നെന്മാറ: കരിമ്പാറ സെന്‍റ് മേരീസ് യാക്കോബായ സുറിയാനി ചാപ്പലിന്‍റെ സിൽവർ ജൂബിലി പെരുന്നാളിന് കൊടിയേറ്റം നടന്നു. ജൂബിലി പെരുന്നാളിനോട് അനുബന്ധിച്ച് സുവിശേഷ യോഗം, വിശുദ്ധ കുർബാന, സന്ധ്യാ പ്രാർഥന, ആശീർവാദം, നേർച്ച വിളക്ക്, പ്രദക്ഷിണം, നേർച്ചസദ്യ എന്നിവ ബുധനാഴ്ച വരെയുള്ള വിവിധ ദിവസങ്ങളിലായി നടക്കും.
ഫാ. എൽദോ തേലപ്പിള്ളി പതാക ഉയർത്തി. പെരുന്നാൾ നടത്തിപ്പ് ഭാരവാഹികളായ ഫാ. ജോബി ജോസ് പാപ്പാളിൽ, ചാപ്പൽ ട്രസ്റ്റി ജോർജ് ആറ്റുപുറം, ബാബു തടിക്കുളങ്ങര, പള്ളി ട്രസ്റ്റി വർഗീസ് ആറ്റുപുറം, റെജിമോൻ പതിക്കൽ, സെക്രട്ടറിമാരായ ബിജു വെട്ടിയാംകുന്ന്, ജിബു തടിക്കുളങ്ങര തുടങ്ങിയവരുടെ നേതൃത്വത്തിലാണ് ജൂബിലി പെരുന്നാൾ ആഘോഷിക്കുന്നത്.
ഇന്ന് വൈകുന്നേരം നാലിന് ബൈക്ക് വിളംബര റാലി നടത്തും.
കയറാടി സെന്‍റ് ജോർജ് യാക്കോബായ പള്ളിയിൽനിന്ന് ആരംഭിച്ച് മാങ്കുറിശി മോർ ഗ്രിഗോറിയോസ് കുരിശുംതൊട്ടി, പയ്യാങ്കോട് സെന്‍റ് തോമസ് കുരിശും തൊട്ടി, അടിപ്പരണ്ട മോർ ബസേലിയോസ് കുരിശുംതൊട്ടി എന്നിവിടങ്ങൾ സന്ദർശിച്ച് കോപ്പംകുളമ്പ് വഴി കരിമ്പാറയിൽ വൈകുന്നേരം ആറുമണിക്ക് സ്വീകരണം നൽകും.