കുടുംബബന്ധങ്ങളുടെ ശക്തീകരണം കാലഘട്ടത്തിന്‍റെ ആവശ്യം: കര്‍ദിനാള്‍ മാര്‍ ക്ലീമിസ് : Deepika.com Nattu Visesham

KOTTAYAM

കുടുംബബന്ധങ്ങളുടെ ശക്തീകരണം കാലഘട്ടത്തിന്‍റെ ആവശ്യം: കര്‍ദിനാള്‍ മാര്‍ ക്ലീമിസ്

Tuesday, May 14, 2024 3:39 AM IST

പാലാ: ആഴമേറിയ ദൈവവിശ്വാസത്തില്‍നിന്ന് ഉയര്‍ന്നുവരുന്ന പ്രാര്‍ഥനാ ജീവിതത്തിലൂടെയാണ് കുടുംബങ്ങള്‍ പ്രധാനമായും ശക്തീകരിക്കപ്പെടുന്നതെന്ന് സീറോ മലങ്കര സഭ മേജര്‍ ആര്‍ച്ച്ബിഷപ് കര്‍ദിനാള്‍ ബസേലിയോസ് മാര്‍ ക്ലീമിസ് മെത്രാപ്പോലീത്ത.

പാറേക്കാട്ട് കുടുംബയോഗം 41-ാം വാര്‍ഷിക സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കുടുംബത്തില്‍ മാതാപിതാക്കന്മാര്‍ മക്കളുടെ യഥാര്‍ഥ സംരക്ഷകരാകണം.
കുടുംബബന്ധങ്ങള്‍ കൂടുതല്‍ ആഴപ്പെടണം. വിവാഹമോചനങ്ങള്‍പോലുള്ള വെല്ലുവിളികളെ ക്രിയാത്മകമായി നേരിടണം. ആത്മീയ കാര്യങ്ങളില്‍ അമ്മമാര്‍ പകര്‍ന്നു നല്‍കിയ നിര്‍ബന്ധ ബുദ്ധിയോടുകൂടിയുള്ള വിശ്വാസം അഭംഗുരം കാത്തുസൂക്ഷിക്കേണ്ടത് കാലഘട്ടത്തിന്‍റെ ആവശ്യമാണെന്നും അദ്ദേഹം ചൂണ്ടിക്കാട്ടി.

കുടുംബയോഗം പ്രസിഡന്‍റ് റവ. ഡോ. ഡൊമിനിക് പാറേക്കാട്ട് വെച്ചൂര്‍ അധ്യക്ഷത വഹിച്ച യോഗത്തില്‍ ഫാ. സെബാസ്റ്റ്യന്‍ പുത്തൂര്‍, ഫാ. ജോസ് പാറേക്കാട്ട്, റവ. ഡോ. എമ്മാനുവല്‍ പാറേക്കാട്ട്, ഫാ. ആന്‍റണി വെച്ചൂര്‍, ജോസ് പാറേക്കാട്ട്, ഫാ. ചാക്കോച്ചന്‍ പാറേക്കാട്ട്, ബിജു മൊളോപറമ്പില്‍, ഡോ. സിറിയക്ക് വെച്ചൂര്‍ എന്നിവര്‍ പ്രസംഗിച്ചു.