കൊട്ടാരക്കര:കേരള എയ്ഡഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻ 60 -മത് വജ്ര ജൂബിലി ആഘോഷവും സംസ്ഥാന പ്രതിനിധി സമ്മേളനവും 17,18 തീയതികളിൽ കൊട്ടാരക്കര മാർത്തോമ ഹൈസ്കൂൾ ഓഡിറ്റോറിയത്തിൽ വച്ച് നടക്കും
അനധ്യാപകരുടെ അവകാശങ്ങൾ നേടിയെടുക്കുന്നതിനും സംരക്ഷിക്കുന്നതിനും മുന്നിൽ നിന്നിട്ടുള്ള സംഘടനയാണ് കെ എ എസ് എൻ ടി എസ് എ എന്ന് സംഘാടകർ പറഞ്ഞു.
സംസ്ഥാനത്തെ ആദ്യ സർവീസ് സംഘടനയിൽ ഒന്നായ കെ എ എസ് എൻ ടി എ എ കക്ഷി രാഷ്ട്രീയത്തിന് അതീതമായാണ് പ്രവർത്തിച്ചുവരുന്നത്.മന്ത്രി കെ.എൻ. ബാലഗോപാൽ വജ്രജൂബിലി സമ്മേളനം ഉദ്ഘാടനം ചെയ്യും.
മുൻകാല പ്രവർത്തകരുടെ സംഗമം മന്ത്രി കെ.ബി. ഗണേഷ് കുമാർ ഉദ്ഘാടനം ചെയ്യും, എംഎൽഎമാരായ പി.എസ്.സുപാൽ, കൊട്ടാരക്കര നഗരസഭാ ചെയർമാൻ എസ്. ആർ.രമേശ്, പ്രതിപക്ഷ നേതാവ് വി .ഫിലിപ്പ്,സംസ്ഥാന സെക്രട്ടറി ഷിനോജ് പാപ്പച്ചൻ, മറ്റ് ജനപ്രതിനിധികൾ, പൊതുവിദ്യാഭ്യാസവകുപ്പിലെ ഉന്നത ഉദ്യോഗസ്ഥർ, മുൻകാല നേതാക്കൾ എന്നിവർ സംബന്ധിക്കും.പൊതുസമ്മേളനം, തലമുറകളുടെ സംഗമം, വിദ്യാഭ്യാസ സെമിനാർ, യാത്രയയപ്പ് സമ്മേളനം വിദ്യാഭ്യാസ അവാർഡ് വിതരണം പ്രതിനിധി സമ്മേളനം എന്നിവ വജ്ര ജൂബിലി സമ്മേളനത്തിന്റെ ഭാഗമായി സംഘടിപ്പിക്കുമെന്ന് സംഘാടകർ വ്യക്തമാക്കി.
കേരളത്തിലെ 41 വിദ്യാഭ്യാസ ജില്ലകളിലെ പ്രതിനിധികൾപങ്കെടുക്കും, കേരള എയ്ഡ്ഡ് സ്കൂൾ നോൺ ടീച്ചിംഗ് സ്റ്റാഫ് അസോസിയേഷൻ ജനറൽ സെക്രട്ടറി ഷിനോജ് പാപ്പച്ചൻ, ഭാരവാഹികളായ, സാം സി. ജോൺ, എം.എസ്. രാകേഷ് കൃഷ്ണൻ, നന്ദു.ബി.നായർ, രാജേഷ് കുമാർ, അതുൽ എ. നായർ എന്നിവർ സമ്മേളനവിവരങ്ങൾ വിശദീകരിച്ചു .