തു​ട​ർ​ച്ച​യാ​യി ജ​ല​വി​ത​ര​ണം മു​ട​ങ്ങു​ന്നു; വലഞ്ഞ് ജനങ്ങൾ
Monday, April 29, 2024 6:54 AM IST
തി​രു​വ​ന​ന്ത​പു​രം: വേ​ന​ൽ ചൂ​ട് കൂ​ടു​ന്ന​തി​നൊ​ടൊ​പ്പം പൈ​പ്പ് ലൈ​നു​ക​ൾ പൊ​ട്ടു​ന്ന​തും കാ​ര​ണം ന​ഗ​ര​ത്തി​ൽ തു​ട​ർ​ച്ച​യാ​യി ജ​ല​വി​ത​ര​ണം മു​ട​ങ്ങു​ന്നു. ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​ഴി​ഞ്ഞ കു​റ​ച്ചു ദി​വ​സ​മാ​യി കു​ടി​വെ​ള്ളം മു​ട​ങ്ങു​ന്ന സ്ഥി​തി​യാ​ണ്. നാ​ളെവ​രെ ജ​ല​വി​ത​ര​ണം മു​ട​ങ്ങു​മെ​ന്നാ​ണ് ജ​ല അ​ഥോ​റി​റ്റി​യു​ടെ അ​റി​യി​പ്പ്.

അ​രു​വി​ക്ക​ര​യി​ൽനി​ന്ന് മ​ണ്‍​വി​ള​യി​ലേ​ക്കു പോ​കു​ന്ന പൈ​പ്പി​ലെ പൊ​ട്ട​ൽ പ​രി​ഹ​രി​ക്കാ​ൻ ന​ട​ത്തു​ന്ന അ​റ്റ​കു​റ്റ​പ​ണി​യെ തു​ട​ർ​ന്നാ​ണ് ന​ഗ​ര​ത്തി​ൽ ജ​ല​വി​ത​ര​ണം മു​ട​ങ്ങു​ന്ന​ത്. ഈ ​മാ​സം അഞ്ചാം ​ത​വ​ണ​യാ​ണ് ഇ​വി​ടെ അ​റ്റ​കു​റ്റ​പ​ണി ന​ട​ത്തു​ന്ന​ത്.

കാ​ല​പ​ഴ​ക്ക​മു​ള്ള പൈ​പ്പു​ക​ൾ​ക്കു പൊ​ട്ട​ൽ സം​ഭ​വി​ക്കു​ന്ന​താ​ണ് ജ​ല​വി​ത​ര​ണം മു​ട​ങ്ങാ​നു​ള്ള പ്ര​ധാ​ന കാ​ര​ണം. സ്മാ​ർ​ട്ട് റോ​ഡു​ക​ളി​ൽ ഒ​ഴി​കെ മ​റ്റി​ട​ങ്ങ​ളി​ൽ വ​ർ​ഷ​ങ്ങ​ളു​ടെ പ​ഴ​ക്ക​മു​ള്ള പൈ​പ്പു​ക​ളാ​ണ് മ​ണ്ണി​ന​ടി​യി​ൽ കി​ട​ക്കു​ന്ന​ത്. വേ​ന​ൽ​കാ​ല​മാ​യ​തി​നാ​ൽ കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വെ​ള്ള​മെ​ത്തി​ക്കാ​ൻ പ്ര​ഷ​ർ കൂ​ട്ടേ​ണ്ട സാ​ഹ​ച​ര്യ​മു​ണ്ട് ഇ​തു താ​ങ്ങാ​ൻ ക​ഴി​യാ​തെ ന​ഗ​ര​ത്തി​ലെ പ്ര​ധാ​ന പൈ​പ്പ് ലൈ​നു​ക​ൾ ത​ക​രാ​റി​ലാ​കു​ക​യാ​ണ്.

പ​ഴ​യ പൈ​പ്പു​ക​ൾ മാ​റ്റാ​നാ​യി എ​ത്തി​ച്ച പു​തി​യ പൈ​പ്പു​ക​ൾ ജ​ല അ​ഥോ​റി​റ്റി ഓ​ഫീ​സു​ക​ളി​ലും ന​ഗ​ത്തി​ന്‍റെ വി​വി​ധ ഇ​ട​ങ്ങ​ളി​ലും കി​ട​ന്നു ന​ശി​ക്കു​ക​യാ​ണ്. കൂ​ടാ​തെ സ്മാ​ർ​ട്ട് സി​റ്റി പ​ദ്ധ​തി​യു​ടെ ഭാ​ഗ​മാ​യി ന​ട​ക്കു​ന്ന റോ​ഡ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കി​ട​യി​ലും പൈ​പ്പ് ലൈ​നു​ക​ൾ പൊ​ട്ടു​ന്ന​ത് ജ​ല​വി​ത​ര​ണ​ത്തി​നു ത​ട​സ​മാ​കു​ന്നു. എ​ത്ര​യും പെ​ട്ടെന്നു പൈ​പ്പ് ലൈ​നു​ക​ളു​ടെ പ​ണി തീ​ർ​ത്ത് കു​ടി​വെ​ള്ള വി​ത​ര​ണം പു​ന​ർ​സ്ഥാ​പി​ക്കു​മെ​ന്നാ​ണ് അ​ധി​കൃ​ത​രു​ടെ അ​റി​യി​പ്പ്.

Copyright @ 2022 , Rashtra Deepika Ltd.