4

ച​ണ്ഡീ​ഗ​ഢ്: പ​ഞ്ചാ​ബി​ലെ തീ​വ്ര​വോ​ട്ട​ർ പ​ട്ടി​ക പ​രി​ഷ്ക​ര​ണ​ത്തി​ന്(​എ​സ്ഐ​ആ​ർ) ശേ​ഷം പു​റ​ത്തി​റ​ക്കി​യ ക​ര​ട് വോ​ട്ട​ർ​പ​ട്ടി​ക​യി​ൽ​നി​ന്ന് കോ​ൺ​ഗ്ര​സ് എം​പി ഡോ. ​ധ​രം​വീ​ര ഗാ​ന്ധി​യും കു​ടും​ബ​യും പു​റ​ത്ത്. ത​ന്‍റെ പേ​രി​നൊ​പ്പം കു​ടും​ബാം​ഗ​ങ്ങ​ളു​ടെ പേ​രു​ക​ളും ക​ര​ട് വോ​ട്ട​ർ പ​ട്ടി​ക​യി​ൽ ഇ​ല്ലെ​ന്നും എം​പി വ്യ​ക്ത​മാ​ക്കി.

2000 മു​ത​ൽ നി​ല​വി​ലു​ള്ള വി​ലാ​സ​ത്തി​ലാ​ണ് താ​മ​സി​ക്കു​ന്ന​ത്. മൂ​ന്നു​വ​ട്ടം ലോ​ക്സ​ഭ​യി​ലേ​ക്ക് മ​ത്സ​രി​ച്ച​തും ര​ണ്ടു​വ​ട്ടം എം​പി​യാ​യ​തും ഇ​തേ വീ​ട്ടി​ൽ താ​മ​സി​ക്കു​മ്പോ​ഴാ​ണ്. എ​ല്ലാ ഔ​ദ്യോ​ഗി​ക രേ​ഖ​ക​ളി​ലും ഇ​തു​ത​ന്നെ​യാ​ണ് ത​ന്‍റെ സ്ഥി​ര​മേ​ൽ​വി​ലാ​സം. എ​ന്നി​ട്ടും ത​ന്‍റെ പേ​രും കു​ടും​ബാം​ഗ​ങ്ങ​ളു​ടെ പേ​രു​ക​ളും ക​ര​ട് പ​ട്ടി​ക​യി​ൽ ഇ​ല്ലെ​ന്നും ധ​രം​വീ​ര ഗാ​ന്ധി വ്യ​ക്ത​മാ​ക്കി.

2003-ലെ ​വോ​ട്ട​ർ​പ​ട്ടി​ക​യി​ലെ വി​വ​ര​ങ്ങ​ളു​മാ​യി തി​രി​ച്ച​റി​യ​ൽ രേ​ഖ​ക​ളി​ലെ വി​വ​ര​ങ്ങ​ൾ പൊ​രു​ത്ത​പ്പെ​ടു​ന്നി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് എം​പി​യു​ടെ​യും കു​ടും​ബാം​ഗ​ങ്ങ​ളു​ടെ​യും പേ​രു​ക​ൾ വെ​ട്ടി​പ്പോ​യ​തെ​ന്നാ​ണ് അ​ദ്ദേ​ഹ​ത്തി​ന് ല​ഭി​ച്ച വി​വ​രം.

ക​ര​ട് വോ​ട്ട​ർ​പ​ട്ടി​ക​യി​ൽ​നി​ന്ന് പു​റ​ത്താ​യ​തോ​ടെ ധ​രം​വീ​ര ഗാ​ന്ധി പ​രാ​തി​യു​മാ​യി അ​ധി​കൃ​ത​രെ സ​മീ​പി​ച്ചി​ട്ടു​ണ്ട്. അ​ന്തി​മ പ​ട്ടി​ക​യി​ൽ പേ​ര് ഉ​ൾ​പ്പെ​ടു​ത്താ​നാ​യി പാ​സ്പോ​ർ​ട്ടും പ​ത്താം​ക്ലാ​സ് സ​ർ​ട്ടി​ഫി​ക്ക​റ്റും മ​റ്റ് രേ​ഖ​ക​ളും സ​മ​ർ​പ്പി​ച്ച​താ​യും അ​ദ്ദേ​ഹം പ​റ​ഞ്ഞു.

Tags : SIR Punjab Congress MP Dharamvir Gandhi Family