ഇ​ന്ന് ലോ​ക നഴ്സ​സ് ദി​നം; കി​ട​പ്പുരോ​ഗി​ക​ളെ പ​രി​ച​രി​ച്ച് ശ്രീ​ജ
Sunday, May 12, 2024 6:17 AM IST
വ​ട​ക്ക​ഞ്ചേ​രി: കി​ട​പ്പു രോ​ഗി​ക​ൾ​ക്കൊ​പ്പ​മാ​ണ് ശ്രീ​ജ എ​ന്ന പാ​ലി​യേ​റ്റീ​വ് കെ​യ​ർ നഴ്സി​ന്‍റെ ജീ​വി​തം. സ്വ​ന്തം ഇ​ഷ്ട​ങ്ങ​ളും ആ​ഗ്ര​ഹ​ങ്ങ​ളു​മെ​ല്ലാം മാ​റ്റി​വ​ച്ച് വീ​ടു​ക​ളി​ൽ ക​ഴി​യു​ന്ന രോ​ഗി​ക​ൾ​ക്കൊ​പ്പ​മാ​ണ് പ​ക​ല​ന്തി​യാ​വോ​ളം. വ​ട​ക്ക​ഞ്ചേ​രി പ​ഞ്ചാ​യ​ത്തി​ലെ ഏ​ക പാ​ലി​യേ​റ്റീ​വ് കെ​യ​ർ ന​ഴ്സാ​ണ് ഇ​വ​ർ. രോ​ഗി​ക​ളു​ള്ള വീ​ടു​ക​ളി​ലെ​ത്തി അ​വ​ർ​ക്കു​വേ​ണ്ട​തെ​ല്ലാം ത​ന്നാ​ലാ​കും വി​ധം ചെ​യ്തു​കൊ​ടു​ക്കും. ഇ​തി​ന് സ​മ​യ​ന​ഷ്ട​മോ പ്ര​തി​ഫ​ല​ത്തി​ന്‍റെ ക​ന​മോ ഇ​വ​ർ നോ​ക്കാ​റി​ല്ല. ഡ്രൈ​വ​റാ​യ ഭ​ർ​ത്താ​വ് മ​നോ​ജും പ്ല​സ് ടു ​ക്കാ​രി മ​ക​ളും ശ്രീ​ജ​യു​ടെ സേ​വ​ന താ​ത്പ​ര്യ​ങ്ങ​ൾ​ക്കെ​ല്ലാം സ​ർ​വ പി​ന്തു​ണ​യു​മാ​യു​ണ്ട്.

മാ​റാ​രോ​ഗ​ങ്ങ​ൾ പി​ടി​പ്പെ​ട്ട് ഒ​റ്റ​പ്പെ​ടു​ന്ന​വ​രെ ചേ​ർ​ത്തു​പി​ടി​ച്ച് ജീ​വി​ത സാ​യാ​ഹ്ന​ത്തി​ൽ സാ​ന്ത്വ​ന​ത്തി​ന്‍റെ ത​ലോ​ട​ലേ​കാ​ൻ ഇ​വ​ർ ഓ​ടി ന​ട​ക്കു​ക​യാ​ണ്. അ​വ​രു​ടെ നി​സ​ഹാ​യ​വ​സ്ഥ​യും പൂ​ർ​ത്തി​യാ​ക്കാ​നാ​കാ​ത്ത വാ​ക്കു​ക​ളും ദൈ​ന്യ​ത​യു​ള്ള നോ​ട്ട​ങ്ങ​ളും ശ്രീ​ജ തി​രി​ച്ച​റി​യു​ന്നു.

സ്വ​ന്തം മ​ക്ക​ളെ​പ്പോ​ലെ, സ​ഹോ​ദ​ര​ങ്ങ​ളേ​പ്പോ​ലെ മാ​താ​പി​താ​ക്ക​ളെ​പ്പോ​ലെ കൈ​യും മെ​യ്യും മ​റ​ന്ന് പ​രി​ച​രി​ക്കു​ക​യാ​ണ് ശ്രീ​ജ​യും. രോ​ഗി​ക​ൾ​ക്കാ​യി ജീ​വി​ച്ച് ക​ട​ന്നു​പോ​യ ഫ്ലോ​റ​ൻ​സ് നൈ​റ്റിം​ഗേ​ലിന്‍റെ ജ​ന്മ​ദി​ന​മാ​യി ന​ഴ്സ​സ് ദി​നം ആ​ഘോ​ഷി​ക്കു​മ്പോ​ൾ ശ്രീ​ജ​യെ പോ​ലെ​യു​ള്ള ന​ഴ്സു​മാ​ർ​ക്ക് ഇ​ന്നും വി​ശ്ര​മ​മി​ല്ല. സ​ഹാ​യ​ങ്ങ​ൾ​ക്കാ​യു​ള്ള ഫോ​ൺ കോ​ളു​ക​ൾ​ക്കു പി​ന്നാ​ലെ തി​ര​ക്കി​ട്ട യാ​ത്ര​ക​ളി​ലാ​കും ഇ​വ​ർ.

കി​ഡ്നി രോ​ഗി​ക​ളു​ടെ സ്ഥി​തി ഏ​റെ വേ​ദ​നി​പ്പി​ക്കു​ന്ന​താ​ണെ​ന്ന് ശ്രീ​ജ പ​റ​യു​ന്നു. നാ​ളെ​യെ​ക്കു​റി​ച്ച് മോ​ഹ​ങ്ങ​ളി​ല്ലാ​ത്ത ജീ​വി​തം.​ ഇ​ന്നി​ന്‍റെ വേ​ദ​ന​ക​ൾ ത​ന്നെ അ​വ​ർ​ക്ക് ധാ​രാ​ള​മാ​ണ്.​സ​ന്തോ​ഷ​ങ്ങ​ളി​ല്ലാ​തെ ശോ​ക മൂ​ക​മാ​കു​ന്ന വീ​ടു​ക​ൾ. ഒ​ന്നും പെ​ട്ടെ​ന്നൊ​ന്നും മാ​ഞ്ഞു പോ​കി​ല്ല ഇ​ത്ത​രം കാ​ഴ്ച​ക​ൾ.

ഡ​യാ​ലി​സി​സി​നും മ​റ്റു ചി​കി​ത്സ​ക​ൾ​ക്കു​മാ​യി മാ​സ​ത്തി​ൽ 20 ദി​വ​സ​മെ​ങ്കി​ലും ആ​ശു​പ​ത്രി​യി​ൽ പോ​കേ​ണ്ടി​വ​രു​ന്ന സ്ഥി​തി. കു​ടും​ബ​ത്തി​നു​ണ്ടാ​കു​ന്ന സാ​മ്പ​ത്തി​ക പ്ര​യാ​സ​ങ്ങ​ൾ പ​റ​ഞ്ഞ​റി​യി​ക്കാ​നാ​കി​ല്ലെ​ന്ന് ശ്രീ​ജ പ​റ​യു​ന്നു. സു​മ​ന​സു​ക​ളു​ടെ​യും നാ​ട്ടു​കാ​രു​ടെ​യും ബ​ന്ധു​ക്ക​ളു​ടെ​യും സു​ഹൃ​ത്തു​ക്ക​ളു​ടെ​യു​മൊ​ക്കെ സ​ഹാ​യ​ത്താ​ലാ​ണ് പ​ല​രും വാ​ഹ​നം വാ​ട​ക​യ്ക്ക് വി​ളി​ച്ച് ആ​ശു​പ​ത്രി​ക​ളി​ൽ ഡ​യാ​ലി​സി​സി​ന് പോ​കു​ന്ന​ത്.

ഉ​റ്റ​വ​ർ രോ​ഗി​ക​ളാ​യി ചി​കി​ത്സി​ക്കാ​ൻ വ​ഴി​യി​ല്ലാ​തെ ത​ക​രു​ന്ന നി​ര​വ​ധി കു​ടും​ബ​ങ്ങ​ൾ ന​മ്മു​ക്കു ചു​റ്റു​മു​ണ്ടെ​ന്നും ശ്രീ​ജ ഓ​ർ​മപ്പെ​ടു​ത്തു​ന്നു.

ഫ്രാൻസിസ് തയ്യൂർ

Copyright @ 2022 , Rashtra Deepika Ltd.