പ​ണി​മു​ട​ക്ക് ദി​വ​സ​ത്തി​ല്‍ കൂ​ടു​ത​ൽ വോ​ട്ട​ര്‍​മാ​രെ നേ​രി​ല്‍ ക​ണ്ട് സ്ഥാ​നാ​ര്‍​ഥി​ക​ള്‍.
Friday, November 27, 2020 12:37 AM IST
കൊ​ച്ചി: പ​ണി​മു​ട​ക്ക് ദി​വ​സ​ത്തി​ല്‍ പ​തി​വി​ലും കൂ​ടു​ത​ൽ വോ​ട്ട​ര്‍​മാ​രെ നേ​രി​ല്‍ ക​ണ്ട് സ്ഥാ​നാ​ര്‍​ഥി​ക​ള്‍. ചു​രു​ങ്ങി​യ ദി​വ​സ​ത്തെ പ്ര​ചാ​ര​ണ പ​രി​പാ​ടി​ക​ള്‍​ക്കി​ടെ സ്ഥാ​നാ​ര്‍​ഥി​ക​ള്‍​ക്ക് ഒരു വീട്ടിലെ കു​ടും​ബാം​ഗ​ങ്ങ​ളെ മു​ഴു​വ​ന്‍ ഒ​രു​മി​ച്ച് കാ​ണാ​ന്‍ സാ​ധി​ക്കു​ന്ന​ത് അ​പൂ​ര്‍​വ​മാ​ണ്. അ​പ്ര​തീ​ക്ഷി​ത​മ​യി വീ​ണു​കി​ട്ടി​യ പ​ണി​മു​ട​ക്ക് ഓ​രോ സ്ഥാ​നാ​ര്‍​ഥി​ക​ളും ഇ​ന്ന​ലെ ഏ​റെ പ്ര​യോ​ജ​ന​പ്പെ​ടു​ത്തി. ഭൂ​രി​ഭാ​ഗം സ്ഥാ​നാ​ര്‍​ഥി​ക​ളും അ​ച്ച​ടി​ച്ച അ​ഭ്യ​ര്‍​ഥ​ന​യു​മാ​യി ഭ​വ​ന​സ​ന്ദ​ര്‍​ശ​ന​ത്തി​ന്‍റെ തി​ര​ക്കി​ലാ​യി​രു​ന്നു.
പൂ​ര്‍​ണ​മാ​യും കോ​വി​ഡ് പ്രോ​ട്ടോ​ക്കോ​ള്‍ പാ​ലി​ച്ചാ​യി​രു​ന്നു ന​ഗ​ര​ത്തി​നു​ള്ളി​ലും പു​റ​ത്തും സ്ഥാ​നാ​ര്‍​ഥി പ​ര്യ​ട​നം. ഹ​സ്ത​ദാ​നം ഒ​ഴി​വാ​ക്കി​യും പ​ര​മാ​വ​ധി അ​ക​ലും പാ​ലി​ച്ചു​മാ​ണ് സ്ഥാ​നാ​ര്‍​ഥി​ക​ള്‍ വോ​ട്ട​ര്‍​മാ​രോ​ട് ഇ​ട​പ​ഴ​കു​ന്ന​ത്.
പ്ര​ചാ​ര​ണ പ്ര​വ​ര്‍​ത്ത​ന​ങ്ങ​ളു​ടെ ഭാ​ഗ​മാ​യി ചി​ഹ്നം അ​ട​ങ്ങി​യ മാ​സ്‌​കു​ക​ളും സ്ഥാ​നാ​ഥി​യു​ടെ മു​ഖം പ​തി​ച്ച ടീ ​ഷ​ര്‍​ട്ടു​ക​ളും ധ​രി​ച്ചും വോ​ട്ട് അ​ഭ്യ​ര്‍​ഥ​ന ന​ട​ന്നു. കോ​വി​ഡ് പ​ശ്ചാ​ത്ത​ല​ത്തി​ല്‍ വീ​ടു​ക​ളു​ടെ അ​ക​ത്തു ക​യ​റി​യു​ള്ള വോ​ട്ടു​പി​ടിത്തം വേ​ണ്ടെ​ന്നു രാ​ഷ്ട്രീ​യ പാ​ര്‍​ട്ടി​ക​ള്‍ സ്ഥാ​നാ​ര്‍​ഥി​ക​ള്‍​ക്കു നി​ര്‍​ദേ​ശം ന​ല്‍​കി​യി​ട്ടു​ണ്ട്. ഇ​തേ​ത്തു​ട​ര്‍​ന്ന് ചെ​റു സം​ഘ​ങ്ങ​ളാ​യെ​ത്തു​ന്ന പ്ര​ചാ​ര​ക​ർ വീ​ടു​ക​ളു​ടെ മു​റ്റ​ത്തു നി​ന്നാ​ണ് സം​സാ​രി​ക്കു​ന്ന​ത്.
ഇ​തി​ല്‍ത​ന്നെ പ​ല​യി​ട​ത്തും സ്ഥാ​നാ​ര്‍​ഥി മാ​ത്ര​മാ​ണ് വീ​ട്ടു​വ​ള​പ്പി​ല്‍ പ്ര​വേ​ശി​ക്കു​ന്ന​ത് ബാ​ക്കി​യു​ള്ള​വ​ര്‍ പു​റ​ത്ത് കാ​ത്തു നി​ല്‍​ക്കു​ക​യാ​ണ് ചെ​യ്യു​ന്ന​ത്. ഒ​ന്നി​ല​ധി​കം ത​വ​ണ ഭ​വ​നം സ​ന്ദ​ര്‍​ശ​നം വേ​ണ്ടെ​ന്നു രാ​ഷ്ട്രീ​യ പാ​ര്‍​ട്ടി​ക​ള്‍ നേ​ര​ത്തെത​ന്നെ തീ​രു​മാ​​നി​ച്ചി​ട്ടു​ണ്ട്.
രോ​ഗ​വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ല്‍ സ​മൂ​ഹ​മാ​ധ്യ​മ​ങ്ങ​ള്‍ വ​ഴി​യാ​ണ് കൂ​ടു​ത​ലാ​യും പ്ര​ചാ​ര​ണം ന​ട​ക്കു​ന്ന​ത്. അ​തി​നി​ടെ വ​രും ദി​വ​സ​ങ്ങ​ളി​ല്‍ അ​വ​സാ​ന​ഘ​ട്ട വോ​ട്ട് ഉ​റ​പ്പി​ക്കു​ന്ന​തി​ന്‍റെ ഭാ​ഗ​മാ​യി സ്ഥാ​നാ​ര്‍​ഥി​ക​ള്‍ ഒ​റ്റ​യ്ക്ക് വീ​ടു​ക​ള്‍ സ​ന്ദ​ര്‍​ശി​ക്കു​ന്ന​ത് സം​ബ​ന്ധി​ച്ചും രാ​ഷ്ട്രീ​യ പാ​ര്‍​ട്ടി​ക​ള്‍ ആ​ലോ​ചി​ക്കു​ന്നു​ണ്ട്.
ക​ണ്‍​വ​ന്‍​ഷ​നു​ക​ള്‍ ഒ​ന്നി​ച്ച് ന​ട​ത്തു​ന്ന​തി​നും ഒ​ന്നി​ല​ധി​കം വാ​ര്‍​ഡു​ക​ള്‍ ഉ​ൾ​പ്പെ​ടു​ത്തി മൈ​ക്ക് അ​നൗ​ണ്‍​സ്‌​മെ​ന്‍റി​നും മു​ന്ന​ണി​ക​ള്‍ പ​ദ്ധ​തി​യി​ടു​ന്നു.


Copyright @ 2021 , Rashtra Deepika Ltd.