കൊച്ചി: വോട്ടിംഗ് മെഷീനില് അഞ്ജലി നായര് എന്ന പേര് വേണമെന്ന് ആവശ്യപ്പെട്ട് തൃപ്പൂണിത്തുറയിലെ എന്ഡിഎ സ്ഥാനാര്ഥി ഹൈക്കോടതിയില്. പത്രികയില് നല്കിയിട്ടുള്ള പേര് പി.വി.അഞ്ജലി എന്നാണ്.
താന് ആവശ്യപ്പെട്ട പേര് തെരഞ്ഞെടുപ്പ് കമ്മീഷന് നല്കിയില്ലെന്ന് ഹര്ജിയില് ചൂണ്ടിക്കാണിക്കുന്നു. നിലവില് പി.വി.അഞ്ജലി എന്നാണ് ഇവിഎമ്മിലെ പേര്. തെരഞ്ഞെടുപ്പ് കമ്മീഷന് പ്രസിദ്ധീകരിച്ച മത്സരാര്ഥികളുടെ പട്ടികയിലും ഇവിഎമ്മിലും പി.വി.അഞ്ജലി എന്ന പേരിന് പകരം അഞ്ജലി നായര് എന്ന പേര് നല്കണമെന്ന് ആവശ്യപ്പെട്ടാണ് ഹര്ജി.
പൊതുജനങ്ങള്ക്കിടയില് അഞ്ജലി നായര് എന്ന പേരിലാണ് പരിചിതയെന്നും പോസ്റ്ററുകളിലും ഇതാണ് പേരെന്നും അഞ്ജലി പറയുന്നു. ഇവിഎമ്മില് മറ്റൊരു പേരെന്നത് വോട്ടര്മാര്ക്ക് ആശയക്കുഴപ്പമുണ്ടാക്കുമെന്ന് ചൂണ്ടിക്കാട്ടിയാണ് ഹര്ജി.