തെ​ര​ഞ്ഞെ​ടു​പ്പി​ല്‍ ഭി​ന്ന​ശേ​ഷി-വ​യോ​ജ​ന പ​ങ്കാ​ളി​ത്തം: മാ​തൃ​ക​യാ​യി കാ​സ​ര്‍​ഗോ​ഡ്
Tuesday, April 30, 2024 1:18 AM IST
കാ​സ​ര്‍​ഗോ​ഡ്: തെ​ര​ഞ്ഞെ​ടു​പ്പ് പ്ര​ക്രി​യ​യി​ല്‍ ഭി​ന്ന​ശേ​ഷി​ക്കാ​രു​ടെ​യും വ​യോ​ജ​ന​ങ്ങ​ളു​ടെ​യും പ​ങ്കാ​ളി​ത്തം ഉ​റ​പ്പു​വ​രു​ത്തു​ന്ന​തി​ല്‍ ച​രി​ത്രം കു​റി​ച്ച് കാ​സ​ര്‍​ഗോ​ഡ് ജി​ല്ല. ആ​ദ്യ​മാ​യി ഈ ​ലോ​ക്​സ​ഭാ തെ​ര​ഞ്ഞെ​ടു​പ്പില്‍ ആ​വി​ഷ്‌​ക​രി​ച്ച, ച​ല​ന, കാ​ഴ്ച പ​രി​മി​തി നേ​രി​ടു​ന്ന ഭി​ന്ന​ശേ​ഷി​ക്കാ​രെ​യും അ​വ​ശ​രാ​യ വ​യോ​ജ​ന​ങ്ങ​ളെ​യും വോ​ട്ട് ചെ​യ്യു​ന്ന​തി​നാ​യും തി​രി​കെ​യും വാ​ഹ​ന​ത്തി​ല്‍ എ​ത്തി​ക്കു​ന്ന പി​ക്ക് ആ​ന്‍​ഡ് ഡ്രോ​പ്പ് സം​വി​ധാ​നം വി​ജ​യ​ക​ര​മാ​യി ആ​സൂ​ത്ര​ണം ചെ​യ്ത് ജി​ല്ല ശ്ര​ദ്ധേ​യ​മാ​യി.

തെ​ര​ഞ്ഞെ​ടു​പ്പ് പ്ര​ക്രി​യ​യി​ല്‍ ഭി​ന്ന​ശേ​ഷി​ക്കാ​രു​ടെ​യും വ​യോ​ജ​ന​ങ്ങ​ളു​ടെ​യും പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന​തി​ല്‍ നി​ര്‍​ണാ​യ​ക കാ​ല്‍​വ​യ്പു​ക​ളാ​ണ് 2024 ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ തെ​ര​ഞ്ഞെ​ടു​പ്പ് ക​മ്മീ​ഷ​ന്‍ കൈ​ക്കൊ​ണ്ടി​രു​ന്ന​ത്. ഭി​ന്ന​ശേ​ഷി​ക്കാ​രാ​യി വോ​ട്ട​ര്‍ പ​ട്ടി​ക​യി​ല്‍ അ​ട​യാ​ള​പ്പെ​ടു​ത്തി​യ​വ​ര്‍​ക്കും 85 വ​യ​സ് ക​ഴി​ഞ്ഞ​വ​ര്‍​ക്കും വീ​ട്ടി​ലി​രു​ന്ന് വോ​ട്ട് ചെ​യ്യാ​നു​ള്ള ഹോം ​വോ​ട്ടിം​ഗ് സൗ​ക​ര്യ​വും ച​ല​ന, കാ​ഴ്ച പ​രി​മി​തി നേ​രി​ടു​ന്ന ഭി​ന്ന​ശേ​ഷി​ക്കാ​രെ​യും അ​വ​ശ​രാ​യ വ​യോ​ജ​ന​ങ്ങ​ളെ​യും വോ​ട്ട് ചെ​യ്യു​ന്ന​തി​നാ​യും തി​രി​കെ​യും വാ​ഹ​ന​ത്തി​ല്‍ എ​ത്തി​ക്കു​ന്ന പി​ക്ക് ആ​ന്‍​ഡ് ഡ്രോ​പ്പ് സം​വി​ധാ​ന​വു​മാ​ണ് ഇ​തി​ല്‍ പ്ര​ധാ​ന​പ്പെ​ട്ട ര​ണ്ടു പ​ദ്ധ​തി​ക​ള്‍.

ഹോം ​വോ​ട്ടിം​ഗ് രാ​ജ്യ​ത്താ​ക​മാ​നം ഒ​രേ​ത​ര​ത്തി​ലാ​ണ് സം​വി​ധാ​നം ചെ​യ്ത​തെ​ങ്കി​ലും പി​ക്ക് ആ​ൻ​ഡ് ഡ്രോ​പ്പ് സം​വി​ധാ​ന​ത്തി​ന് അ​ത്ത​ര​ത്തി​ല്‍ കൃ​ത്യ​മാ​യ മാ​തൃ​ക നി​ര്‍​ദേ​ശി​ക്ക​പ്പെ​ട്ടി​രു​ന്നി​ല്ല. അ​തി​നാ​ല്‍ത​ന്നെ ഒ​ന്നാം​ഘ​ട്ട വോ​ട്ടെ​ടു​പ്പി​ലും ര​ണ്ടാം​ട്ട വോ​ട്ടെ​ടു​പ്പി​ലും രാ​ജ്യ​ത്തി​ന്‍റെ മി​ക്ക ഭാ​ഗ​ങ്ങ​ളി​ലും വ്യ​ത്യ​സ്ത​മാ​യ രീ​തി​യി​ലാ​ണ് പി​ക്ക് ആ​ന്‍​ഡ് ഡ്രോ​പ്പ് സം​വി​ധാ​നം ന​ട​പ്പി​ലാ​ക്കി​യി​രു​ന്ന​ത്.

ജി​ല്ല​യി​ലെ 38 പ​ഞ്ചാ​യ​ത്തു​ക​ളി​ലും മൂ​ന്നു മു​നി​സി​പ്പാ​ലി​റ്റി​ക​ളി​ലും പാ​ലി​യേ​റ്റീ​വ് കെ​യ​ര്‍ യൂ​ണി​റ്റു​ക​ള്‍ കേ​ന്ദ്രീ​ക​രി​ച്ച് പാ​ലി​യേ​റ്റീ​വ് കെ​യ​ര്‍ ന​ഴ്സു​മാ​രു​ടെ നേ​തൃ​ത്വ​ത്തി​ല്‍ ആ​ശാ​വ​ര്‍​ക്ക​ര്‍​മാ​രെ കോ​ര്‍​ത്തി​ണ​ക്കി​ക്കൊ​ണ്ടാ​ണ് പ​ദ്ധ​തി ന​ട​പ്പി​ലാ​ക്കി​യ​ത്. പാ​ലീ​യേ​റ്റീ​വ് കെ​യ​ര്‍ യൂ​ണി​റ്റു​ക​ളി​ലെ വാ​ഹ​ന​ങ്ങ​ളും അ​പ​ര്യാ​പ്ത​മാ​യ ഇ​ട​ങ്ങ​ളി​ല്‍ ബ​ഡ്സ് സ്‌​കൂ​ളു​ക​ളി​ലെ​യും വാ​ഹ​ങ്ങ​ളാ​ണ് ഇ​തി​നാ​യി സ​ജ്ജീ​ക​രി​ച്ച​ത്.

പി​ക്ക് ആ​ന്‍​ഡ് ഡ്രോ​പ്പ് സം​വി​ധാ​നം ആ​വ​ശ്യ​മാ​യ ഭി​ന്ന​ശേ​ഷി​ക്കാ​രു​ടെ​യും വ​യോ​ജ​ന​ങ്ങ​ളു​ടെ​യും വി​ശ​ദാം​ശ​ങ്ങ​ള്‍ ആ​ശാ​വ​ര്‍​ക്ക​ര്‍​മാ​ര്‍ മു​ഖേ​ന ശേ​ഖ​രി​ക്കു​ക​യും അ​തു​പ്ര​കാ​രം പാ​ലീ​യേ​റ്റീ​വ് കെ​യ​ര്‍ ന​ഴ്സു​മാ​ര്‍ വാ​ഹ​ന​ത്തി​ന്‍റെ സ​മ​യ​പ്പ​ട്ടി​ക മു​ന്‍​കൂ​ട്ടി പു​റ​ത്തി​റ​ക്കു​ക​യും ചെ​യ്തു. വാ​ഹ​നം അ​ത​ത് ബൂ​ത്ത് പ്ര​ദേ​ശ​ത്തി​ന് അ​നു​വ​ദി​ച്ച സ​മ​യ​ത്ത് ആ​ശ​വ​ര്‍​ക്ക​ര്‍​മാ​രു​ടെ സ​ഹാ​യ​ത്തോ​ടെ ഭി​ന്ന​ശേ​ഷി​ക്കാ​രും വ​യോ​ജ​ങ്ങ​ളു​മാ​യ വോ​ട്ട​ര്‍​മാ​രെ വീ​ടു​ക​ളി​ല്‍ നി​ന്നും കൊ​ണ്ടു​പോ​കു​ക​യും വോ​ട്ട് ചെ​യ്ത ശേ​ഷം തി​രി​കെ കൊ​ണ്ടു​വ​രി​ക​യും ചെ​യ്തു.

ഭി​ന്ന​ശേ​ഷി​ക്കാ​രു​ടെ സ​ഹാ​യ​ത്തി​നാ​യി തെ​ര​ഞ്ഞെ​ടു​പ്പ് ക​മ്മീ​ഷ​ന്‍ പു​റ​ത്തി​റ​ക്കി​യ സ​ക്ഷം ആ​പ് വ​ഴി ആ​വ​ശ്യ​പ്പെ​ട്ട​വ​ര്‍​ക്കാ​ണ് പി​ക്ക് ആ​ന്‍​ഡ് ഡ്രോ​പ്പ് സം​വി​ധാ​നം വി​ഭാ​വ​നം ചെ​യ്തി​രു​ന്ന​ത് എ​ങ്കി​ലും അ​ത്ത​ര​ത്തി​ല്‍ പ​രി​മി​ത​പ്പെ​ടു​ത്താ​തെ ഭി​ന്ന​ശേ​ഷി, വ​യോ​ജ​ന വോ​ട്ട​ര്‍​മാ​രോ​ട് ആ​ശാ​വ​ര്‍​ക്ക​ര്‍​മാ​ര്‍ നേ​രി​ട്ട് അ​ന്വേ​ഷി​ച്ച് താ​ത്പ​ര്യം അ​റി​യി​ച്ച എ​ല്ലാ​വ​ര്‍​ക്കും സേ​വ​നം ഉ​റ​പ്പ് വ​രു​ത്തി​യി​ട്ടു​ണ്ട്.

ഇ​ത്ത​ര​ത്തി​ല്‍ താ​ത്പ​ര്യം അ​റി​യി​ച്ച​തും വീ​ട്ടി​ല്‍ സ്വ​ന്ത​മാ​യി വാ​ഹ​നം ഇ​ല്ലാ​ത്ത​തും പ​ര​സ​ഹാ​യം ആ​വ​ശ്യ​മാ​യ​തു​മാ​യ​വ​രി​ല്‍ ശാ​രീ​ക അ​വ​ശ​ത​ക​ളും ആ​രോ​ഗ്യ​പ​ര​മാ​യ കാ​ര​ണ​ങ്ങ​ളും കൊ​ണ്ട് ചി​ല​ര്‍ അ​വ​സാ​ന നി​മി​ഷ​ങ്ങ​ളി​ല്‍ പി​ന്മാ​റി​യെ​ങ്കി​ലും ആ​യി​ര​ത്തോ​ളം വോ​ട്ട​ര്‍​മാ​ര്‍​ക്ക് ജി​ല്ല​യി​ല്‍ ഇ​തി​ന്‍റെ പ്ര​യോ​ജ​നം ല​ഭി​ച്ചു. ജി​ല്ലാ സാ​മൂ​ഹ്യ നീ​തി ഓ​ഫീ​സ​ര്‍ ആ​ര്യ പി. ​രാ​ജി​ന്‍റെ നേ​തൃ​ത്വ​ത്തി​ല്‍ സാ​മൂ​ഹ്യ നീ​തി വ​കു​പ്പി​ലെ ജീ​വ​ന​ക്കാ​രാ​ണ് ജി​ല്ല​യി​ല്‍ പ്ര​വ​ര്‍​ത്ത​ങ്ങ​ള്‍ ഏ​കോ​പി​പ്പി​ച്ച​ത്.

Copyright @ 2022 , Rashtra Deepika Ltd.