ഒടുവള്ളിത്തട്ട്: മഴക്കാലപൂർവ ശുചീകരണ പ്രവർത്തനങ്ങളുടെ ഭാഗമായി ഒടുവള്ളിത്തട്ട് ബസ് സ്റ്റാൻഡ് പരിസരം, ചാണോക്കുണ്ട് ടൗൺ എന്നിവിടങ്ങളിൽ ശുചീകരിച്ചു.
മംഗര വാർഡിലെ ശുചീകരണ പ്രവർത്തനങ്ങളുടെ ഉദ്ഘാടനം വാർഡ് മെംബർ പി.പി വിനീതയും കുട്ടിക്കരി വാർഡിൽ ഷേർളി ചാക്കോയും നിർവഹിച്ചു.
ചപ്പാരപ്പടവ് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ തങ്കമ്മ സണ്ണി, ഒടുവള്ളിത്തട്ട് സാമൂഹിക ആരോഗ്യകേന്ദ്രം ഹെൽത്ത് ഇൻസ്പെക്ടർ എം. അഭയകുമാർ എന്നിവർ നേതൃത്വം നൽകി. ജൂണിയർ ഹെൽത്ത് ഹെൽത്ത് ഇൻസ്പെക്ടർ രഞ്ജിത്ത് കുമാർ, ജൂണിയർ പബ്ലിക് ഹെൽത്ത് നഴ്സ് എം.ആർ. ലക്സിമോൾ, വ്യാപാരി വ്യവസായി യൂണിറ്റ് പ്രസിഡന്റ് സിറിയക് മനിയാനിക്കൽ, പ്രമോദ്, വർഗീസ് കുഴിമാറ്റം, അരുൺ ജോയ്, എഡിഎസ് പ്രസിഡന്റ് ഉമൈമത്ത്, സെക്രട്ടറി തങ്കമണി, ഹരിതകർമ സേനാംഗങ്ങൾ, വ്യാപാരി പ്രധിനിധികൾ, ആശാ പ്രവർത്തകർ, സാനിറ്റേഷൻ കമ്മറ്റി അംഗങ്ങൾ, കുടുംബശ്രീ പ്രവർത്തകർ എന്നിവർ പങ്കെടുത്തു.