മം​ഗ​ലം- ഗോ​വി​ന്ദാ​പു​രം പാ​ത​യി​ൽ കു​ഴി​യ​ട​ച്ച് താത്കാലിക പരിഹാരം
Tuesday, April 30, 2024 7:13 AM IST
വ​ട​ക്ക​ഞ്ചേ​രി: മം​ഗ​ലം- ഗോ​വി​ന്ദാ​പു​രം സം​സ്ഥാ​ന​പാ​ത​യി​ൽ കു​ഴി​യ​ട​യ്ക്ക​ൽ തു​ട​ങ്ങി. വ​ലി​യ കു​ഴി​ക​ൾ അ​ട​ച്ച് താ​ത്കാ​ലി​ക പ​രി​ഹാ​ര​മാ​ണു​ണ്ടാ​ക്കു​ന്ന​ത്. എ​ന്നാ​ൽ മം​ഗ​ലം​പാ​ലം മു​ത​ൽ വ​ള്ളി​യോ​ട് പോ​ളി​ടെ​ക്നി​ക് കോ​ള​ജ് വ​രെ​യു​ള്ള ഭാ​ഗം റീ​ടാ​റിം​ഗ് ന​ട​ത്തു​മെ​ന്നും അ​ധി​കൃ​ത​ർ പ​റ​ഞ്ഞു.

കേ​ന്ദ്ര​സ​ർ​ക്കാ​രി​ന്‍റെ റോ​ഡ് വി​ക​സ​ന പ​ദ്ധ​തി​യി​ൽ സം​സ്ഥാ​ന​പാ​ത​യെ ഉ​ൾ​പ്പെ​ടു​ത്തി​യി​ട്ടു​ണ്ട് എ​ന്നു​പ​റ​ഞ്ഞ് ക​ഴി​ഞ്ഞ കു​റ​ച്ചു വ​ർ​ഷ​ങ്ങ​ളാ​യി ന​ല്ല രീ​തി​യി​ലു​ള്ള റീ​ടാ​റിം​ഗ് വ​ർ​ക്കു​ക​ൾ റോ​ഡി​ൽ ന​ട​ന്നി​ട്ടി​ല്ല.

ഇ​തു​മൂ​ലം വ​ലി​യ കു​ഴി​ക​ളാ​ണ് പ​ല​ഭാ​ഗ​ത്തും. കേ​ന്ദ്ര​സ​ർ​ക്കാ​രി​ന്‍റെ ഭാ​ര​ത്‌മാ​ല പ​ദ്ധ​തി​യി​ൽ ഉ​ൾ​പ്പെ​ടു​ത്തി പാ​ത ദേ​ശീ​യ​പാ​ത നി​ല​വാ​ര​ത്തി​ലേ​ക്ക് ഉ​യ​ർ​ത്തു​മെ​ന്ന പ്ര​ഖ്യാ​പ​നം റോ​ഡി​ന്‍റെ നി​ല​വി​ലു​ള്ള വി​ക​സ​ന​വും ത​ട​സ​പ്പെ​ടു​ത്തി​യ സ്ഥി​തി​യി​ലാ​ണി​പ്പോ​ൾ.

ഇ​തി​നി​ടെ അ​ഞ്ചു​വ​ർ​ഷം മു​മ്പ് പാ​ത​യു​ടെ പ​ല ഭാ​ഗ​ത്താ​യി പ​ത്തും പ​തി​ന​ഞ്ചും മീ​റ്റ​ർ പു​റ​കോ​ട്ടു​നീ​ങ്ങി റോ​ഡ് വി​ക​സ​ന​ത്തി​നു ഏ​റ്റെ​ടു​ക്കു​ന്ന സ്ഥ​ല​മാ​ണെ​ന്നു​പ​റ​ഞ്ഞ് മാ​ർ​ക്ക് ചെ​യ്യു​ന്ന പ്ര​വൃ​ത്തി ന​ട​ന്നി​രു​ന്നു.

ഇ​തു ജ​ന​ങ്ങ​ളി​ലും വ​ലി​യ ആ​ശ​ങ്ക ഉ​ണ്ടാ​ക്കി. ഈ ​വി​ധം റോ​ഡ് വി​ക​സ​നം ന​ട​ന്നാ​ൽ നൂ​റു​ക​ണ​ക്കി​ന് വീ​ടു​ക​ൾ പൊ​ളി​ച്ചു മാ​റ്റേ​ണ്ടി​വ​രു​ന്ന സ്ഥി​തി​യു​ണ്ടാ​കും. ഇ​തി​ൽ ഏ​തു​ത​രം വി​ക​സ​ന​മാ​ണ് ന​ട​ക്കാ​നി​രി​ക്കു​ന്ന​ത് എ​ന്ന് ഇ​നി​യും വ്യ​ക്ത​മ​ല്ല.
Copyright @ 2018 , Rashtra Deepika Ltd.