ക​നാ​ലി​ൽ നി​ന്നു​ള്ള കു​ടി​വെ​ള്ള പ​ദ്ധ​തി ഉ​പേ​ക്ഷി​ച്ചു; ​പാ​ഴാ​യ​ത് 3 കോ​ടി രൂ​പ
Tuesday, March 19, 2019 11:04 PM IST
ശാ​സ്താം​കോ​ട്ട: ത​ടാ​ക​ത്തി​ലെ ജ​ല​നി​ര​പ്പ് കു​റ​ഞ്ഞ് വി​വി​ധ കു​ടി​വെ​ള്ള പ​ദ്ധ​തി​ക​ളി​ലേ​ക്കു​ള്ള ജ​ല​വി​ത​ര​ണം മു​ട​ങ്ങി​യ​തി​നെ തു​ട​ർ​ന്ന് ബ​ദ​ൽ സം​വി​ധാ​നം എ​ന്ന നി​ല​യി​ൽ ആ​രം​ഭി​ച്ച ക​നാ​ലി​ൽ നി​ന്നു​ള്ള കു​ടി​വെ​ള്ള പ​ദ്ധ​തി ഉ​പേ​ക്ഷി​ച്ചു.

ഇ​തോ​ടെ ഇ​തി​ന് വേ​ണ്ടി ചെ​ല​വ​ഴി​ച്ച 3 കോ​ടി​യോ​ളം രൂ​പ പാ​ഴാ​യി. ക​നാ​ലി​ൽ നി​ന്നു​ള്ള വെ​ള്ള​ത്തെ ആ​ശ്ര​യി​ക്കാ​തെ ത​ടാ​ക​ത്തി​ൽ നി​ന്ന് പ​മ്പ് ചെ​യ്യാ​ൻ വെ​ള്ളം ഉ​ള്ള​തി​നാ​ലാ​ണ് ഈ ​വ​ർ​ഷം പ​ദ്ധ​തി പ്ര​യോ​ജ​ന​പ്പെ​ടു​ത്താ​ത്ത​തെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.

മൂ​ന്ന് വ​ർ​ഷം മു​മ്പാ​ണ് ക​നാ​ലി​ൽ നി​ന്നു​ള്ള കു​ടി​വെ​ള്ള വി​ത​ര​ണ പ​ദ്ധ​തി ആ​രം​ഭി​ക്കു​ന്ന​ത്.​ശാ​സ്താം​കോ​ട്ട ത​ടാ​ക​ത്തി​ലെ ജ​ല​നി​ര​പ്പ് ക്ര​മാ​തീ​ത​മാ​യി കു​റ​യു​ക​യും കൊ​ല്ലം, ച​വ​റ-​പ​ന്മ​ന കു​ടി​വെ​ള്ള പ​ദ്ധ​തി​ക​ളി​ലേ​ക്കും പ്രാ​ദേ​ശി​ക കു​ടി​വെ​ള്ള പ​ദ്ധ​തി​ക​ളി​ലേ​ക്കും ഉ​ള്ള ജ​ല​വി​ത​ര​ണം നി​ശ്ച​ല​മാ​കു​മെ​ന്ന സാ​ഹ​ച​ര്യ​ത്തി​ലാ​ണ് ക​നാ​ലി​ൽ നി​ന്നു​ള്ള കു​ടി​വെ​ള്ള പ​ദ്ധ​തി ആ​രം​ഭി​ക്കു​ന്ന​ത്.​

വേ​ന​ൽ​ക്കാ​ല​ത്ത് കെ.​ഐ.​പി.​യു​ടെ ക​നാ​ലി​ൽ കൂ​ടി ജ​ലം ക​ട​ത്തി​വി​ടു​ക​യും കെ.​എ​സ്.​ഇ.​ബി ഓ​ഫീ​സി​ന് സ​മീ​പം ക​നാ​ലി​ൽ ത​ട​യ​ണ കെ​ട്ടി ഇ​വി​ടെ മോ​ട്ടോ​ർ സ്ഥാ​പി​ച്ച് വെ​ള്ളം പ​മ്പ് ചെ​യ്ത് ഫി​ൽ​ട്ട​ർ ഹൗ​സി​ൽ എ​ത്തി​ച്ച് ശു​ദ്ധീ​ക​രി​ച്ച് ത​ടാ​ക​ത്തി​ൽ നി​ന്നു​ള്ള ജ​ല​ത്തോ​ടൊ​പ്പം വി​ത​ര​ണം ചെ​യ്യു​ന്ന​താ​യി​രു​ന്നു പ​ദ്ധ​തി.​എ​ന്നാ​ൽ ക​നാ​ലി​ൽ നി​ന്നു​ള്ള വെ​ള്ളം കു​ടി​വെ​ള്ള​മാ​ക്കു​ന്ന​തി​നെ​തി​രെ പ​ദ്ധ​തി​യു​ടെ തു​ട​ക്ക​ത്തി​ൽ ത​ന്നെ പ്ര​തി​ഷേ​ധം ഉ​യ​ർ​ന്നി​രു​ന്നു.

മാ​ലി​ന്യ നി​ക്ഷേ​പ കേ​ന്ദ്ര​ങ്ങ​ളാ​യ ക​നാ​ലി​ൽ കൂ​ടി കി​ലോ​മീ​റ്റ​റു​ക​ളോ​ളം സ​ഞ്ച​രി​ച്ചെ​ത്തു​ന്ന വെ​ള്ളം മ​ലി​ന​വും നി​ര​വ​ധി ആ​രോ​ഗ്യ പ്ര​ശ​്ന​ങ്ങ​ൾ​ക്ക് കാ​ര​ണ​വും ആ​കു​മെ​ന്ന ആ​ശ​ങ്ക​യു​ടെ അ​ടി​സ്ഥാ​ന​ത്തി​ലാ​യി​രു​ന്നു ഇ​ത്. എ​ന്നാ​ൽ പ്ര​തി​ഷേ​ധ​ങ്ങ​ളെ വ​ക​വെ​യ്ക്കാ​തെ അ​ധി​കൃ​ത​ർ പ​ദ്ധ​തി​യു​മാ​യി മു​ന്നോ​ട്ട് നീ​ങ്ങു​ക​യാ​യി​രു​ന്നു.​ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പ് സ​മ​യ​ത്താ​യ​തി​നാ​ൽ പ​ദ്ധ​തി ന​ട​ത്തി​പ്പി​ന് പി​ന്നി​ൽ രാ​ഷ്ട്രീ​യ താ​ൽ​പ്പ​ര്യ​ങ്ങ​ളു​മു​ണ്ടാ​യി​രു​ന്നു.

പ​ദ്ധ​തി​ക്ക് വേ​ണ്ടി മോ​ട്ടോ​റു​ക​ൾ സ്ഥാ​പി​ക്കു​ന്ന​തി​നും​ക​നാ​ലി​ൽ നി​ന്ന് ഫി​ൽ​ട്ട​ർ ഹൗ ​സി​ലേ​ക്ക് പൈ​പ്പു ക​ൾ സ്ഥാ​പി​ക്കു​ന്ന​തി​നും ഉ​ൾ​പ്പെ​ടെ 3 കോ​ടി രൂ​പ​യോ​ളം രൂ​പ ചെ​ല​വ​ഴി​ച്ച​ങ്കി​ലും പൊ​ട്ടി​പ്പൊ​ളി​ഞ്ഞ ക​നാ​ലി​ലൂ​ടെ വെ​ള്ളം ക​ട​ത്തി​വി​ട്ട​തോ​ടെ നി​ര​വ​ധി സ്ഥ​ല​ങ്ങ​ളി​ൽ വീ​ടു​ക​ളി​ലേ​ക്ക് അ​ട​ക്കം വെ​ള്ളം ക​യ​റി​യ​തും പ​ദ്ധ​തി​യോ​ടു​ള്ള പ്ര​തി​ഷേ​ധ​ത്തി​ന് കാ​ര​ണ​മാ​യി​രു​ന്നു. ഫ​ല​ത്തി​ൽ പ്ര​യോ​ജ​നം ഇ​ല്ലാ​തി​രു​ന്ന പ​ദ്ധ​തി ഈ ​വ​ർ​ഷം പൂ​ർ​ണ്ണ​മാ​യും ഉ​പേ​ക്ഷി​ച്ചി​രി​ക്കു​ക​യാ​ണ്.