14

ഗു​രു​വാ​യൂ​ർ: ക്ഷേ​ത്ര​സ​ന്നി​ധി​യി​ൽ ച​രി​ത്ര​ത്തി​ലി​ടം​നേ​ടി 420 വ​ധൂ​വ​ര​ന്മാ​ർ മി​ന്നു​ചാ​ർ​ത്തി പു​തു​ജീ​വി​ത​ത്തി​ലേ​ക്കു പ്ര​വേ​ശി​ച്ചു. ചി​ങ്ങ​മാ​സ​ത്തി​ലെ ആ​ദ്യ ഞാ​യ​റാ​ഴ്ച ക്ഷേ​ത്ര​സ​ന്നി​ധി​യി​ൽ ന​ട​ന്ന 416 എ​ന്ന വി​വാ​ഹ റി​ക്കാ​ർ​ഡാ​ണ് അ​വ​സാ​ന​ത്തെ ഞാ​യ​റാ​ഴ്ച​യാ​യ ഇ​ന്ന​ലെ 420 വി​വാ​ഹ​ങ്ങ​ളോ​ടെ മ​റി​ക​ട​ന്ന​ത്. ദേ​വ​സ്വം-​പൊ​ലി​സ്-​ഫ​യ​ർ​ഫോ​ഴ്‌​സ് എ​ന്നി​വ​യു​ടെ മു​ന്നൊ​രു​ക്ക​ങ്ങ​ളും ക്ര​മീ​ക​ര​ണ​ങ്ങ​ളും തി​ര​ക്ക് നി​യ​ന്ത്ര​ണ​വി​ധേ​യ​മാ​ക്കാ​ൻ സ​ഹാ​യി​ച്ചു.

പു​ല​ർ​ച്ചെ നാ​ലി​ന് ഒ​ന്നാം ന​മ്പ​ർ മ​ണ്ഡ​പ​ത്തി​ലാ​ണു വി​വാ​ഹം തു​ട​ങ്ങി​യ​ത്. മം​ഗ​ള​വാ​ദ്യ​ത്തി​ന്‍റെ അ​ക​മ്പ​ടി​യി​ൽ തു​ട​ർ​ന്ന് മ​റ്റ് അ​ഞ്ചു മ​ണ്ഡ​പ​ങ്ങ​ളി​ലും വി​വാ​ഹ​ങ്ങ​ൾ തു​ട​ങ്ങി. രാ​വി​ലെ ഏ​ഴോ​ടെ 160 വി​വാ​ഹ​ങ്ങ​ളും 8.30നു 230 ​വി​വാ​ഹ​ങ്ങ​ളും ക​ട​ന്നു. 10.30ന് 360 ​വി​വാ​ഹ​ങ്ങ​ളും ന​ട​ന്നു. ഉ​ച്ച​പൂ​ജ​യ്ക്ക് ന​ട​യ​ട​ക്കു​ന്ന​തി​നു മു​മ്പാ​യി വി​വാ​ഹ​ത്തി​ര​ക്കൊ​ഴി​ഞ്ഞു. ഭ​ക്ത​ർ​ക്കു യാ​തൊ​രു ത​ര​ത്തി​ലു​ള്ള ബു​ദ്ധി​മു​ട്ടും അ​നു​ഭ​വ​പ്പെ​ടാ​തെ​യാ​ണ് ഇ​ത്ര​യും വി​വാ​ഹ​ങ്ങ​ൾ ന​ട​ന്ന​ത്. മേ​ൽ​പു​ത്തൂ​ർ ഓ​ഡി​റ്റോ​റി​യ​ത്തി​നു തെ​ക്കു ഭാ​ഗ​ത്താ​യി വ​ധൂ​വ​ര​ന്മാ​ർ​ക്കും ബ​ന്ധു​ക്ക​ൾ​ക്കും വി​ശ്ര​മി​ക്കു​ന്ന​തി​നു സൗ​ക​ര്യ​മൊ​രു​ക്കി​യി​രു​ന്നു.

തെ​ക്കേ​ന​ട​യി​ൽ ക്ഷേ​ത്ര​മ​തി​ലി​ലെ ചു​മ​ർ​ചി​ത്ര​ത്തി​നു മു​ന്നി​ലും കൂ​വ​ള​ത്തി​നു സ​മീ​പ​വും കേ​ശ​വ പ്ര​തി​മ​യ്ക്കു മു​ന്നി​ലും മ​ര​പ്ര​ഭു​വി​ന് മു​ന്നി​ലു​മെ​ല്ലാം ഫോ​ട്ടോ എ​ടു​ക്കു​ന്ന​തി​ന് വ​ധൂ​വ​ര​ന്മാ​രു​ടെ തി​ര​ക്കാ​യി​രു​ന്നു. സ​ൽ​ക്കാ​ര​ത്തി​നു ഗു​രു​വാ​യൂ​രി​ൽ വി​വാ​ഹ​മ​ണ്ഡ​പ​ങ്ങ​ൾ ല​ഭി​ക്കാ​ത്ത​വ​ർ ക്ഷേ​ത്ര​സ​ന്നി​ധി​യി​ൽ വി​വാ​ഹം ക​ഴി​ഞ്ഞ​യു​ട​നെ സ്വ​ന്തം സ്ഥ​ല​ങ്ങ​ളി​ലേ​ക്കു തി​രി​ച്ചു​പോ​യി. ദേ​വ​സ്വം ചെ​യ​ർ​മാ​ൻ എ.​വി. ഗോ​പി​നാ​ഥ് വി​വാ​ഹ​ങ്ങ​ൾ തു​ട​ങ്ങി​യ​തു മു​ത​ൽ ഉ​ച്ച​വ​രെ മേ​ൽ​നോ​ട്ടം​വ​ഹി​ച്ച് മ​ണ്ഡ​പ​ങ്ങ​ൾ​ക്കു സ​മീ​പം​ത​ന്നെ​യു​ണ്ടാ​യി​രു​ന്നു. ക്ഷേ​ത്രം ഡി​എ എം. ​രാ​ധ, മാ​നേ​ജ​ർ എ.​വി. പ്ര​ശാ​ന്ത് എ​ന്നി​വ​രു​ടെ നേ​തൃ​ത്വ​ത്തി​ൽ ദേ​വ​സ്വം ജീ​വ​ന​ക്കാ​ർ ഭ​ക്ത​ർ​ക്ക് സ​ഹാ​യ​ങ്ങ​ളും നി​ർ​ദേ​ശ​ങ്ങ​ളും ന​ൽ​കി.

നി​ല​വി​ലെ പൊ​ലി​സി​നു പു​റ​മേ നൂ​റോ​ളം പൊ​ലി​സു​കാ​രെ അ​ധി​ക​മാ​യി ക്ഷേ​ത്ര​ന​ഗ​രി​യി​ൽ വി​ന്യ​സി​ച്ചി​രു​ന്നു. മോ​ഷ​ണ​ങ്ങ​ളും അ​നി​ഷ്ട​സം​ഭ​വ​ങ്ങ​ളും ത​ട​യു​ന്ന​തി​നു മ​ഫ്തി പൊ​ലി​സി​നെ​യും നി​യോ​ഗി​ച്ചു. വ​ൺ​വേ സം​വി​ധാ​നം ക​ർ​ശ​ന​മാ​ക്കി​യ​തി​നാ​ൽ ഗ​താ​ഗ​ത​ക്കു​രു​ക്കും അ​നു​ഭ​വ​പ്പെ​ട്ടി​ല്ല. സ്പോ​ട്ട് ബു​ക്കിം​ഗ് ഉ​ൾ​പ്പെ​ടെ 443 വി​വാ​ഹ​ങ്ങ​ളാ​ണു ശീ​ട്ടാ​ക്കി​യി​രു​ന്ന​ത്. ഗു​രു​വാ​യൂ​ർ എ​സി​പി എം. ​സു​രേ​ന്ദ്ര​ൻ, ടെ​മ്പി​ൾ പൊ​ലി​സ് എ​സ്എ​ച്ച്ഒ കെ.​ജി. ജ​യ​പ്ര​ദീ​പ്, എ​സ്ഐ കൃ​ഷ്‌​ണ​കു​മാ​ർ, ദേ​വ​സ്വം സെ​ക്യൂ​രി​റ്റി ഓ​ഫീ​സ​ർ​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് തി​ര​ക്ക് നി​യ​ന്ത്രി​ച്ച​ത്.

Tags : Record weddings Guruvayur Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash