ദേശീയപാതയിലെ കുഴി നികത്തിയില്ല; വാഴനട്ടു പ്രതിഷേധം
Friday, August 26, 2016 1:16 PM IST
ആറ്റിങ്ങൽ: ദേശീയപാതയുടെ നടുക്ക് പൈപ്പ് പൊട്ടിയുണ്ടായ കുഴി നികത്താത്തിൽ പ്രതിഷേധിച്ച് നാട്ടുകാർ വാഴനട്ടു.

കുഴിഅപകടക്കെണിയായതോടെ വാഴ നട്ട് നാട്ടുകാരുടെ പ്രതിഷേധം. ആറ്റിങ്ങൽ സബ് ട്രഷറിക്ക് സമീപത്താണ് റോഡിന്റെ നടുക്ക് കുഴിയായത്.

കുടിവെള്ളപ്പൈപ്പിൽ നാല്ദിവസം മുമ്പുണ്ടായ ചോർച്ചയാണ് ഇവിടെ കുഴിയുണ്ടാകുന്നതിനിടയാക്കിയത്. കുഴിയിൽ വെള്ളം നിറഞ്ഞ് പുറത്തേയ്ക്കൊഴുകുന്നുണ്ട്. നാല് ദിവസമായി ഇതാണ് സ്‌ഥിതി. കുടിവെള്ളം ചോരുന്നത് തടയാനോ റോഡിലെ കുഴിയടയ്ക്കാനോ അധികൃതർ തയ്യാറായില്ല.

ഇതേത്തുടർന്നാണ് വെള്ളിയാഴ്ച ഉച്ചയോടെ ആളുകൾ വാഴ നട്ടത്. ആഴമുളള കുഴിയായതിനാൽ വാഹനങ്ങൾ ഇതിൽ വീഴുന്നത് അപകടങ്ങൾക്കിടയാക്കിത്തുടങ്ങി.

തിരക്കുള്ള നേരങ്ങളിൽ കുഴിയിൽ ചാടാതെ വാഹനങ്ങൾ വെട്ടിയൊഴിക്കുന്നത് നിരന്തരം ഭീഷണിയാണ്.