11

ന്യൂഡൽഹി: ഡൽഹിയിൽ നടക്കുന്ന 18-ാമത് ബ്രിക്സ് ഉച്ചകോടിക്ക് മുന്നോടിയായി പ്രധാനമന്ത്രി നരേന്ദ്ര മോദിയും റഷ്യൻ പ്രസിഡന്‍റ് വ്ലാഡിമിർ പുടിനും തമ്മിലുള്ള കൂടിക്കാഴ്ച ഇന്ന് നടക്കും. ഉച്ചകഴിഞ്ഞ് 3:30നാണ് ഇരുനേതാക്കളും കൂടിക്കാഴ്ച നടത്തുക.

റഷ്യ-യുക്രെയ്ൻ സംഘർഷം, ഇന്ധന ഇറക്കുമതി, ആണവോർജ രംഗത്തെ സഹകരണം എന്നിവ ഇരു നേതാക്കളും ചർച്ച ചെയ്യും. ഇന്ത്യയ്ക്ക് കൂടുതൽ രാസവളവും ക്രൂഡ് ഓയിലും നൽകാൻ തയാറാണെന്ന് റഷ്യ അറിയിച്ചിട്ടുണ്ട്. ഇന്ന് നടക്കുന്ന ചർച്ചയിൽ ഇക്കാര്യവും ഉയർന്നുവരും.

ഇറാൻ പ്രസിഡന്‍റ് മസൂദ് പെസഷ്കിയാനെ മോദി വൈകുന്നേരം 6:15ന് കാണും. ചൈനീസ് പ്രസിഡന്‍റ് ഷി ജിൻപിംഗും മോദിയും തമ്മിലുള്ള കൂടിക്കാഴ്ച ശിനിയാഴ്ച വൈകുന്നരം 5:45ന് നടക്കും.

Tags : VladimirPutin NarendraModi Deepika DeepikaNewspaper BreakingNews NewsUpdate