കു​ടും​ബ​ശ്രീ കേ​ര​ളം ലോ​ക​ത്തി​ന് ന​ൽ​കി​യ മാ​തൃ​ക: സീ​ത​ാറാം യെ​ച്ചൂ​രി
Sunday, October 22, 2017 5:49 PM IST
ക​ൽ​പ്പ​റ്റ: ലോ​ക​ത്തി​ന് കേ​ര​ളം ന​ൽ​കി​യ മാ​തൃ​ക​യാ​ണ് കു​ടും​ബ​ശ്രീ​യെ​ന്ന് സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി. വൈ​ത്തി​രി കു​ടും​ബ​ശ്രീ സി​ഡി​എ​സി​ന്‍റെ ആ​ഭി​മു​ഖ്യ​ത്തി​ൽ അ​ഞ്ജ​ലി അ​യ​ൽ​ക്കൂ​ട്ടം സം​ഘ​ടി​പ്പി​ച്ച കു​ടും​ബ​ശ്രീ സ്കൂ​ൾ പ്ര​വേ​ശ​നോ​ത്സ​വം ഉ​ദ്ഘാ​ട​നം ചെ​യ്ത് പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

43 ല​ക്ഷം കു​ടും​ബ​ങ്ങ​ളി​ലേ​ക്ക് പടർന്നിരിക്കുന്ന കു​ടും​ബ​ശ്രീ സാ​ധാ​ര​ണ​ക്കാ​രു​ടെ ആ​ശ്ര​യ​മാ​ണ്. അം​ഗ​ങ്ങ​ൾ​ക്ക് അ​ടി​സ്ഥാ​ന​പാ​ഠ​ങ്ങ​ൾ പ​ക​ർ​ന്നു ന​ൽ​കു​ന്ന​തി​നൊ​പ്പം സാ​മൂ​ഹി​ക പ്ര​ശ്ന​ങ്ങ​ളി​ൽ ഇ​ട​പെ​ടു​ന്ന​തി​ൽ പ്രാ​പ്ത​രാക്കു​ന്ന കു​ടും​ബ​ശ്രീ സ്കൂ​ൾ പ​ദ്ധ​തി മ​ഹ​ത്വര​മാ​ണെ​ന്ന് യെ​ച്ചൂ​രി പ​റ​ഞ്ഞു. വൈ​ത്തി​രി പ​ഞ്ചാ​യ​ത്ത് പ്ര​സി​ഡ​ന്‍റ് വി. ​ഉ​ഷാ​കു​മാ​രി അ​ധ്യ​ക്ഷ​ത വ​ഹി​ച്ചു. സി.​കെ. ശ​ശീ​ന്ദ്ര​ൻ എം​എ​ൽ​എ മു​ഖ്യാ​തി​ഥി​യാ​യി​രു​ന്നു. കു​ടും​ബ​ശ്രീ ജി​ല്ലാ മി​ഷ​ൻ കോ-​ഓ​ർ​ഡി​നേ​റ്റ​ർ പി. ​സാ​ജി​ത സ്വാ​ഗ​ത​വും സി​ഡി​എ​സ് ചെ​യ​ർ​പേ​ഴ്സ​ണ്‍ സു​മ ച​ന്ദ്ര​ൻ ന​ന്ദി​യും പ​റ​ഞ്ഞു.

ക​ൽ​പ്പ​റ്റ: പൊ​ന്ന​ട സ്നേ​ഹ​തീ​രം കു​ടും​ബ​ശ്രീ സ്കൂ​ൾ പ്ര​വേ​ശ​നോ​ത്സ​വം സി.​കെ. ശ​ശീ​ന്ദ്ര​ൻ എം​എ​ൽ​എ ഉ​ദ്ഘാ​ട​നം ചെ​യ്തു. ആ​ധു​നി​ക സ​മൂ​ഹ​ത്തി​ലെ പ്ര​ശ്ന​ങ്ങ​ൾക്കെതിരേ അം​ഗ​ങ്ങ​ളെ പ്രാ​പ്തരാ​ക്കു​ന്ന കു​ടും​ബ​ശ്രീ സ്കൂ​ൾ പ​ദ്ധ​തി കാ​ല​ഘ​ട്ട​ത്തി​ന്‍റെ ആ​വ​ശ്യ​മാ​ണെ​ന്ന് അ​ദ്ദേ​ഹം പ​റ​ഞ്ഞു. ന​ഗ​ര​സ​ഭാ ചെ​യ​ർ​പേ​ഴ്സ​ൻ ഉ​മൈ​ബ മൊ​യ്തീ​ൻ​കു​ട്ടി അ​ധ്യ​ക്ഷ​ത വ​ഹി​ച്ചു. ജി​ല്ലാ മി​ഷ​ൻ കോ-​ഓ​ർ​ഡി​നേ​റ്റ​ർ പി. ​സാ​ജി​ത മു​ഖ്യാ​തി​ഥി​യാ​യി​രു​ന്നു.

പൂ​താ​ടി സി​ഡി​എ​സി​ന്‍റെ ആ​ഭി​മു​ഖ്യ​ത്തി​ൽ കേ​ണി​ച്ചി​റ​യി​ൽ സം​ഘ​ടി​പ്പി​ച്ച പ്ര​വേ​ശ​നോ​ത്സ​വം ഐ.​സി. ബാ​ല​കൃ​ഷ്ണ​ൻ എം​എ​ൽ​എ​യും തി​രു​നെ​ല്ലി കാ​ട്ടി​ക്കു​ളം ഗ്രാ​മ​ദീ​പം കു​ടും​ബ​ശ്രീ സ്കൂ​ൾ പ്ര​വേ​ശ​നോ​ത്സ​വം ഒ.​ആ​ർ. കേ​ളു എം​എ​ൽ​എ​യും ഉ​ദ്ഘാ​ട​നം ചെ​യ്തു.