ജീ​വ​ന​ക്കാ​ർ യൂ​ണി​യ​ൻ സ​മ്മേ​ള​ന​ത്തി​നു​ പോ​യി; ആ​ല​പ്പു​ഴ ന​ഗ​ര​സ​ഭ​യു​ടെ പ്ര​വ​ർ​ത്ത​നം താ​ളം​തെ​റ്റി
Friday, May 17, 2019 10:33 PM IST
ആ​ല​പ്പു​ഴ: ആ​ല​പ്പു​ഴ ന​ഗ​ര​സ​ഭ​യി​ലെ ഇ​ട​തു​പ​ക്ഷ സം​ഘ​ട​നാ ജീ​വ​ന​ക്കാ​ർ കൂ​ട്ട​ത്തോ​ടെ യൂ​ണി​യ​ൻ സ​മ്മേ​ള​ന​ത്തി​ന് പോ​യ​തോ​ടെ ആ​ല​പ്പു​ഴ ന​ഗ​ര​സ​ഭ​യു​ടെ പ്ര​വ​ർ​ത്ത​നം അ​വ​താ​ള​ത്തി​ലാ​യി. ന​ഗ​ര​സ​ഭ​യി​ലെ ഇ​ട​തു ജീ​വ​ന​ക്കാ​രു​ടെ സം​ഘ​ട​ന​യാ​യ കേ​ര​ള മു​നി​സി​പ്പ​ൽ സ്റ്റാ​ഫ് യൂ​ണി​യ​ൻ(​കെഎം എസ്​യു) ജി​ല്ലാ സ​മ്മേ​ള​ന​ത്തി​നാ​യാ​ണ് ജീ​വ​ന​ക്കാ​ർ പോ​യ​ത്.

ആ​ല​പ്പു​ഴ രാ​മ​വ​ർ​മ ക്ല​ബ്ബിൽ ന​ട​ന്ന സ​മ്മേ​ള​ന​ത്തി​ൽ ആ​ല​പ്പു​ഴ ന​ഗ​ര​സ​ഭ​യി​ൽ​നി​ന്നു മാ​ത്ര​മാ​യി 40ഓ​ളം ജീ​വ​ന​ക്കാ​രാ​ണ് പ​ങ്കെ​ടു​ത്ത​ത്. ജീ​വ​ന​ക്കാ​രു​ടെ അ​ഭാ​വ​ത്തി​ൽ ന​ഗ​ര​സ​ഭ​യു​ടെ പ്ര​വ​ർ​ത്ത​ന​ങ്ങ​ൾ പൂ​ർ​ണ​മാ​യും സ്തം​ഭി​ക്കു​ക​യാ​യി​രു​ന്നു. സ്റ്റോ​ർ ഇ​ന്ന​ലെ പ്ര​വ​ർ​ത്തി​ച്ചി​ല്ല. അ​ക്കൗ​ണ്ട്സ് വി​ഭാ​ഗ​ത്തി​ൽ ര​ണ്ടു ജീ​വ​ന​ക്കാ​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്.

ജ​ന​റ​ൽ വി​ഭാ​ഗ​ത്തി​ൽ മൂ​ന്നും റ​വ​ന്യു​വി​ൽ ആ​കെ​യു​ള്ള മു​പ്പ​തി​ൽ നാ​ലു​പേ​രും മാ​ത്ര​മാ​ണ് ഇ​ന്ന​ലെ എ​ത്തി​യ​ത്. പെ​ൻ​ഷ​ൻ സെ​ഷ​നി​ൽ ആ​രും എ​ത്തി​യി​ല്ല. പി​എം​എ​വൈ​യി​ൽ റെ​ഗു​ല​ർ സ്റ്റാ​ഫ് ഒ​രാ​ൾ എ​ത്തി​യ​പ്പോ​ൾ പ്ര​ള​യം അ​നു​ബ​ന്ധ സെ​ഷ​നും ഹെ​ൽ​ത്ത് സെ​ഷ​നും ജ​ന​ന മ​ര​ണ സെ​ഷ​നും ഉ​ദ്യോ​ഗ​സ്ഥ​രു​ടെ അ​ഭാ​വ​ത്തെ തു​ട​ർ​ന്ന് പ്ര​വ​ർ​ത്ത​നം പൂ​ർ​ണ​മാ​യും ത​ട​സ​പ്പെ​ട്ടു. എ​ൻ​ജി​നി​യ​റിം​ഗി​ലും ജീ​വ​ന​ക്കാ​ർ കു​റ​വാ​യി​രു​ന്നു.

പ​ല സെ​ഷ​നു​ക​ളി​ൽ താ​ത്കാ​ലി​ക ജീ​വ​ന​ക്കാ​ർ എ​ത്തി​യെ​ങ്കി​ലും സ്ഥി​രം ജീ​വ​ന​ക്കാ​രു​ടെ അ​സാ​ന്നി​ധ്യം പ്ര​വ​ർ​ത്ത​ന​ങ്ങ​ളെ ത​ട​സ​പ്പെ​ടു​ത്തി. ജീ​വ​ന​ക്കാ​രു​ടെ അ​വ​ധി വി​വ​രം അ​റി​യാ​തെ ന​ഗ​ര​സ​ഭ​യി​ൽ വി​വി​ധ​ങ്ങ​ളാ​യ ആ​വ​ശ്യ​ങ്ങ​ൾ​ക്ക് എ​ത്തി​യ വ​യോ​ധി​ക​ർ ഉ​ൾ​പ്പെ​ടെ​യു​ള്ള​വ​ർ ഇ​തു​മൂ​ലം ദു​രി​ത​ത്തി​ലാ​യി. ഓ​ഫീ​സ് നി​ശ്ച​ല​മാ​ക്കി പോ​കാ​ൻ പാ​ടി​ല്ലെ​ന്ന സ​ർ​ക്കാ​ർ നി​ർ​ദേ​ശം കാ​റ്റി​ൽ പ​റ​ത്തി​യാ​യി​രു​ന്നു ജീ​വ​ന​ക്കാ​രു​ടെ സ​മ്മേ​ള​ന​ത്തി​നാ​യു​ള്ള കൂ​ട്ട​അ​വ​ധി.