11

കൊച്ചി: കാഞ്ഞൂര്‍ പാറപ്പുറം വല്ലംകടവ് കോയിക്കല്‍ ഭഗവതി ക്ഷേത്രത്തില്‍ മോഷണം. ക്ഷേത്രമുറ്റത്തെ മൂന്നു ഭണ്ഡാരങ്ങള്‍ കുത്തിത്തുറന്ന് പണം കവര്‍ന്നു. മുന്‍വശത്തും പിന്‍വശത്തും അകത്തുമുള്ള ഭണ്ഡാരങ്ങള്‍ കുത്തിത്തുറന്ന് 20,000 രൂപയോളം മോഷ്ടിച്ചതായി ക്ഷേത്രം അധികൃതര്‍ അറിയിച്ചു.

ക്ഷേത്രത്തിന്‍റെ രണ്ടു വാതിലുകളുടെ പൂട്ട് തകര്‍ത്താണ് മോഷ്ടാക്കള്‍ അകത്തു കടന്നത്. ക്ഷേത്രത്തിനകത്തും മോഷണം നടത്താന്‍ ശ്രമിച്ചിട്ടുണ്ട്. രണ്ടു മാസം കൂടുമ്പോഴാണ് ജീവനക്കാര്‍ ഭണ്ഡാരം തുറന്നു പണം എടുക്കാറുള്ളത്.

ഇന്നു രാവിലെ ആറിന് ക്ഷേത്ര ജീവനക്കാരന്‍ എത്തിയപ്പോഴാണു ഭണ്ഡാരത്തിന്‍റെ താഴുകള്‍ തകര്‍ത്ത നിലയില്‍ കണ്ടത്. കാലടി പൊലിസ് സ്ഥലത്തെത്തി അന്വേഷണം ആരംഭിച്ചു.

Tags : Theft Temple OfferingBox