18

ഫറോക്ക്: ബേപ്പൂർ നിയോജകമണ്ഡലത്തിൽ വോട്ടുവിഹിതത്തിൽ യുഡിഎഫിന് വൻ കുതിപ്പെന്ന് പി.വി. അൻ‌വർ. അതേസമയം എൽഡിഎഫിന് ഇത്തവണ വോട്ടുവിഹിതത്തിൽ വലിയ കുറവുണ്ടായി. 2021 നിയമസഭ തെരഞ്ഞെടുപ്പിൽ 53,418 വോട്ടുകൾ മാത്രം ലഭിച്ച യുഡിഎഫ് ഇത്തവണ 74,362 വോട്ടുകൾ നേടി നില മെച്ചപ്പെടുത്തിയെന്നും അദ്ദേഹം പറഞ്ഞു.

പി.വി.അൻവറിന് 20,944 വോട്ടുകൾ അധികം നേടാനായി. 2021ൽ എൽഡിഎഫ് സ്ഥാനാർഥി പി.എ. മുഹമ്മദ് റിയാസിനു ലഭിച്ച 28,747ന്‍റെ ഭൂരിപക്ഷം ഇത്തവണ 7,487 ആക്കി കുറയ്ക്കാനായതും യുഡിഎഫിന് നേട്ടമായി.

എൽഡിഎഫിന് ഇത്തവണ വോട്ടുവിഹിതത്തിലും വലിയ കുറവുണ്ടായി. പി.എ.മുഹമ്മദ് റിയാസിന് 81,849 വോട്ടുകളാണ് ലഭിച്ചത്. 2021ൽ 82,165 വോട്ടുകളായിരുന്നു. 316 വോട്ടുകളുടെ കുറവ്. 2021ൽ ആകെ പോൾ ചെയ്തതിന്‍റെ 49.73 ശതമാനം വോട്ടുകൾ നേടിയ റിയാസിന് ഇത്തവണ 44.34 ശതമാനം വോട്ടുകളാണ് ലഭിച്ചതെന്നും അൻവർ പറഞ്ഞു.

Tags : PV Anwar UDF election