കെഎ​സ്ആ​ർടി​സിയു​ടെ ബോ​ണ്ട് സ​ർ​വീ​സ് ‘പ​ഞ്ച​റാ​യി’
Thursday, September 24, 2020 10:27 PM IST
പ്ര​ദീ​പ് ചാ​ത്ത​ന്നൂ​ർ

ചാ​ത്ത​ന്നൂ​ർ: സ​ർ​ക്കാ​ർ ജീ​വ​ന​ക്കാ​ർ​ക്കും സ്ഥി​രം യാ​ത്ര​ക്കാ​ർ​ക്കു മാ ​യി കെഎ​സ് ആ​ർ ടി ​സി ന​ട​പ്പാ​ക്കാ​ൻ തീ​രു​മാ​നി​ച്ച ബോ​ണ്ട് സ​ർ​വീ​സ് ജി​ല്ല​യി​ൽ ‘പ​ഞ്ച​റാ​യി’. ജി​ല്ല​യി​ലെ ഒ​രു ഡി​പ്പോ​യി​ൽ നി​ന്നും ഒ​രു സർ​വീ​സ് പോ​ലും ഇ​തു​വ​രെ ആ​രം​ഭി​ക്കാ​ൻ ക​ഴി​ഞ്ഞി​ട്ടി​ല്ല. കൊ​ല്ല​ത്തു നി​ന്നും കോ​ട്ട​യ​ത്തേ​യ്ക്കും പു​ന​ലൂ​രി​ൽ നി​ന്നും കൊ​ല്ല​ത്തേ​ക്കും കൊ​ല്ല​ത്തു നി​ന്നും തി​രു​വ​ന​ന്ത​പു​ര​ത്തേ​യ്ക്കും ഓ​രോ സ​ർ​വീ​സ് ന​ട​ത്താ​ൻ കൊ​ല്ലം പു​ന​ലൂ​ർ ഡി​പ്പോ അ​ധി​കൃ​ത​ർ കി​ണ​ഞ്ഞു പ​രി​ശ്ര​മി​ക്കു​ക​യാ​ണ്.​ ട്രാ​ൻ​സ്പോ​ർ​ട്ട് കോ​ർ​പ്പ​റേ​ഷ​ൻ ബോ​ണ്ട് സ​ർ​വീ​സ് ന​ട​ത്താ​ൻ തീ​രു​മാ​ന​മെ​ടു​ത്ത് മാ​സ​ങ്ങ​ൾ ക​ഴി​ഞ്ഞി​ട്ടും കൊ​ല്ലം ജി​ല്ല​യി​ൽ ഇ​തു​വ​രെ കാ​ര്യ​മാ​യ പു​രോ​ഗ​തി ഉ​ണ്ടാ​യി​ട്ടി​ല്ല.
കോവി​ഡ് കാ​ല​ത്തെ പ്ര​ത്യേ​ക യാ​ത്രാ സൗ​ക​ര്യം ഒ​രു​ക്ക​ൽ എ​ന്ന നി​ല​യി​ലാ​ണ് ബോ​ണ്ട് സ​ർ​വീ​സ് ന​ട​ത്താ​ൻ പ​ദ്ധ​തി​യി​ട്ട​ത്. യാ​ത്ര​ക്കാ​ർ ആ​വ​ശ്യ​പ്പെ​ടു​ന്ന കേ​ന്ദ്ര​ത്തി​ലേ​യ്ക്കാ​ണ് സ​ർ​വീ​സ് ന​ട​ത്തു​ന്ന​ത്. ഒ​രു ബ​സി​ലേ​ക്ക് 40 യാ​ത്ര​ക്കാ​രു​ണ്ടാ​വ​ണം. അ​ങ്ങോ​ട്ടും തി​രി​ച്ചു​മു​ള്ള യാ​ത്രാ​ക്കൂ​ലി മു​ൻ​കൂ​റാ​യി അ​ട​യ്ക്കു​മ്പോ​ൾ യാ​ത്ര​ക്കാ​ർ​ക്ക് പ്ര​ത്യേ​ക കാ​ർ​ഡ് ന​ൽകും.
ഒ​രു കാ​ർ​ഡ് ഉ​പ​യോ​ഗി​ച്ച് 20 ദി​വ​സം യാ​ത്ര ചെ​യ്യു​ന്ന​താ​ണ് പ​ദ്ധ​തി. യാ​ത്ര​ക്കാ​രു​ടെ സ്വ​കാ​ര്യ വാ​ഹ​നം യാ​ത്രാ സ​മ​യ​ത്ത് പാ​ർ​ക്ക് ചെ​യ്യു​ന്ന​തി​നു​ള്ള സൗ​ക​ര്യംവ​രെ ട്രാ​ൻ​സ്പോ​ർ​ട്ട് കോ​ർ​പ്പ​റേ​ഷ​ൻ വാ​ഗ്ദാ​നം ചെ​യ്യു​ന്നു​ണ്ട്.
ട്രാ​വ​ൽ ഏ​ജ​ൻ​സി​ക​ളു​ടെ​യും​ സ്വ​കാ​ര്യ വ്യ​ക്തി​ക​ളു​ടെ​യും വാ​ഹ​ന​ങ്ങ​ൾ ക​രാ​ർ വ്യ​വ​സ്ഥ​യി​ൽ ഇ​പ്പോ​ൾ സ​ർ​വീ​സ് ന​ട​ത്തു​ന്നു​ണ്ട്. അ​തേ രീ​തി​യി​ൽ കെ​എ​സ്ആ​ർ​ടി​സി പ​ദ്ധ​തി ത​യാ​റാ​ക്കി​യ​പ്പോ​ൾ വി​ജ​യ​ക​ര​മാ​യി ന​ട​പ്പാ​ക്കാ​ൻ ക​ഴി​യു​ന്നി​ല്ല.​ കെ എ​സ് ആ​ർ ടി ​സി​യെ സ്വ​ന്തം സ്ഥാ​പ​ന​മാ​യി നെ​ഞ്ചി​ലേ​റ്റു​ന്നു​വെ​ന്ന​വ​കാ​ശ​പ്പെ​ടു​ന്ന കേ​ര​ള​ത്തി​ലാ​ണ് ക​രാ​ർ വ്യ​വ​സ്ഥ​യി​ൽ യാ​ത്ര ചെ​യ്യാ​ൻ സ്ഥി​രം യാ​ത്ര​ക്കാ​രും ഉ​ദ്യോ​ഗ​സ്ഥ​രും മ​ടി​ക്കു​ന്ന​ത്. കോ​ൺ​ട്രാ​ക്ട് ക്യാ​രേ​ജു​കാ​ർ ഈ​ടാ​ക്കു​ന്ന​തി​ലും കു​റ​ഞ്ഞ​ തുകയാണ് ​കെഎ​സ്ആ​ർടി​സി നി​ശ്ച​യി​ച്ചി​ട്ടു​ള്ള​തെ​ന്ന് ഡി​പ്പോ അ​ധി​കൃ​ത​ർ പ​റ​ഞ്ഞു.