ഉപാസന പെയിന്റിംഗ്ഫെസ്റ്റിവൽ 26–ന്
കട്ടപ്പന: പ്രമുഖ ചിത്രകാരനും ചിത്രകലാ അധ്യാപകനുമായിരുന്ന ഉപാസന നാരായൺകുട്ടിയുടെ ഓർമയ്ക്കായി കട്ടപ്പന ദർശന സംഘടിപ്പിക്കുന്ന ഉപാസന പെയിന്റിംഗ് ഫെസ്റ്റിവൽ 26–ന് കട്ടപ്പന ടൗൺഹാളിൽ നടക്കും. ചിത്രരചന മത്സരം എൽകെജി, യുകെജി, എൽപി, യുപി, എച്ച്എസ്, എച്ച്എസ്എസ്, കോളജ്, പൊതുവിഭാഗം, സ്പെഷൽ സ്കൂൾ എന്നിങ്ങനെ ആറു വിഭാഗങ്ങളിലായാണ് നടക്കുന്നത്. മത്സരത്തിൽ ഒന്നും രണ്ടും മൂന്നും സ്‌ഥാനങ്ങൾ നേടുന്നവർക്ക് കാഷ് അവാർഡും ട്രോഫിയും സർട്ടിഫിക്കറ്റും നൽകും. മികച്ച ചിത്രത്തിന് ഉപാസന ട്രോഫി സമ്മാനിക്കും.

രാവിലെ പത്തിന്് മത്സരം തുടങ്ങും. മത്സരത്തിനുശേഷം ചിത്രകലാ ശിൽപശാലയും ഒരുക്കിയിട്ടുണ്ട്. ജില്ലയിലെ ചിത്രകാരന്മാരുടെ ചിത്രങ്ങൾ പ്രദർശിപ്പിക്കുന്ന ഉപാസന ആർട്ട് ഗാലറിയും ടൗൺ ഹാളിൽ ഉണ്ടാകും. പെയിന്റിംഗ് ഫെസ്റ്റിവലിന്റെ ഭാഗമായി ജില്ലയിലെ മുതിർന്ന ചിത്രകാരന്മാരെ ആദരിക്കുമെന്നും ദർശന ഭാരവാഹികൾ അറിയിച്ചു.