മ​ല​മാ​നി​റ​ച്ചി​യു​മാ​യി മൂ​ന്നുപേ​ര്‍ അ​റ​സ്റ്റി​ല്‍
നി​ല​മ്പൂ​ര്‍: മ​ല​മാ​നി​ന്‍റെ ഇ​റ​ച്ചി​യു​മാ​യി വേ​ട്ട​സം​ഘ​ത്തി​ലെ മൂ​ന്നു പേ​ര്‍ പി​ടി​യി​ല്‍. നി​ല​മ്പൂ​രി​ന​ടു​ത്തു മ​മ്പാ​ട് പു​ള്ളി​പ്പാ​ടം സ്വ​ദേ​ശി​ക​ളാ​യ ച​പ്പ​ങ്ങാ​ത്തോ​ട്ട​ത്തി​ല്‍ അ​ല​വി(54), വ​ലി​യ​പീ​ടി​യേ​ക്ക​ല്‍ നി​സാ​ദ്(36), എ​ര​ഞ്ഞി​മ​ങ്ങാ​ട് പൈ​ങ്ങാ​ക്കോ​ട് സ്വ​ദേ​ശി കു​ന്ന​മം​ഗ​ല​ത്ത് സു​കി​ല്‍​ദാ​സ്(47) എ​ന്നി​വ​രെ​യാ​ണ് നി​ല​മ്പൂ​ര്‍ നോ​ര്‍​ത്ത് എ​സി​എ​ഫ് പി. ​ര​ഞ്ജി​ത് കു​മാ​ര്‍, എ​ട​വ​ണ്ണ റേ​ഞ്ച് ഓ​ഫീ​സ​ര്‍ അ​ബ്ദു​ള്‍ ല​ത്തീ​ഫ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള മൃ​ഗ​വേ​ട്ട ത​ട​യാ​നു​ള്ള പ്ര​ത്യേ​ക സം​ഘം അ​റ​സ്റ്റ് ചെ​യ്ത​ത്.
വ്യാ​ഴാ​ഴ്ച അ​ര്‍​ധ​രാ​ത്രി​യോ​ടെ​യാ​ണ് വ​ന​പാ​ല​ക​സം​ഘം സം​ഘം പ​രി​ശോ​ധ​ന ന​ട​ത്തി​യ​ത്. പി​ടി​യി​ലാ​യ​വ​രു​ടെ വീ​ടു​ക​ളി​ല്‍ നി​ന്നാ​യി 20 കി​ലോ​യോ​ളം ഇ​റ​ച്ചി​യും വേട്ടയ്ക്കുപ​യോ​ഗി​ച്ച തോ​ക്കു​ക​ളും ഒ​രു എ​യ​ര്‍​ഗ​ണ്ണും പി​ടി​ച്ചെ​ടു​ത്തു. യാ​ത്ര​യ്ക്കു​പ​യോ​ഗി​ച്ച കാ​ര്‍, ഓ​ട്ടോ​റി​ക്ഷ, ബൈ​ക്ക് എ​ന്നി​വ​യും ക​സ്റ്റ​ഡി​യി​ലെ​ടു​ത്തു. ഇ​റ​ച്ചി വെ​ട്ടാ​നു​പ​യോ​ഗി​ച്ച ക​ത്തി, മൂ​ന്നു ചെ​റി​യ ക​ത്തി​ക​ള്‍, എ​ട്ടു തി​ര​ക​ള്‍, ചി​ല്ലു​തി​ര​ക​ള്‍ എ​ന്നി​വ​യും പി​ടി​ച്ചെ​ടു​ത്തു. മാ​നി​ന്‍റെ ത​ല ഉ​ള്‍​പ്പെ​ടെ​യു​ള്ള അ​വ​ശി​ഷ്ട​ങ്ങ​ളും ക​ണ്ടെ​ത്തി​യി​ട്ടു​ണ്ട്. പി​ടി​യി​ലാ​യ വ​ർ ന​ല്‍​കി​യ വി​വ​ര​പ്ര​കാ​രം‍ അ​ഞ്ചു പേ​ര്‍​കൂ​ടി സം​ഘ​ത്തി​ലു​ണ്ട്. ഇ​വ​ര്‍​ക്കാ​യി തെ​ര​ച്ചി​ല്‍ ഊ​ര്‍​ജി​ത​മാ​ക്കി. എ​ട​വ​ണ്ണ റേ​ഞ്ചി​ലെ അ​ക​മ്പാ​ടം ഫോ​റ​സ്റ്റ് സ്‌​റ്റേ​ഷ​ന്‍ പ​രി​ധി​യി​ല്‍​പ്പെ​ട്ട എ​ള​ഞ്ചീ​രി വ​ന​മേ​ഖ​ല​യി​ല്‍ നി​ന്നാ​ണ് ഏ​ക​ദേ​ശം നാ​ല് വ​യ​സു പ്രാ​യ​മു​ള്ള മ​ല​മാ​നെ വെ​ടി​വ​ച്ചു കൊ​ന്ന​ത്. ഇ​റ​ച്ചി വി​ല്‍​പ്പ​നയ്ക്കാ​യി കൊ​ണ്ടു​പോ​കു​ന്ന​തി​നി​ട​യി​ലാ​ണ് പി​ടി​യി​ലാ​യ​ത്. മേ​ഖ​ല​യി​ലെ പ്ര​ധാ​ന വേ​ട്ട​സം​ഘ​മാ​യ ഇ​വ​രെ​പ്പ​റ്റി പ്ര​ത്യേ​ക സം​ഘ​ത്തി​നു നേ​ര​ത്തേ ത​ന്നെ വി​വ​രം ല​ഭി​ച്ചി​രു​ന്നു. ദി​വ​സ​ങ്ങ​ളാ​യി ഇ​വ​ർ നി​രീ​ക്ഷ​ണ​ത്തി​ലാ​യി​രു​ന്നു.
വേ​ട്ട​യു​ടെ മു​ഖ്യ​സൂ​ത്ര​ധാ​ര​ന്‍ നി​സാ​ദാ​ണ്. ഇ​യാ​ളു​ടേ​താ​ണ് കാ​ര്‍. ഓ​ട്ടോ​ അ​ല​വി​യു​ടേ​തും ബൈ​ക്ക് സു​കി​ല്‍​ദാ​സി​ന്‍റേ​തു​മാ​ണ്. മ​ല​പ്പു​റം ജി​ല്ല​യ്ക്ക​ക​ത്തും പു​റ​ത്തും വേ​ട്ട​യി​റ​ച്ചി ഉ​യ​ര്‍​ന്ന വി​ല​യ്ക്ക് വി​ല്‍​പ്പ​ന ന​ട​ത്തു​ന്ന സം​ഘം കൂ​ടി​യാ​ണി​വ​ര്‍. സെ​ക്‌​ഷ​ന്‍ ഫോ​റ​സ്റ്റ് ഓ​ഫീ​സ​ര്‍​മാ​രാ​യ വി. ​രാ​ജേ​ഷ്, പി. ​ഗി​രീ​ഷ്‌​കു​മാ​ര്‍, ബി​എ​ഫ്ഒ​മാ​രാ​യ ഹ​രീ​ഷ്, ശ്രീ​ജി​ത്, എ​ട​ക്കോ​ട് ഡെ​പ്യൂ​ട്ടി റേ​ഞ്ച​ര്‍ രാ​ജീ​വ്, എ​ട​വ​ണ്ണ റേ​ഞ്ചി​ലെ വ​ന​പാ​ല​ക​ര്‍ എ​ന്നി​വ​രും സ്‌​ക്വാ​ഡി​ലു​ണ്ടാ​യി​രു​ന്നു. പി​ടി​ച്ചെ​ടു​ത്ത തോ​ക്കു​ക​ള്‍ ആ​യു​ധ​നി​രോ​ധ​ന നി​യ​മ​പ്ര​കാ​രം പോ​ലീ​സി​നു കൈ​മാ​റും. പ്ര​തി​ക​ളെ റി​മാ​ന്‍​ഡ് ചെ​യ്തു.