ചവറയിൽ വാഹനങ്ങളിൽ നിന്നും ബാറ്ററി മോഷണം പതിവാകുന്നു
ച​വ​റ: നി​ർ​ത്തി​യി​ടു​ന്ന വാ​ഹ​ന​ങ്ങ​ളി​ൽ നി​ന്നും രാ​ത്രി​യി​ൽ ബാ​റ്റ​റി​ക​ൾ മോ​ഷ്ടി​ക്കു​ന്ന​ത് പ​തി​വാ​കു​ന്നു. ച​വ​റ മേ​ഖ​ല കേ​ന്ദ്രീ​ക​രി​ച്ച് ക​ഴി​ഞ്ഞ കു​റ​ച്ചു നാ​ളു​ക​ളാ​യി നി​ര​വ​ധി വാ​ഹ​ന​ങ്ങ​ളി​ൽ നി​ന്നാ​ണ് ബാ​റ്റ​റി​ക​ൾ ക​വ​ർ​ന്ന​ത്.

വാ​ഹ​ന ഉ​ട​മ​ക​ൾ നി​ര​വ​ധി പ​രാ​തി​ക​ൾ പോ​ലീ​സി​ൽ ന​ൽ​കി എ​ങ്കി​ലും കാ​ര്യ​മാ​യ പ്ര​യോ​ജ​നം ഉ​ണ്ടാ​യി​ട്ടി​ല്ല. പ​ന്മ​ന ചോ​ല സ​ന​ൽ ഭ​വ​ന​ത്തി​ൽ സ​ന​ലി​ന്‍റെ ഓ​ട്ടോ​യി​ൽ നി​ന്നും ക​ഴി​ഞ്ഞ ദി​വ​സം രാ​ത്രി ബാ​റ്റ​റി ക​വ​ർ​ന്നു. രാ​ത്രി പ​ത്തോ​ടെ​ വീ​ടി​ന് സ​മീ​പം​നി​ർ​ത്തി​യി​ട്ട​താ​യി​രു​ന്നു വാ​ഹ​നം. ദി​വ​സ​ങ്ങ​ൾ​ക്ക് മു​ൻ​പ് വ​ടു​ത​ല​യി​ലും പ​രി​സ​ര ഭാ​ഗ​ങ്ങ​ളി​ലു​മു​ള്ള ര​ണ്ട് ഓ​ട്ടോ റി​ക്ഷ​ക​ളി​ൽ നി​ന്നും ബാ​റ്റ​റി​ക​ൾ സ​മാ​ന രീ​തി​യി​ൽ മോ​ഷ​ണം പോ​യി​രു​ന്നു.

വ​ടു​ത​ല ത​രൂ​ക്കോ​ട്ട കി​ഴ​ക്ക​തി​ൽ സ​മീ​റി​ന്‍റെ​വീ​ടി​ന്‍റെ പോ​ർ​ച്ചി​ലി​രു​ന്ന സൈ​ക്കി​ൾ മോ​ഷ​ണം പോ​യ​ത് ക​ഴി​ഞ്ഞ ആ​ഴ്ച​യാ​ണ്. ടൈ​റ്റാ​നി​യം ജം​ഗ്ഷ​ന് സ​മീ​പം കെ.​എം​എം.​എ​ല്ലി​ലേ​ക്ക് അ​സം​സ്കൃ​ത വ​സ്തു​ക്ക​ളു​മാ​യി എ​ത്തു​ന്ന വാ​ഹ​ന​ങ്ങ​ളി​ൽ നി​ന്നും ഇ​ന്ധ​നം ഊ​റ്റു​ന്ന​തും, ബാ​റ്റ​റി മോ​ഷ​ണം പോ​യ സം​ഭ​വ​ങ്ങ​ളും ഉ​ണ്ടാ​യ​തും അ​ടു​ത്ത സ​മ​യ​ത്താ​ണ്. ഈ ​കേ​സു​ക​ളി​ൽ അ​ന്വേ​ഷ​ണം ന​ട​ക്കു​ന്ന​തി​നി​ട​യി​ലാ​ണ് തു​ട​ർ​ച്ച​യാ​യ മോ​ഷ​ണ​ങ്ങ​ൾ ന​ട​ക്കു​ന്ന​ത് . ബാ​റ്റ​റി​ക​ൾ ന​ഷ്ട​മാ​യ​വ​ർ ച​വ​റ സ്റ്റേ​ഷ​നി​ൽ പ​രാ​തി ന​ൽ​കി. പോ​ലി​സ്നി​രീ​ക്ഷ​ണം​ശ​ക്ത​മാ​ക്ക​ണ​മെ​ന്നാ​വ​ശ്യ​ത്തി​ലാ​ണ് നാ​ട്ടു​കാ​ർ.