കുഴിക്കാട്ടുശേരി: വിശുദ്ധ മറിയം ത്രേസ്യ - ധന്യൻ ജോസഫ് വിതയത്തിൽ തീർഥാടന കേന്ദ്രത്തിൽ വിശുദ്ധയുടെ തിരുനാളിനുള്ള ഒരുക്കങ്ങളായി. വിശുദ്ധയുടെ 24 ാം തിരുനാളും ധന്യൻ ജോസഫ് വിതയത്തിലിന്റെ അറുപതാം അനുസ്മരണ ദിനവുമാണ് ഈ വർഷം നടക്കുന്നത്.
ജൂൺ എട്ടിനു നടക്കുന്ന തിരുനാളിന് ഒരുക്കമായുള്ള നവനാൾ തിരുക്കർമങ്ങൾ 30ന് ആരംഭിക്കും. രാവിലെ 10.30 ന് ദിവ്യബലി, ലദീഞ്ഞ്, നൊവേന എന്നിവ നടക്കും. ഉച്ചതിരിഞ്ഞ് മൂന്നിനുള്ള ആരാധനയെത്തുടർന്ന് വിശുദ്ധയുടെ മാതൃഭവനം സ്ഥിതിചെയ്യുന്ന തുറവൂർ സെന്റ് അഗസ്റ്റിൻ പള്ളിയിൽ നിന്നെത്തിക്കുന്ന ദീപശിഖ കുഴിക്കാട്ടുശേരിയിലെ തീർഥാടന കേന്ദ്രത്തിൽ പ്രതിഷ്ഠിക്കും. തുടർന്ന് മേജർ ആർച്ച്ബിഷപ് മാർ റാഫേൽ തട്ടിൽ തിരുനാൾ കൊടിയേറ്റം നിർവഹിക്കുകയും ദിവ്യബലി, സന്ദേശം, നൊവേന, പ്രദക്ഷിണം എന്നിവയിൽ മുഖ്യകാർമികത്വം വഹിക്കുകയും ചെയ്യും.
തുടർന്നുള്ള ദിവസങ്ങളിൽ രാവിലെ 10.30 ന് ദിവ്യബലി, ലദീഞ്ഞ്, നൊവേന എന്നിവയും വൈകീട്ട് ആറിന് ദിവ്യബലി സന്ദേശം, ലദീഞ്ഞ്, നൊവേന, പ്രദക്ഷിണം എന്നിവയും നടക്കും.
തിരുനാളിന്റെ വിജയത്തിനായി ഇരിങ്ങാലക്കുട രൂപത വികാരി ജനറാൾ മോൺ. ജോസ് മഞ്ഞളി ചെയർമാനായി വിവിധ കമ്മിറ്റികൾ പ്രവർത്തനമാരംഭിച്ചിട്ടുണ്ട്.
ഹോളിഫാമിലി സന്യാസിനി സമൂഹത്തിന്റെ സുപ്പീരിയർ ജനറൽ മദർ ആനി കുര്യാക്കോസ്, തീർഥാടനകേന്ദ്രം റെക്ടർ ഫാ. ജോൺ കവലക്കാട്ട്, അഡ്മിനിസ്ട്രേറ്ററും ജനറൽ കൺവീനറുമായ സിസ്റ്റർ എൽസി സേവ്യർ, പ്രമോട്ടർ ഫാ. സെബാസ്റ്റ്യൻ അരിക്കാട്ട്, വൈസ് പോസ്റ്റുലേറ്റർ സിസ്റ്റർ വിനയ, ജനറൽ കൺവീനർ ജോജോ അമ്പൂക്കൻ എന്നിവരുടെ നേതൃത്വത്തിൽ വിപുലമായ കമ്മിറ്റികൾ പ്രവർത്തനസജ്ജമാണ്.
ജോയിന്റ് കൺവീനർമാരായി ഡെയ്സൻ അമ്പൂക്കൻ, റെക് സി ജോൺസൺ, സി.എൽ. പിന്റോ എന്നിവരും വിവിധ കമ്മിറ്റി കൺവീനർമാരായി ജോസ് കണ്ണായി, ജോർജ് പൊഴോലിപ്പറമ്പിൽ, സ്റ്റീഫൻ പയ്യപ്പിള്ളി, ജോയ് പൊഴോലിപ്പറമ്പിൽ, ജോ ബി പുല്ലൂപറമ്പിൽ, ഷാജു കാരക്കാട്ട്, പൗലോസ് പയ്യപ്പിള്ളി, ആൻസി പുല്ലൂപറമ്പിൽ, ജോസ് കണ്ണമ്പുഴ അരിക്കാടൻ, പീറ്റർ പഴയാറ്റിൽ, സിസ്റ്റർ ഉദയ കല്ലൂക്കാരൻ, ഡേവിസ് പുല്ലൂപറമ്പിൽ, റോയർ വർഗീസ് നങ്ങിണി എന്നിവരും സേവനമനുഷ്ഠിച്ചുവരുന്നു.