18

തി​രു​വ​ന​ന്ത​പു​രം: നിയുക്ത മുഖ്യമന്ത്രി വി.​ഡി. സ​തീ​ശ​ന്‍റെ നേ​തൃ​ത്വ​ത്തി​ലു​ള്ള പു​തി​യ മ​ന്ത്രി​സ​ഭ​യു​ടെ വ​കു​പ്പ് വി​ഭ​ജ​ന ച​ർ​ച്ച​ക​ൾ പൂ​ർ​ത്തി​യാ​യി. ലോ​ക് ഭ​വ​നി​ൽ ന​ട​ന്ന നി​ർ​ണാ​യ​ക കൂ​ടി​ക്കാ​ഴ്ച​ക​ൾ​ക്ക് ശേ​ഷം അൽപ സമയത്തിനകം മന്ത്രിമാരു‌ടെ മുഴുവൻ വകുപ്പും പട്ടികയും നിയുക്ത മുഖ്യമന്ത്രി വി.ഡി. സതീശൻ വാർത്താസമ്മേളത്തിലൂടെ പ്രഖ്യാപിക്കും.  

മു​ഖ്യ​മ​ന്ത്രി പ​ദ​ത്തി​ന് പു​റ​മെ ധ​നം, തു​റ​മു​ഖം, നി​യ​മം എ​ന്നീ വ​കു​പ്പു​ക​ളും വി.​ഡി. സ​തീ​ശ​ൻ നേ​രി​ട്ട് കൈ​കാ​ര്യം ചെ​യ്യും. മുതിർന്ന നേ​താ​വ് ര​മേ​ശ് ചെ​ന്നി​ത്ത​ല ആ​ഭ്യ​ന്ത​രം, വി​ജി​ല​ൻ​സ് വ​കു​പ്പു​ക​ളു​ടെ ചു​മ​ത​ല വഹിക്കും. കെ. ​മു​ര​ളീ​ധ​​ര​ന് വൈ​ദ്യു​തി വ​കു​പ്പി​ന്‍റെ ചു​മ​ത​ല​യാ​ണ് ന​ൽ​കി​യി​രി​ക്കു​ന്ന​ത്. 

പി.​സി. വി​ഷ്ണു​നാ​ഥ്  (ടൂ​റി​സം, സാം​സ്കാ​രി​കം) സ​ണ്ണി ജോ​സ​ഫ് (റ​വ​ന്യൂ) എ.​പി. അ​നി​ൽ​കു​മാ​ർ (ആ​രോ​ഗ്യം) ടി. ​സി​ദ്ധി​ഖ് (വ​നം), ബി​ന്ദു കൃ​ഷ്ണ (വ​നി​ത,ശി​ശു​ക്ഷേ​മം) ഒ.​ജെ. ജ​നീ​ഷ് (യു​വ​ജ​ന​ക്ഷേ​മം) സി.പി. ജോൺ (ഗതാഗതം) എന്നിങ്ങനെയാണ് ആദ്യ ഘട്ടത്തിൽ പുറത്തിറങ്ങിയ മന്ത്രിമാരുടെ വകുപ്പുകൾ. 

നി​ല​വി​ൽ കോ​ൺ​ഗ്ര​സ് ക്യാ​മ്പി​ൽ നി​ന്ന് ഈ ​പേ​രു​ക​ളും വ​കു​പ്പു​ക​ളു​മാ​ണ് പൂ​ർ​ണ​മാ​യും ഉ​റ​പ്പി​ച്ചി​ട്ടു​ള്ള​ത്. ഘ​ട​ക​ക​ക്ഷി​ക​ളു​ടെ മ​ന്ത്രി​മാ​രെ​യും വ​കു​പ്പു​ക​ളെ​യും കു​റി​ച്ചു​ള്ള ഔ​ദ്യോ​ഗി​ക പ്ര​ഖ്യാ​പ​നം അ​ട​ങ്ങു​ന്ന പൂ​ർ​ണമായ പ‌ട്ടിക രാ​ജ്ഭ​വ​ന് കൈ​മാ​റി.   

Tags : UDF V D Satheesan Cabinet Latest News