എം.ലിജു
തിരുവനന്തപുരം: കോണ്ഗ്രസില് യെസ് ബോസ് കള്ച്ചര് ഇല്ലെന്ന് എക്സൈസ് മന്ത്രി എം.ലിജു. ഏകഛത്രപതി ഇല്ലാത്ത പാര്ട്ടിയാണ് കോണ്ഗ്രസെന്ന് മന്ത്രി പ്രതികരിച്ചു.
വീര്യം കുറഞ്ഞ മദ്യം വില്ക്കണോയെന്നതില് യുഡിഎഫ് തീരുമാനം എടുക്കും. സര്ക്കാര് നയം സംബന്ധിച്ച് ആര്ക്കും ആശങ്കകള് പങ്കുവയ്ക്കാം. ആശങ്ക പ്രകടിപ്പിക്കുന്നതില് എന്താണ് തെറ്റെന്നും അദ്ദേഹം ചോദിച്ചു.
പിണറായി വിജയന് പറയുന്നതിലും അപ്പുറത്തേക്ക് മറ്റൊന്ന് നിലവില് ഇല്ലെന്ന് പറയുന്ന ഒരു പാര്ട്ടിയല്ല തങ്ങളുടേത്. അതിനാല് അഭിപ്രായം ഉയരും. അതാണ് കോണ്ഗ്രസിന്റെ സൗന്ദര്യമെന്നും അദ്ദേഹം പറഞ്ഞു.
മുഖ്യമന്ത്രി ഉള്പ്പെടെ ആ സ്പിരിറ്റിലാണ്. വേറെ വ്യാഖ്യാനിക്കേണ്ട. മദ്യം വാങ്ങാനുള്ള പ്രായപരിധി കര്ശനമാക്കുമെന്നും മന്ത്രി വ്യക്തമാക്കി
നിലവില് 23 വയസ്സുതന്നെയാണ് മദ്യം വാങ്ങാനുള്ള കുറഞ്ഞ പ്രായപരിധി. അത് കര്ശനമാക്കാനാണ് തീരുമാനമെന്നും മന്ത്രി കൂട്ടിച്ചേർത്തു.