ഇതരസം​സ്ഥാ​ന തൊ​ഴി​ലാ​ളി​ ക്യാ​ന്പി​ൽ മി​ന്ന​ൽ പ​രി​ശോ​ധ​ന
Tuesday, May 14, 2024 6:13 AM IST
കൂ​ത്താ​ട്ടു​കു​ളം: ഇതര ​സം​സ്ഥാ​ന തൊ​ഴി​ലാ​ളി​ക​ളു​ടെ ക്യാ​ന്പി​ൽ മി​ന്ന​ൽ പ​രി​ശോ​ധ​ന. ക്യാ​ന്പു​ക​ളി​ൽ അ​ന​ധി​കൃ​ത​മാ​യി തൊ​ഴി​ലാ​ളി​ക​ളെ താ​മ​സി​പ്പി​ക്കു​ക​യും ക്യാ​ന്പു​ക​ളി​ലെ മാ​ലി​ന്യം പൊ​തു ഓ​ട​ക​ളി​ലേ​ക്കും തോ​ട്ടി​ലേ​ക്കും നി​ക്ഷേ​പി​ക്കു​ന്നു​വെ​ന്ന പ​രാ​തി​യെ തു​ട​ർ​ന്നാ​ണ് പ​രി​ശോ​ധ​ന ന​ട​ന്ന​ത്. ഇ​ന്ന​ലെ രാ​വി​ലെ 11 മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. പ​രി​ശോ​ധ​ന​യി​ൽ രാ​മ​പു​രം ക​വ​ല​യി​ൽ പൊ​തുകി​ണ​റി​ന് സ​മീ​പം വൃ​ത്തി​ഹീ​ന​ സാ​ഹ​ച​ര്യ​ത്തി​ൽ താ​മ​സി​ച്ചി​രു​ന്ന തൊ​ഴി​ലാ​ളി​ക​ളു​ടെ ക്യാ​ന്പ് ഉ​ദ്യോ​ഗ​സ്ഥ​ർ അ​ട​ച്ചു​പൂ​ട്ടി.

തേ​ക്കും​കാ​ട്ടി​ൽ ത​ന്പി​യു​ടെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​ലാ​ണ് ക്യാ​ന്പ് പ്ര​വ​ർ​ത്തി​ച്ചി​രു​ന്ന​ത്. ഇ​തോ​ടൊ​പ്പം ടൗ​ണ്‍ തോ​ടി​ന് സ​മീ​പ​ത്തെ ക്യാ​ന്പു​ക​ളി​ലും പ​രി​ശോ​ധ​ന ന​ട​ന്നു. മ​ലി​ന​ജ​ലം ഒ​ഴു​ക്കു​ന്ന​താ​യി കു​ഴ​ൽ ക​ണ്ടെ​ത്തി​യ​തി​നെ തു​ട​ർ​ന്ന് 9 കെ​ട്ടി​ട ഉ​ട​മ​സ്ഥ​ർ​ക്ക് ഉ​ദ്യോ​ഗ​സ്ഥ​ർ നോ​ട്ടീ​സ് ന​ൽ​കി. 48 മ​ണി​ക്കൂ​റി​നു​ള്ളി​ൽ പ്ര​ശ്നം പ​രി​ഹ​രി​ച്ച് ന​ഗ​ര​സ​ഭ​യി​ൽ അ​റി​യി​ക്ക​ണ​മെ​ന്നാ​ണ് അ​ധി​കൃ​ത​ർ ന​ൽ​കി​യി​രി​ക്കു​ന്ന നി​ർ​ദ്ദേ​ശം.

മൂ​ന്ന് കെ​ട്ടി​ട ഉ​ട​മ​ക​ൾ​ക്കും നോ​ട്ടീ​സ് ന​ൽ​കി. മു​റി​ക​ളി​ൽ ആ​ളു​ക​ൾ തി​ങ്ങി​പ്പാ​ർ​ക്കു​ന്ന​താ​യും തൊ​ഴി​ലാ​ളി​ക​ൾ​ക്ക് ആ​വ​ശ്യ​മാ​യ ശു​ചി​മു​റി സൗ​ക​ര്യ​ങ്ങ​ൾ ഇ​ല്ലാ​ത്ത​താ​യും ക​ണ്ടെ​ത്തി. ര​ണ്ടു​പേ​ർ​ക്ക് താ​മ​സി​ക്കാ​വു​ന്ന മു​റി​ക​ളി​ൽ ആ​റും, പ​ത്തും ആ​ളു​ക​ളാ​ണ് താ​മ​സി​ക്കു​ന്ന​ത്. പ​ല സ്ഥ​ല​ങ്ങ​ളി​ലും ഭ​ക്ഷ​ണം പാ​ച​കം ചെ​യ്യു​ന്ന​തും തു​ണി​ക​ൾ ക​ഴു​കു​ന്ന​തും ഒ​രു മു​റി​യി​ൽ ത​ന്നെ​യാ​ണ്. ക്യാ​ന്പു​ക​ൾ​ക്ക് പു​റ​മേ മാ​ർ​ക്ക​റ്റ് റോ​ഡി​ലെ ഹോ​ട്ട​ലു​ക​ളി​ലും പ​രി​ശോ​ധ​ന ന​ട​ന്നു. മാ​ർ​ക്ക​റ്റ് റോ​ഡി​ലെ പൊ​റോ​ട്ട ക​ട​യ്ക്കും ഉ​ദ്യോ​ഗ​സ്ഥ​ർ നോ​ട്ടീ​സ് ന​ൽ​കി.

സീ​നി​യ​ർ പ​ബ്ലി​ക് ഹെ​ൽ​ത്ത് ഇ​ൻ​സ്പെ​ക്ട​ർ വി. ​സു​നി​ൽ​കു​മാ​റി​ന്‍റെ നേ​തൃ​ത്വ​ത്തി​ൽ ജൂ​നി​യ​ർ പ​ബ്ലി​ക് ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ വി. ​അ​നീ​ഷ് ദേ​വ്, ആ​സി​ഫ്, അ​ജേ​ഷ്്‍, ന​ഗ​ര​സ​ഭ ജീ​വ​ന​ക്കാ​രാ​യ ജോ​മി​റ്റ്, അ​മ​ൽ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

Copyright @ 2022 , Rashtra Deepika Ltd.