മുഖം മിനുക്കാനൊരുങ്ങി ഷൊ​ർ​ണൂ​ർ റെയി​ൽ​വേ സ്റ്റേഷനു മുന്നിലെ പാത
Thursday, May 16, 2024 1:04 AM IST
ഷൊർ​ണൂ​ർ: ഷൊർണൂർ ജം​ഗ്ഷ​ൻ റെ​യി​ൽ​വേ സ്റ്റേ​ഷ​ൻ ന​വീ​ക​ര​ണം പൂ​ർ​ത്തി​യാ​കു​ന്ന​തോ​ടെ സ്റ്റേ​ഷ​നു മു​ന്നി​ൽ പാ​ത​യു​ടെ ഗ​തി​മാ​റും.

ഈ ​രീ​തി​യി​ലാ​ണ് പാ​ത​യു​ടെ നി​ർമാ​ണം ന​ട​ത്തു​ന്ന​ത്. റെ​യി​ൽ​വേ സ്റ്റേ​ഷ​നു മു​മ്പി​ൽ പാ​ത​യു​ടെ മു​മ്പു​ണ്ടാ​യി​രു​ന്ന അ​വ​സ്ഥ​ക്ക് വ​ലി​യ മാ​റ്റ​മാ​ണ് സം​ഭ​വി​ക്കു​ന്ന​ത്. റെ​യി​ൽ​വേ സ്റ്റേ​ഷ​ന് സ​മീ​പ​ത്തെ വി​ശ്ര​മ​കേ​ന്ദ്ര​ങ്ങ​ൾ​ക്ക് പി​റ​കു​വ​ശ​ത്തു​കൂ​ടി​യാ​ണ് പാ​ത നി​ർ​മി​ക്കു​ന്ന​ത്. റെ​യി​ൽ​വേ ആ​ശു​പ​ത്രി​ക്ക് സ​മീ​പ​മെ​ത്തു​ന്ന രീ​തി​യി​ലാ​ണ് പാ​ത നി​ർ​മി​ക്കു​ക. റെ​യി​ൽ​വേ സ്റ്റേ​ഷ​ൻ ന​വീ​ക​രി​ക്കു​ന്ന​തി​ന്റെ ഭാ​ഗ​മാ​യി യാ​ത്ര​ക്കാ​ർ​ക്ക് മ​റ്റ് വാ​ഹ​ന​ങ്ങ​ളു​ടെ ബു​ദ്ധി​മു​ട്ടി​ല്ലാ​തെ സ്റ്റേ​ഷ​നി​ലേ​ക്ക് പ്ര​വേ​ശി​ക്കാ​നും പു​റ​ത്തേ​ക്കി​റ​ങ്ങാ​നു​മു​ള്ള സൗ​ക​ര്യ​മൊ​രു​ക്കു​ക​യാ​ണ്.

പൊ​തു​പാ​ത​യി​ൽ​നി​ന്നു റെ​യി​ൽ​വേ സ്റ്റേ​ഷ​നി​ലെ​ത്തു​ന്ന വാ​ഹ​ന​ങ്ങ​ൾ സ്റ്റേ​ഷ​ന് മു​മ്പി​ലേ​ക്ക് തി​രി​ഞ്ഞ് യാ​ത്ര​ക്കാ​രെ ഇ​റ​ക്കി പു​റ​ത്തു​പോ​കു​ന്ന​തി​നു​ള്ള പ്ര​ത്യേ​ക​പാ​ത​യും നി​ർ​മി​ക്കു​ന്നു​ണ്ട്. സ്റ്റേ​ഷ​ന്‍റെ പ്ര​വേ​ശ​ന ക​വാ​ട​ത്തി​ലു​ൾ​പ്പെ​ടെ വെ​ളി​ച്ച​മി​ല്ലാ​ത്ത പ്ര​ശ്ന​വും പ​രി​ഹ​രി​ക്കും. മു​ൻ​വ​ശ​ത്ത് ഉ​യ​ര​വി​ള​ക്കു​ക​ൾ സ്ഥാ​പി​ക്കാ​നു​ള്ള ന​ട​പ​ടി​യും പു​രോ​ഗ​മി​ക്കു​ന്നു​ണ്ട്. പ്ര​വേ​ശ​ന​ക​വാ​ട​ത്തി​ന്റെ വ​ശ​ത്താ​യി 5000 ച​തു​ര​ശ്ര അ​ടി​യി​ൽ വ​ലി​യ പാ​ർ​ക്കി​ങ് സം​വി​ധാ​ന​വും വ​രും.

ഇ​വി​ടെ ഒ​ന്നാം ന​മ്പ​ർ പ്ലാ​റ്റ്‌​ഫോ​മി​ലേ​ക്കു​ള്ള ര​ണ്ട് വി​ശ്ര​മ​മു​റി​ക​ളും നി​ർ​മി​ക്കു​ന്നു​ണ്ട്. പാ​താ​നി​ർ​മ്മാ​ണം പൂ​ർ​ത്തി​യാ​കു​ന്ന​തോ​ടെ റെ​യി​ൽ​വെ സ്റ്റേ​ഷ​നി​ലേ​ക്ക് പ്ര​വേ​ശി​ക്കു​ന്ന​തി​നു​ൾ​പ്പെ​ടെ പ്ര​ത്യേ​ക സം​വി​ധാ​ന​മു​ണ്ടാ​കും.

Copyright @ 2022 , Rashtra Deepika Ltd.