വൈക്കം: വൈക്കത്തഷ്ടമി ഉത്സവത്തിന് ദിവസങ്ങൾ മാത്രമുള്ളപ്പോഴും വൈക്കം മഹാദേവ ക്ഷേത്രത്തിന്റെ ഗോപുരത്തിനു സമീപത്തെയും പടിഞ്ഞാറെവളവിലെയും കുഴികൾ മൂടാൻ നടപടി സ്വീകരിക്കാത്തതിൽ പ്രതിഷേധം ശക്തമായി.
വലിയ കൂഴികൾ രൂപപ്പെട്ടതിനെത്തുടർന്ന് ഇരുചക്രവാഹന യാത്രികർ വീണ് പരിക്കേൽക്കുന്നത് പതിവാകുകയാണ്. പൊടിശല്യവും രൂക്ഷമായതോടെ കാൽനടക്കാരും വാഹനയാത്രികരും ഒരുപോലെ ദുരിതത്തിലായി. റോഡിലെ കുഴിയടച്ച് ഗതാഗതം സുരക്ഷിതമാക്കണമെന്ന് നാട്ടുകാർ ആവശ്യപ്പെട്ടു.