11

ഇ​രി​ട്ടി: കോ​ടി​ക​ൾ മു​ട​ക്കി പ്ര​ഖ്യാ​പ​ന​ങ്ങ​ളും ഉ​ദ്ഘാ​ട​ന മാ​മാ​ങ്ക​ങ്ങ​ളും ന​ട​ത്തി​യ ക​ണ്ണൂ​ർ അ​ന്താ​രാ​ഷ്‌​ട്ര ആ​യു​ർ​വേ​ദ ഗ​വേ​ഷ​ണ കേ​ന്ദ്ര​ത്തി​ന്‍റെ ആ​ദ്യ​ഘ​ട്ടം ത​ന്നെ പാ​ളി​യ​താ​യി ആ​രോ​പ​ണം. പ​ടി​യൂ​ർ പ​ഞ്ചാ​യ​ത്തി​ലെ ക​ല്യാ​ട് പ​റ​മ്പി​ൽ നി​ർ​മാ​ണം ന​ട​ക്കു​ന്ന കേ​ന്ദ്ര​ത്തി​ന്‍റെ ആ​ദ്യ​ഘ​ട്ടം ആ​റു​മാ​സം മു​ന്പ് ഉ​ദ്ഘാ​ട​നം ചെ​യ്തെ​ങ്കി​ലും തു​ട​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​ല​ച്ചി​ട്ട് നാ​ളു​ക​ളാ​യി.

111 കോ​ടി രൂ​പ ചെ​ല​വ​ഴി​ച്ച് ഏ​റ്റെ​ടു​ത്ത ഭൂ​മി​യും ഏ​ക​ദേ​ശം 88 കോ​ടി രൂ​പ ചെ​ല​വി​ൽ നി​ർ​മി​ച്ച ബ​ഹു​നി​ല കെ​ട്ടി​ട​ങ്ങ​ളും ഇ​പ്പോ​ൾ കാ​ടു​ക​യ​റി കി​ട​ക്കു​ക​യാ​ണ്. പൊ​ടി​യും മ​ണ്ണും മാ​റാ​ല​യും നി​റ​ഞ്ഞ കെ​ട്ടി​ട പ​രി​സ​രം തെ​രു​വു​നാ​യ്ക്ക​ളു​ടെ താ​വ​ള​മാ​യ​താ​യും നാ​ട്ടു​കാ​ർ പ​റ​യു​ന്നു. നി​ർ​മാ​ണ​ത്തി​ലും പ​ദ്ധ​തി​യു​ടെ ന​ട​ത്തി​പ്പി​ലും വ​ൻ​ക്ര​മ​ക്കേ​ടു​ക​ൾ ന​ട​ന്ന​താ​യാ​ണ് പ്ര​ദേ​ശ​വാ​സി​ക​ളു​ടെ ആ​രോ​പ​ണം. നി​ർ​മാ​ണം ന​ട​ന്ന സ്ഥ​ല​ത്തി​ന്‍റെ ഉ​ട​മ​സ്ഥാ​വ​കാ​ശ​വു​മാ​യി ബ​ന്ധ​പ്പെ​ട്ട ത​ർ​ക്കം ഹൈ​ക്കോ​ട​തി​യി​ലാ​ണെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു.

ഉ​ദ്ഘാ​ട​നം ക​ഴി​ഞ്ഞ് ആ​റു​മാ​സം; നി​ർ​മാ​ണം നി​ല​ച്ചു

നി​യ​മ​സ​ഭാ തി​ര​ഞ്ഞെ​ടു​പ്പി​ന് തൊ​ട്ടു​മു​ന്പ് അ​ന്ന​ത്തെ ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന്‍റെ അ​ധ്യ​ക്ഷ​ത​യി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് ഗ​വേ​ഷ​ണ കേ​ന്ദ്ര​ത്തി​ന്‍റെ ആ​ദ്യ​ഘ​ട്ടം ഉ​ദ്ഘാ​ട​നം ചെ​യ്ത​ത്. ആ​ശു​പ​ത്രി, ലൈ​ബ്ര​റി, മാ​നു​സ്ക്രി​പ്റ്റ് കേ​ന്ദ്രം, ന​ഴ്സ​റി ബ്ലോ​ക്ക്, ചു​റ്റു​മ​തി​ൽ, റോ​ഡ് തു​ട​ങ്ങി​യ​വ ആ​ദ്യ​ഘ​ട്ട​ത്തി​ൽ പൂ​ർ​ത്തി​യാ​ക്കി​യ​താ​യി അ​ന്ന് പ്ര​ഖ്യാ​പി​ച്ചി​രു​ന്നു.1.60 ല​ക്ഷം ച​തു​ര​ശ്ര അ​ടി വി​സ്തീ​ർ​ണ​ത്തി​ൽ 100 കി​ട​ക്ക​ക​ളു​ള്ള ആ​ശു​പ​ത്രി, 19,000 ച​തു​ര​ശ്ര അ​ടി വി​സ്തീ​ർ​ണ​ത്തി​ലു​ള്ള മാ​നു​സ്ക്രി​പ്റ്റ് കേ​ന്ദ്രം, ന​ഴ്സ​റി ബ്ലോ​ക്ക് എ​ന്നി​വ ഉ​ൾ​പ്പെ​ടു​ന്ന​താ​യി​രു​ന്നു ആ​ദ്യ​ഘ​ട്ടം. 36 ഏ​ക്ക​റി​ലാ​ണ് ഇ​വ നി​ർ​മി​ച്ച​തെ​ന്നാ​ണ് അ​ധി​കൃ​ത​ർ അ​റി​യി​ച്ച​ത്.

ആ​ദ്യ​ഘ​ട്ട ഉ​ദ്ഘാ​ട​ന​ത്തോ​ടൊ​പ്പം ര​ണ്ടാം​ഘ​ട്ട നി​ർ​മാ​ണ​ത്തി​നും തു​ട​ക്ക​മി​ട്ടി​രു​ന്നു. ഏ​ക​ദേ​ശം 300 കോ​ടി രൂ​പ ചെ​ല​വി​ൽ രാ​ജ്യ​ത്തെ പ്ര​ധാ​ന ആ​യു​ർ​വേ​ദ ഗ​വേ​ഷ​ണ കേ​ന്ദ്ര​ങ്ങ​ളി​ലൊ​ന്നാ​ക്കി സ്ഥാ​പ​ന​ത്തെ മാ​റ്റു​ക​യാ​യി​രു​ന്നു ല​ക്ഷ്യം. ഗ​വേ​ഷ​ണ ലൈ​ബ്ര​റി, മ്യൂ​സി​യം, സ്റ്റാ​ഫ് ക്വാ​ർ​ട്ടേ​ഴ്സ്, തി​യ​റ്റ​ർ തു​ട​ങ്ങി​യ​വ ര​ണ്ടാം​ഘ​ട്ട​ത്തി​ൽ ഉ​ൾ​പ്പെ​ടു​ത്തി​യി​രു​ന്നു. ഗ​വേ​ഷ​ണ കേ​ന്ദ്ര​ത്തി​ന് സ​മീ​പം 33 കെ​വി സ​ബ്‌​സ്റ്റേ​ഷ​ൻ, രാ​ജ്യാ​ന്ത​ര നി​ല​വാ​ര​ത്തി​ലു​ള്ള താ​മ​സ-​യാ​ത്രാ സൗ​ക​ര്യ​ങ്ങ​ൾ, ഔ​ഷ​ധ​സ​സ്യ​ത്തോ​ട്ടം തു​ട​ങ്ങി​യ അ​നു​ബ​ന്ധ വി​ക​സ​ന പ​ദ്ധ​തി​ക​ളും പ്ര​ഖ്യാ​പി​ച്ചി​രു​ന്നു. എ​ന്നാ​ൽ​പ്ര​ഖ്യാ​പ​ന​ങ്ങ​ൾ പ​ല​തും ക​ട​ലാ​സി​ലൊ​തു​ങ്ങി​യെ​ന്നാ​ണ് ഇ​പ്പോ​ഴ​ത്തെ സ്ഥി​തി വ്യ​ക്ത​മാ​ക്കു​ന്ന​ത്.

ആ​ദ്യ​ഘ​ട്ടം പോലും കടക്കാതെ ഉദ്ഘാടനം

ഉ​ദ്ഘാ​ട​നം ക​ഴി​ഞ്ഞി​ട്ടും ആ​ദ്യ​ഘ​ട്ട നി​ർ​മാ​ണം പൂ​ർ​ത്തി​യാ​യി​ട്ടി​ല്ല. ഏ​ക​ദേ​ശം 70 ശ​ത​മാ​നം പ്ര​വൃ​ത്തി​ക​ൾ മാ​ത്ര​മാ​ണ് പൂ​ർ​ത്തി​യാ​യ​തെ​ന്നാ​ണ് വി​വ​രം. മെ​ക്കാ​നി​ക്ക​ൽ, ഇ​ല​ക്‌​ട്രി​ക്ക​ൽ, പ്ലം​ന്പിം​ഗ് ജോ​ലി​ക​ൾ പോ​ലും ആ​രം​ഭി​ച്ചി​ട്ടി​ല്ല. പൂ​ർ​ത്തി​യാ​ക്കി​യ പ്ര​വൃ​ത്തി​ക​ളു​ടെ പ​ണം ല​ഭി​ക്കാ​ത്ത​തി​നെ തു​ട​ർ​ന്ന് ക​രാ​റു​കാ​ര​ൻ നി​ർ​മാ​ണം ഉ​പേ​ക്ഷി​ച്ച നി​ല​യി​ലാ​ണെ​ന്നും ആ​രോ​പ​ണ​മു​ണ്ട്. ഗ​വേ​ഷ​ണ കേ​ന്ദ്ര​ത്തി​നാ​യി സ​ർ​ക്കാ​ർ 314 ഏ​ക്ക​ർ ഭൂ​മി ഏ​റ്റെ​ടു​ത്ത​താ​യി അ​ധി​കൃ​ത​ർ പ​റ​യു​മ്പോ​ഴും ഇ​തി​ൽ മു​ഴു​വ​ൻ ഭൂ​മി​യും ഏ​റ്റെ​ടു​ത്തി​ട്ടി​ല്ലെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം.

286 ഏ​ക്ക​ർ നി​ർ​മാ​ണ​ത്തി​നാ​യി കൈ​മാ​റി​യ​താ​യാ​ണ് ഔ​ദ്യോ​ഗി​ക വി​ശ​ദീ​ക​ര​ണം. കി​റ്റ്കോ​യാ​ണ് പ​ദ്ധ​തി​യു​ടെ ക​ൺ​സ​ൾ​ട്ട​ൻ​സി. ആ​ദ്യ​ഘ​ട്ട നി​ർ​മാ​ണം എ​റ​ണാ​കു​ളം ആ​സ്ഥാ​ന​മാ​യ സി​ൽ​പ്പ പ്രോ​ജ​ക്ട്സി​നാ​യി​രു​ന്നു. റ​വ​ന്യൂ വ​കു​പ്പി​ന്‍റെ അ​ധീ​ന​ത​യി​ലു​ണ്ടാ​യി​രു​ന്ന നൂ​റി​ലേ​റെ ഏ​ക്ക​റും സ്വ​കാ​ര്യ വ്യ​ക്തി​ക​ളി​ൽ​നി​ന്ന് ഏ​റ്റെ​ടു​ത്ത 200 ഏ​ക്ക​റി​ലേ​റെ ഭൂ​മി​യും ഉ​ൾ​പ്പെ​ടു​ത്തി​യാ​ണ് പ​ദ്ധ​തി​ക്കാ​യി സ്ഥ​ലം ക​ണ്ടെ​ത്തി​യ​ത്.

റോ​ഡും അ​ടി​സ്ഥാ​ന സൗ​ക​ര്യ​ങ്ങ​ളും ത​ക​ർ​ന്നു

ഗ​വേ​ഷ​ണ കേ​ന്ദ്ര​ത്തി​ലേ​ക്കു​ള്ള അ​ടി​സ്ഥാ​ന സൗ​ക​ര്യ വി​ക​സ​ന​വും​എ​ങ്ങു​മെ​ത്തി​യി​ട്ടി​ല്ല. ത​ളി​പ്പ​റ​മ്പ്–​ഇ​രി​ട്ടി സം​സ്ഥാ​ന പാ​ത​യി​ൽ​നി​ന്ന് പ​ടി​യൂ​ർ പൂ​വ്വം വ​ഴി ഗ​വേ​ഷ​ണ കേ​ന്ദ്ര​ത്തി​ലേ​ക്കു​ള്ള റോ​ഡ് കാ​ൽ​ന​ട​യാ​ത്ര​യ്ക്കു​പോ​ലും പ്ര​യാ​സ​പ്പെ​ടു​ന്ന ത​ര​ത്തി​ൽ ത​ക​ർ​ന്നു​കി​ട​ക്കു​ക​യാ​ണ്. കേ​ന്ദ്ര​ത്തി​ന് ആ​വ​ശ്യ​മാ​യ ഹെ​ലി​പ്പാ​ഡ്, ല​ബോ​റ​ട്ട​റി, താ​മ​സ​സൗ​ക​ര്യ​ങ്ങ​ൾ തു​ട​ങ്ങി​യ​വ​യു​ടെ നി​ർ​മാ​ണം ഇ​നി​യും ആ​രം​ഭി​ച്ചി​ട്ടി​ല്ല .

ആ​ളു​ക​ളു​ടെ സാ​ന്നി​ധ്യം കു​റ​ഞ്ഞ​തോ​ടെ ഉ​ദ്ഘാ​ട​ന സ​മ​യ​ത്ത് ഒ​രു​ക്കി​യ പു​ൽ​ത്ത​കി​ടി​യും ന​ട്ടു​പി​ടി​പ്പി​ച്ച ഔ​ഷ​ധ​സ​സ്യ​ങ്ങ​ളും ചെ​ടി​ക​ളും ന​ശി​ച്ചു​തു​ട​ങ്ങി. ആ​യു​ർ​വേ​ദ ഗ​വേ​ഷ​ണ​ത്തി​നും ചി​കി​ത്സ​യ്ക്കു​മാ​യി കോ​ടി​ക​ൾ ചെ​ല​വ​ഴി​ച്ച പ​ദ്ധ​തി ഇ​പ്പോ​ൾ അ​ടി​സ്ഥാ​ന സൗ​ക​ര്യ​ങ്ങ​ൾ​പോ​ലും പൂ​ർ​ത്തി​യാ​ക്കാ​നാ​കാ​ത്ത അ​വ​സ്ഥ​യി​ലാ​ണെ​ന്നാ​ണ് വി​മ​ർ​ശ​നം.

അ​ടി​മു​ടി അ​ഴി​മ​തി
“നി​ർ​മാ​ണ പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട് ഗു​രു​ത​ര​മാ​യ അ​ഴി​മ​തി ന​ട​ന്നി​ട്ടു​ണ്ട്. ഉ​പ​ക​രാ​റു​കാ​ർ​ക്ക് പ​ണം ന​ൽ​കാ​ത്ത​താ​ണ് നി​ർ​മാ​ണം പൂ​ർ​ണ​മാ​യി നി​ല​യ്ക്കാ​ൻ കാ​ര​ണം. ആ​ദ്യ​ഘ​ട്ട നി​ർ​മാ​ണം ഏ​ക​ദേ​ശം 70 ശ​ത​മാ​നം മാ​ത്ര​മേ പൂ​ർ​ത്തി​യാ​യി​രു​ന്നു​ള്ളൂ​വെ​ങ്കി​ലും ക​രാ​റു​കാ​ര​ന് 90 ശ​ത​മാ​നം തു​ക കൈ​മാ​റി​യ​തി​ൽ ക്ര​മ​ക്കേ​ടു​ണ്ട്. അ​നു​വ​ദി​ച്ച​തി​ല​ധി​കം ചെ​ങ്ക​ല്ല് ഖ​ന​നം ചെ​യ്ത് പു​റ​ത്തേ​ക്ക് കൊ​ണ്ടു​പോ​യി. ഇ​തി​ന്‍റെ ക​ണ​ക്കു​ക​ൾ രേ​ഖ​പ്പെ​ടു​ത്തി​യി​ട്ടി​ല്ല. ”

കെ.​പി. ബാ​ബു (പ​ടി​യൂ​ർ പ​ഞ്ചാ​യ​ത്തം​ഗം)

ഔ​ഷ​ധ​ത്തോ​ട്ട​വും ക​ട​ലാ​സി​ൽ
“ചെ​ങ്ക​ല്ല് നി​റ​ഞ്ഞ പ്ര​ദേ​ശ​ത്ത് ആ​യു​ർ​വേ​ദ ഔ​ഷ​ധ​സ​സ്യ​ത്തോ​ട്ടം ഒ​രു​ക്കു​ന്ന​തും വെ​ല്ലു​വി​ളി​യാ​ണ്. ഉ​ദ്ഘാ​ട​ന സ​മ​യ​ത്ത് ന​ട്ടു​പി​ടി​പ്പി​ച്ച ചെ​ടി​ക​ളി​ൽ ഭൂ​രി​ഭാ​ഗ​വും ന​ശി​ച്ചു​ക​ഴി​ഞ്ഞു. 200 കോ​ടി​യി​ലേ​റെ രൂ​പ ചെ​ല​വ​ഴി​ച്ച പ്ര​ദേ​ശം ഇ​പ്പോ​ൾ കാ​ടു​ക​യ​റി വ​ന്യ​മൃ​ഗ​ങ്ങ​ളു​ടെ താ​വ​ള​മാ​യി മാ​റു​ന്ന അ​വ​സ്ഥ​യാ​ണെ​ന്നും അ​ദ്ദേ​ഹം പ​റ​ഞ്ഞു.”

വി.വി. കുഞ്ഞിക്കണ്ണൻ (പ്രദേശവാസി)

സ്ഥ​ല​മേ​റ്റെ​ടു​ക്ക​ൽ പൂ​ർ​ത്തി​യാ​യി​ല്ല

“പ​ദ്ധ​തി​ക്കാ​യി സ്ഥ​ലം ഏ​റ്റെ​ടു​ക്ക​ൽ പൂ​ർ​ത്തി​യാ​യി​ട്ടി​ല്ല. സ​ർ​വേ പൂ​ർ​ത്തി​യാ​ക്കി​യ 314 ഏ​ക്ക​റി​ൽ ഏ​ക​ദേ​ശം 200 ഏ​ക്ക​ർ മാ​ത്ര​മാ​ണ് ഏ​റ്റെ​ടു​ത്ത​ത്. നി​ല​വി​ൽ നി​ർ​മാ​ണം ന​ട​ന്ന സ്ഥ​ല​ത്തി​ന്‍റെ ഭാ​ഗ​മാ​യ 5.75 ഏ​ക്ക​ർ സ്ഥ​ല​വു​മാ​യി ബ​ന്ധ​പ്പെ​ട്ട ത​ർ​ക്കം​പോ​ലും പ​രി​ഹ​രി​ച്ചി​ട്ടി​ല്ല. ഇ​തി​ൽ നാ​ല് ഏ​ക്ക​ർ സ്ഥ​ല​ത്തി​ന്‍റെ ഉ​ട​മ ശ​ശി മു​ട്ട​ന്നൂ​ർ ഹൈ​ക്കോ​ട​തി​യെ സ​മീ​പി​ച്ചി​രി​ക്കു​ക​യാ​ണ്. 1.75 ഏ​ക്ക​ർ സ്ഥ​ലം ഉ​ട​മ പി.​ടി. ഗോ​വി​ന്ദ​ന്‍റെ സ്ഥ​ല​വും ഇ​നി​യും ഏ​റ്റെ​ടു​ത്തി​ട്ടി​ല്ല.”

ആ​ന​ന്ദ ബാ​ബു ക​ല്യാ​ട്
(പ്രദേശവാസി)

Tags : District News Nattuvishesham Ayurveda Research Centre Setback phase itself