18

മും​ബൈ: ഭാ​ര്യ​യെ കൊ​ല​പ്പെ​ടു​ത്തി​യ ശേ​ഷം മൃ​ത​ദേ​ഹം വീ​ട്ടി​ൽ സൂ​ക്ഷി​ച്ച പ്ര​തി​യെ പോ​ലീ​സ് അ​റ​സ്റ്റ് ചെ​യ്തു. മും​ബൈ​യി​ലെ മാ​ൽ​വാ​നി​യി​ൽ ന​ട​ന്ന സം​ഭ​വ​ത്തി​ൽ പ​ശ്ചി​മ ബം​ഗാ​ൾ സ്വ​ദേ​ശി​നി സെ​ലി​മ ഖാ​ത്തൂ​ൻ (33) ആ​ണ് കൊ​ല്ല​പ്പെ​ട്ട​ത്.

സം​ഭ​വ​ത്തി​നു​ശേ​ഷം ഒ​ളി​വി​ൽ​പ്പോ​യ ഇ​വ​രു​ടെ ഭ​ർ​ത്താ​വ് ഷം​സു​ദ്ദീ​ൻ അ​ബ്ദു​ൽ മ​ത്തീ​നെ ഒ​ഡീ​ഷ​യി​ൽ നി​ന്ന് മും​ബൈ പോ​ലീ​സ് അ​റ​സ്റ്റ് ചെ​യ്തു. മേ​യ് 18നാ​ണ് സെ​ലി​മ​യെ അ​യ​ൽ​വാ​സി​ക​ൾ അ​വ​സാ​ന​മാ​യി ​ക​ണ്ട​ത്. അ​തി​നു​ശേ​ഷം ഇ​വ​രു​ടെ വീ​ട് പു​റ​ത്തു​നി​ന്ന് പൂ​ട്ടി​യ നി​ല​യി​ലാ​യി​രു​ന്നു.

ക​ഴി​ഞ്ഞ 22 ന് ​വീ​ടി​നു​ള്ളി​ൽ നി​ന്ന് ക​ടു​ത്ത ദു​ർ​ഗ​ന്ധം വ​മി​ക്കാ​ൻ തു​ട​ങ്ങി. ഇ​തോ​ടെ സം​ശ​യം തോ​ന്നി​യ അ​യ​ൽ​വാ​സി​ക​ൾ ഫോ​ണി​ൽ ബ​ന്ധ​പ്പെ​ട്ട​പ്പോ​ൾ വീ​ട്ടി​ൽ എ​ലി ച​ത്തു കി​ട​ക്കു​ന്നു​ണ്ടെ​ന്ന് ഷം​സു​ദ്ദീ​ൻ പ​റ​ഞ്ഞു. ദു​ർ​ഗ​ന്ധം അ​സ​ഹ​നീ​യ​മാ​യ​തി​നെ തു​ട​ർ​ന്ന് അ​യ​ൽ​വാ​സി​ക​ൾ മാ​ൽ​വാ​നി പോ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് പോ​ലീ​സ് സ്ഥ​ല​ത്തെ​ത്തി പൂ​ട്ട് പൊ​ളി​ച്ച് അ​ക​ത്തു ക​ട​ന്ന് പ​രി​ശോ​ധി​ച്ച​പ്പോ​ഴാ​ണ് സെ​ലി​മ​യു​ടെ ജീ​ർ​ണി​ച്ച മൃ​ത​ദേ​ഹം ക​ണ്ടെ​ത്തി​യ​ത്. ഭാ​ര്യ​യെ വ​ക​വ​രു​ത്തി​യ ശേ​ഷം ഷം​സു​ദ്ദീ​ൻ സം​സ്ഥാ​നം വി​ട്ട​താ​യി പോ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​യാ​ൾ ഒ​ഡീ​ഷ​യി​ലു​ണ്ടെ​ന്ന് ക​ണ്ടെ​ത്തി​യ​ത്.

Tags : murder arrest mumbai