11

ഇ​ഞ്ഞി: പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ൽ മു​ത്തോ​ല​പു​രം പ​ള്ളി​ക്കു സ​മീ​പം സം​സ്ഥാ​ന​പാ​ത​യോ​ട് ചേ​ർ​ന്നു സ്ഥി​തി ചെ​യ്യു​ന്ന കെ​ട്ടി​ടം അ​ധി​കൃ​ത​രു​ടെ സം​ര​ക്ഷ​ണ​മി​ല്ലാ​തെ നാ​ശ​ത്തി​ന്‍റെ വ​ക്കി​ലാ​യി. ല​ക്ഷ​ങ്ങ​ൾ മു​ട​ക്കി വ​ർ​ഷ​ങ്ങ​ൾ​ക്കു മു​ൻ​പ് കൃ​ഷി​വ​കു​പ്പി​ന്‍റെ വി​വി​ധ ആ​വ​ശ്യ​ങ്ങ​ൾ​ക്കാ​യി നി​ർ​മി​ച്ച ഈ ​കെ​ട്ടി​ടം ഉ​ദ്ഘാ​ട​നം ക​ഴി​ഞ്ഞ് ഏ​താ​നും നാ​ളു​ക​ൾ മാ​ത്ര​മാ​ണ് പ്ര​വ​ർ​ത്തി​ച്ച​ത്. പി​ന്നീ​ട് അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​യ ക​ടു​ത്ത അ​നാ​സ്ഥ​യെ​ത്തു​ട​ർ​ന്ന് കെ​ട്ടി​ടം പൂ​ർ​ണ​മാ​യും ഉ​പേ​ക്ഷി​ക്ക​പ്പെ​ട്ട നി​ല​യി​ലാ​വു​ക​യാ​യി​രു​ന്നു.

നി​ല​വി​ൽ കാ​ടു​ക​യ​റി മൂ​ടി​യ കെ​ട്ടി​ട​ത്തി​ൽ വി​ഷ​പ്പാ​മ്പു​ക​ൾ ഉ​ൾ​പ്പെ​ടെ​യു​ള്ള ഇ​ഴ​ജ​ന്തു​ക്ക​ളു​ടെ ശ​ല്യം രൂ​ക്ഷ​മാ​ണ്. പ്ര​ധാ​ന റോ​ഡി​ലൂ​ടെ പോ​കു​ന്ന കാ​ൽ​ന​ട​യാ​ത്ര​ക്കാ​ർ​ക്കും സ​മീ​പ​വാ​സി​ക​ൾ​ക്കും ഇ​ത് വ​ലി​യ സു​ര​ക്ഷാ ഭീ​ഷ​ണി​യാ​കു​ന്നു​ണ്ട്. ഇ​തി​നു​പു​റ​മെ, സ​ന്ധ്യ മ​യ​ങ്ങി​യാ​ൽ ല​ഹ​രി ഉ​പ​യോ​ഗം ഉ​ൾ​പ്പെ​ടെ​യു​ള്ള സാ​മൂ​ഹി​ക​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കാ​യി ആ​ളു​ക​ൾ ഇ​വി​ടെ ത​മ്പ​ടി​ക്കു​ന്ന​തും പ​തി​വാ​യി​രി​ക്കു​ക​യാ​ണ്. മേ​ൽ​ക്കൂ​ര​യും വാ​തി​ലു​ക​ളും ത​ക​ർ​ന്ന് ഏ​തു​നി​മി​ഷ​വും നി​ലം​പൊ​ത്താ​വു​ന്ന അ​വ​സ്ഥ​യി​ലാ​ണ്.

യാ​ത്രാ​തി​ര​ക്കു​ള്ള സം​സ്ഥാ​ന​പാ​ത​യോ​ര​ത്ത് സ്ഥി​തി ചെ​യ്യു​ന്ന ഈ ​കെ​ട്ടി​ട​ത്തി​ന്‍റെ പ​രി​സ​ര​ത്തെ കാ​ടു​ക​ൾ അ​ടി​യ​ന്ത​ര​മാ​യി വെ​ട്ടി​ത്തെ​ളി​ച്ച് ന​വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ പ്ര​ധാ​ന ആ​വ​ശ്യം. പ​ഞ്ചാ​യ​ത്തി​ന് വ​രു​മാ​നം ല​ഭി​ക്കു​ന്ന രീ​തി​യി​ലോ കു​ടും​ബ​ശ്രീ യൂ​ണി​റ്റു​ക​ൾ, വാ​യ​ന​ശാ​ല, അ​ല്ലെ​ങ്കി​ൽ മ​റ്റ് ജ​ന​സേ​വ​ന ആ​വ​ശ്യ​ങ്ങ​ൾ​ക്കോ ആ​യി കെ​ട്ടി​ടം പു​ന​രു​പ​യോ​ഗി​ക്കാ​ൻ ഭ​ര​ണ​സ​മി​തി അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു.

ക​ർ​ഷ​ക സേ​വ​ന കേ​ന്ദ്ര​വും പൊ​തു ലൈ​ബ്ര​റി​യു​മാ​ക്ക​ണം

പ്ര​ദേ​ശ​ത്തെ ക​ർ​ഷ​ക​രു​ടെ ചി​ര​കാ​ല ആ​വ​ശ്യ​ങ്ങ​ൾ പ​രി​ഗ​ണി​ച്ച്, ആ​ഴ്ച​യി​ലൊ​രി​ക്ക​ലെ​ങ്കി​ലും പ്ര​വ​ർ​ത്തി​ക്കു​ന്ന ഒ​രു കൃ​ഷി​ഭ​വ​ൻ എ​ക്സ്റ്റ​ൻ​ഷ​ൻ ഓ​ഫീ​സാ​ക്കി ഇ​വി​ടം മാ​റ്റ​ണം. ക​ർ​ഷ​ക​ർ​ക്ക് ആ​വ​ശ്യ​മാ​യ വ​ളം, വി​ത്ത്, കാ​ർ​ഷി​ക ആ​നു​കൂ​ല്യ​ങ്ങ​ൾ എ​ന്നി​വ സ്വ​ന്തം നാ​ട്ടി​ൽ​ത്ത​ന്നെ ല​ഭ്യ​മാ​ക്കാ​ൻ ഇ​ത് സ​ഹാ​യി​ക്കും. ഒ​പ്പം ത​ന്നെ, ബാ​ക്കി സൗ​ക​ര്യ​ങ്ങ​ൾ പ്ര​യോ​ജ​ന​പ്പെ​ടു​ത്തി നാ​ട്ടി​ലെ വി​ദ്യാ​ർ​ഥി​ക​ൾ​ക്കും വാ​യ​നാ​പ്രേ​മി​ക​ൾ​ക്കു​മാ​യി ഒ​രു പൊ​തു ലൈ​ബ്ര​റി​യും റീ​ഡിം​ഗ് റൂ​മും ഇ​വി​ടെ സ​ജീ​ക​രി​ക്കാ​വു​ന്ന​താ​ണ്.

കെ.​കെ.​ടോ​മി,
കൂ​മാ​ക്കി​യി​ൽ

Tags : District News Nattuvishesham Panchayat building verge of ruin