​ല്ല. ഇ​തി​നി​ടെ കൂ​ടു​ത​ൽ പു​ലി​ക​ൾ ഉ​ണ്ടെ​ന്നു​ള്ള ക​ഥ​ക​ളും വി​വി​ധ മേ​ഖ​ല​ക​ളി​ൽനി​ന്നു പു​റ​ത്തു വ​രു​ന്നു​ണ്ട്. സാ​മൂ​ഹ്യ​മാ​ധ്യ​മ​ങ്ങ​ൾ വ​ഴി ജ​ന​ങ്ങ​ളെ ഭീ​തി​യി​ലാ​ഴ്ത്തു​ന്ന വി​വ​ര​ങ്ങ​ൾ പ്ര​ച​രി​പ്പി​ക്കു​ന്ന​തു ത​ട​യ​ണ​മെ​ന്നും ആ​വ​ശ്യ​മു​യ​രു​ന്നു​ണ്ട്.

എ​ന്നാ​ൽ പ്ര​ദേ​ശ​ത്ത് ആ​ർ​ആ​ർ​ടി​യു​ടെ സേ​വ​നം ല​ഭ്യ​മാ​ക്കു​മെ​ന്ന അ​ധി​കൃ​ത​രു​ടെ നി​ർ​ദേ​ശം ഇ​തു​വ​രെ ന​ട​പ്പി​ലാ​ക്കാ​ത്ത​തി​ൽ നാ​ട്ടു​കാ​ർ പ്ര​തി​ഷേ​ധി​ച്ചു. ഡി​എ​ഫ്ഒ ഉ​ൾ​പ്പെ​ടെ ഉ​ന്ന​ത ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.

വി​ജു​വി​ന്‍റെ ക​ണ്‍മു​ന്നി​ൽ പു​ലി

പ​തി​വു​പോ​ലെ റ​ബ​ർ ടാ​പ്പിം​ഗി​നാ​യി മ​ണ്ണാ​ത്തി​പ്പാ​റ ഭാ​ഗ​ത്ത് കാ​രി​യോ​ലി​ക്ക​പ്പ​റ​ന്പ് പ്ര​ദേ​ശ​ത്ത് എ​ത്തി​യ ഒ​റ്റ​ല്ലൂ​ർ കി​ഴ​ക്കും​ക​ര​യി​ൽ കെ.​പി.​ വി​ജു പു​ലി​യെ ക​ണ്ട് ഭ​യ​ന്നോ​ടി. നാ​യയേ​ക്കാ​ൾ വ​ലു​പ്പ​മു​ണ്ട്. അ​തി​ലേ​റെ നീ​ള​വും. വാ​ലി​നും നീ​ള​മു​ണ്ട്. മ​ഞ്ഞ നി​റ​മാ​ണ്. നി​റ​യേ പു​ള്ളി​ക​ളും. ക​ണ്‍​മു​ന്നി​ൽ ക​ണ്ട കാ​ഴ്ച വി​ജു പ​റ​ഞ്ഞു. രാ​വി​ലെ ഏ​ഴു ക​ഴി​ഞ്ഞ​തേ​യു​ള്ളു. പ​തി​വു​പോ​ലെ റ​ബ​ർ ടാ​പ്പിം​ഗി​നാ​യി മ​ണ്ണാ​ത്തി​പ്പാ​റ കാ​രി​യോ​ലി​ക്ക​പ​റ​ന്പ് പ്ര​ദേ​ശ​ത്ത് എ​ത്തി​യ​താ​യി​രു​ന്നു വി​ജു.

തോ​ട്ട​ത്തി​ലേ​ക്ക് ന​ട​ക്കു​ന്ന​തി​നി​ടെ താ​ഴെ പൈ​നാ​പ്പി​ൾ ചെ​ടി​ക​ൾ​ക്കി​ട​യി​ലാ​ണ് പു​ലി​യെ ക​ണ്ട​ത്. ക​ണ്ട​യു​ട​ൻ മ​ര​ത്തി​ന് പി​ന്നി​ലൊ​ളി​ച്ചു. പി​ന്നെ പു​ലി​യു​ടെ ക​ണ്ണി​ൽപ്പെ​ടാ​തെ ഓ​ടി ര​ക്ഷ​പ്പെ​ട്ടു. റ​ബ​ർ തോ​ട്ട​ത്തി​ന് സ​മീ​പം വീ​ടു​ക​ളു​മി​ല്ല. കാ​ടു​പി​ടി​ച്ച പ്ര​ദേ​ശ​ത്താ​ണ് പു​ലി​യെ ക​ണ്ട​ത്.
ക​രി​ങ്കു​ന്നം പ​ഞ്ചാ​യ​ത്തി​ൽ ആ​ദ്യം പു​ലി​യു​ടെ സാ​ന്നി​ധ്യം ക​ണ്ട ഇ​ല്ലി​ചാ​രി മ​ല​യു​ടെ നേ​രേ എ​തി​ർ​ഭാ​ഗ​മാ​ണി​ത്.

നി​ല​വി​ൽ വ​നം വ​കു​പ്പ് കൂ​ട് സ്ഥാ​പി​ച്ചി​രി​ക്കു​ന്ന സ്ഥ​ല​ത്തി​ന് സ​മീ​പ പ്ര​ദേ​ശ​മാ​ണ്. ഓ​ടി ര​ക്ഷ​പ്പെ​ട്ട ശേ​ഷം തോ​ട്ടം ഉ​ട​മ​യോ​ടെ കാ​ര്യം പ​റ​ഞ്ഞു. അ​ദ്ദേ​ഹ​മാ​ണ് പ​ഞ്ചാ​യ​ത്ത് അം​ഗ​ത്തെ വി​വ​രം അ​റി​യി​ച്ച​ത്. ഇ​നി റ​ബ​ർ വെ​ട്ടാ​ൻ അ​വി​ടേ​യ്ക്കി​ല്ലെ​ന്ന് വി​ജു പ​റ​യു​ന്നു.

ക​രി​ങ്കു​ന്നം പു​ത്ത​ൻ​പ​ള്ളി​ക്കു സ​മീ​പ​ത്തെ കോ​ഴി​ഫാ​മി​ൽ ശ​നി​യാ​ഴ്ച രാ​ത്രി പു​ലി​യെ​ത്തി കോ​ഴി​യെ പി​ടി​കൂ​ടി​യ​താ​യി നാ​ട്ടു​കാ​ർ പ​റ​ഞ്ഞ​തി​നെത്തു​ട​ർ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് കെ.​കെ. ​തോ​മ​സ് ഉ​ൾ​പ്പെ​ടെ​യു​ള്ള​വ​ർ ഇ​വി​ടെ​യെ​ത്തി പ​രി​ശോ​ധ​ന ന​ട​ത്തി.

പു​റ​വി​ള​യി​ൽ ആ​ടി​നെ കൊ​ന്നു

മു​ട്ടം പ​ഞ്ചാ​യ​ത്തി​ലെ പു​റ​വി​ള ഭാ​ഗ​ത്ത് താ​മ​സി​ക്കു​ന്ന കു​ഴി​ഞ്ഞാ​ലി​ക്കു​ന്നേ​ൽ തോ​മ​സി​ന്‍റെ ആ​ടി​നെ ഇ​ന്ന​ലെ അ​ജ്ഞാ​ത ജീ​വി ആ​ക്ര​മി​ച്ചു കൊ​ന്നു. അ​ഴി​ച്ചു വി​ട്ടി​രു​ന്ന ആ​ട് രാ​ത്രി എ​ത്താ​ത്ത​തി​നെത്തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് ച​ത്ത നി​ല​യി​ൽ ക​ണ്ട​ത്.

ആ​ടി​നെ കൊ​ന്ന് പ​കു​തി​യോ​ളം ഭ​ക്ഷി​ച്ച നി​ല​യി​ലാ​ണ് ജ​ഡം കാ​ണ​പ്പെ​ട്ട​ത്. ക​ഴു​ത്തി​ൽ കൂ​ർ​ത്ത പ​ല്ലു​ക​ൾ ത​റ​ച്ചു​ക​യ​റി​യ​തി​ന്‍റെ ല​ക്ഷ​ണ​ങ്ങ​ളു​മു​ണ്ട്. പു​ലി​യാ​ണ് ആ​ടി​നെ ആ​ക്ര​മി​ച്ചു കൊ​ന്ന​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

ര​ണ്ടു​മാ​സ​ത്തോ​ള​മാ​യി ക​രി​ങ്കു​ന്നം ഇ​ല്ലി​ചാ​രി മ​ല​യി​ൽ പ​ല​രും പു​ള്ളി​പ്പു​ലി​യെ ക​ണ്ടു. പി​ന്നീ​ട് പാ​റ​ക്ക​ട​വ് മ​ഞ്ഞു​മാ​വി​ലും പു​ലി​യു​ടെ സാ​ന്നി​ധ്യ​മു​ണ്ടാ​യി. ഇ​ല്ലി​ചാ​രി മ​ല​യി​ൽ വ​നം​വ​കു​പ്പ് സ്ഥാ​പി​ച്ച കൂ​ട് പി​ന്നീ​ട് മ​ഞ്ഞു​മാ​വി​ന് സ​മീ​പം പൊ​ട്ട​ൻ​പ്ലാ​വി​ലേ​ക്ക് മാ​റ്റി സ്ഥാ​പി​ച്ചു.

ക​ഴി​ഞ്ഞ മൂ​ന്നി​ന് മ​ഞ്ഞുമാ​വി​ലും പ​ഴ​യ​മ​റ്റ​ത്തും കാ​മ​റ​ക​ൾ സ്ഥാ​പി​ച്ചി​രു​ന്നു. ഈ ​കാ​മ​റ​ക​ളി​ൽ ഇ​തു​വ​രെ പു​ലി​യു​ടെ ദൃ​ശ്യ​ങ്ങ​ൾ ല​ഭ്യ​മാ​യി​ട്ടി​ല്ലെ​ന്നും രാ​ത്രി പ​ട്രോ​ളിം​ഗ് കൃ​ത്യ​മാ​യി ന​ട​ത്തു​ന്നു​ണ്ടെ​ന്നും വ​നം​വ​കു​പ്പ് അ​ധി​കൃ​ത​ർ പ​റ​ഞ്ഞു.

പ​ല ഭാ​ഗ​ത്തും നാ​ട്ടു​കാ​ർ ക​ണ്ടു

ഇ​തി​നി​ടെ പ​ല ഭാ​ഗ​ത്തും ഒ​ന്നി​ൽ കൂ​ടു​ത​ൽ പു​ലി​ക​ളെ ക​ണ്ട​താ​യും പ​റ​യ​പ്പെ​ടു​ന്നു. പ​ല മേ​ഖ​ല​ക​ളി​ൽ നി​ന്നും ഇ​ത്ത​ര​ത്തി​ൽ പു​ലി​യെ ക​ണ്ട​താ​യി വി​വ​രം പു​റ​ത്തു വ​രു​ന്ന സാ​ഹ​ച​ര്യ​ത്തി​ൽ വ​നം​വ​കു​പ്പ് ഉ​ദ്യോ​ഗ​സ്ഥ​രും പ്ര​തി​സ​ന്ധി​യി​ലാ​ണ്.

പു​ലി​യെ ക​ണ്ട​താ​യി പ​റ​യ​പ്പെ​ടു​ന്ന മേ​ഖ​ല​ക​ളി​ൽ പ​രി​ശോ​ധ​ന ന​ട​ത്തി ഇ​ക്കാ​ര്യം സ്ഥി​രീ​ക​രി​ക്ക​ണം. എ​ന്നാ​ൽ നി​ല​വി​ൽ ഇ​ല്ലി​ചാ​രി, പൊ​ട്ട​ൻ​പ്ലാ​വ്, മ​ല​ങ്ക​ര എ​സ്റ്റേ​റ്റ് ഉ​ൾ​പ്പെടെ ഏ​താ​നും പ്ര​ദേ​ശ​ത്തു മാ​ത്ര​മാ​ണ് പു​ലി​യു​ടെ സാ​ന്നി​ധ്യം വ​നം​വ​കു​പ്പ് സ്ഥി​രീ​ക​രി​ച്ച​ത്. ഇ​ത് ഇ​ല്ലി​ചാ​രി​യി​ലെ കാ​മ​റ​യി​ൽ പ​തി​ഞ്ഞ പു​ലി ത​ന്നെ​യാ​ണെ​ന്നാ​ണ് വ​നം​വ​കു​പ്പി​ന്‍റെ നി​ഗ​മ​നം. ഒ​ന്നി​ൽ​ക്കൂ​ടു​ത​ൽ പു​ലി​ക​ളെ ക​ണ്ട​താ​യു​ള്ള പ്ര​ചാ​ര​ണം തെ​റ്റാ​ണെ​ന്നും ഉ​ദ്യോ​ഗ​സ്ഥ​ർ പ​റ​ഞ്ഞു.

മു​ട്ട​ത്ത് ഇ​ന്ന് യോ​ഗം

മു​ട്ടം പ​ഞ്ചാ​യ​ത്തി​ൽ വ്യാ​പ​ക​മാ​യി പു​ലി​യെ ക​ണ്ടെ​ന്ന പ്ര​ചാ​ര​ണം ശ​ക്തി​പ്പെ​ടു​ക​യും ജ​ന​ങ്ങ​ൾ ഭീ​തി​യി​ലാ​കു​ക​യും ചെ​യ്ത സാ​ഹ​ച​ര്യ​ത്തി​ൽ മു​ട്ടം പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ഇ​ന്നു 11ന് ​ടൗ​ണ്‍ പ​ള്ളി പാ​രീ​ഷ് ഹാ​ളി​ൽ അ​ടി​യ​ന്ത​ര യോ​ഗം ചേ​രു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് ഷേ​ർ​ളി അ​ഗ​സ്റ്റി​ൻ പ​റ​ഞ്ഞു.

പി.​ജെ.​ ജോ​സ​ഫ് എം​എ​ൽ​എ ഉ​ൾ​പ്പെടെ​യു​ള്ള ജ​ന​പ്ര​തി​നി​ധി​ക​ളും വ​നം​വ​കു​പ്പു​ദ്യോ​ഗ​സ്ഥ​രും യോ​ഗ​ത്തി​ൽ പ​ങ്കെ​ടു​ക്കും. ജ​ന​ങ്ങ​ളു​ടെ ഭീ​തി ഒ​ഴി​വാ​ക്കാ​ൻ അ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് ആ​വ​ശ്യ​പ്പെ​ട്ടു.

ക​ണ്ടെ​യ്ൻ​മെ​ന്‍റ് സോ​ണാ​ക്ക​ണം

ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മേ​ഖ​ല​യി​ൽ വ​നം​വ​കു​പ്പ് കൂ​ടു സ്ഥാ​പി​ച്ചി​രി​ക്കു​ന്ന പ്ര​ദേ​ശം ക​ണ്ടെ​യ്ൻ​മെ​ന്‍റ് സോ​ണാ​യി പ്ര​ഖ്യാ​പി​ക്ക​ണ​മെ​ന്ന് അ​ധി​കൃ​ത​രോ​ട് ആ​വ​ശ്യ​പ്പെ​ടു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് കെ.​കെ.​തോ​മ​സ് പ​റ​ഞ്ഞു.

നാ​ളെ ചേ​രു​ന്ന പ​ഞ്ചാ​യ​ത്ത് ക​മ്മി​റ്റി യോ​ഗ​ത്തി​ൽ ഇ​തു​മാ​യി ബ​ന്ധ​പ്പെ​ട്ട് തീ​രു​മാ​ന​മെ​ടു​ക്കും. കൂ​ടു സ്ഥാ​പി​ച്ച​തു മു​ത​ൽ ഇ​വി​ടേ​ക്ക് വ​ലി​യ ജ​ന​പ്ര​വാ​ഹ​മാ​ണ്. പു​ലി​യു​ടെ വി​ഹാ​ര കേ​ന്ദ്ര​മാ​യി​രു​ന്നു ഇ​വി​ടം.

എ​ന്നാ​ൽ ജ​ന​ങ്ങ​ളു​ടെ സാ​ന്നി​ധ്യം കൂ​ടി​യ​തോ​ടെ​യാ​ണ് പു​ലി ഇ​വി​ടേ​ക്ക് എ​ത്താ​ത്ത​തെ​ന്നാ​ണ് വ​നം​വ​കു​പ്പ് ന​ൽ​കു​ന്ന സൂ​ച​ന. ഈ ​സാ​ഹ​ച​ര്യ​ത്തി​ലാ​ണ് പ്ര​ദേ​ശ​വാ​സി​ക​ൾ ഒ​ഴി​കെ മ​റ്റു​ള്ള​വ​ർ ഇ​വി​ടെ എ​ത്തു​ന്ന​ത് ത​ട​യ​ണ​മെ​ന്ന നി​ർ​ദേ​ശം വ​യ്ക്കു​ന്ന​ത്.
Copyright @ 2018 , Rashtra Deepika Ltd.