കോഴിക്കോട്: വീര്യം കുറഞ്ഞ മദ്യത്തിന് നികുതി ഇളവ് നൽകുന്ന കാര്യത്തിൽ സമഗ്രമായ കൂടിയാലോചനകൾ നടത്തുമെന്ന് റവന്യു വകുപ്പ് മന്ത്രി എ.പി. അനിൽകുമാർ. പാർട്ടി-മുന്നണി നേതൃത്വവുമായി ചർച്ച ചെയ്ത് ഇക്കാര്യം തീരുമാനിക്കുമെന്ന് മുഖ്യമന്ത്രി തന്നെ പറഞ്ഞിട്ടുണ്ടെന്നും അദ്ദേഹം പറഞ്ഞു.
നയപരമായ കാര്യങ്ങളിൽ ഏകാധിപത്യപരമായ തീരുമാനങ്ങളല്ല സർക്കാർ സ്വീകരിക്കുന്നത്. എൽഡിഎഫ് സർക്കാരിന്റെ കാലത്തുണ്ടായിരുന്നതുപോലെ ഒരാളിൽ മാത്രം തീരുമാനങ്ങൾ കേന്ദ്രീകരിക്കുന്ന ശൈലിയല്ല ഇപ്പോഴത്തെ സർക്കാരിനുള്ളത്. തീരുമാനങ്ങൾ തെറ്റാണെന്ന് ബോധ്യപ്പെട്ടാൽ അത് തിരുത്തുമെന്നും മന്ത്രി പറഞ്ഞു.
Tags : AP Anil Kumar Liquor policy