18

ഗു​വാ​ഹ​ത്തി: വോ​ട്ടിം​ഗ് മെ​ഷീ​നു​ക​ൾ സൂ​ക്ഷി​ച്ചി​രി​ക്കു​ന്ന സ്ട്രോം​ഗ് റൂ​മു​ക​ളു​ടെ സു​ര​ക്ഷാ ക്ര​മീ​ക​ര​ണ​ങ്ങ​ളി​ൽ പൂ​ർ​ണ തൃ​പ്തി രേ​ഖ​പ്പെ​ടു​ത്തി ആസാം മുഖ്യ തെരഞ്ഞെടുപ്പ് ഓ​ഫീ​സ​ർ അ​നു​രാ​ഗ് ഗോ​യ​ൽ. സ്ട്രോം​ഗ് റൂ​മു​ക​ളു​ടെ സു​ര​ക്ഷ​യെ സം​ബ​ന്ധി​ച്ച് ചി​ല കോ​ണു​ക​ളി​ൽ നി​ന്ന് ഉ​യ​ർ​ന്ന ആ​ശ​ങ്ക​ക​ൾ​ക്ക് അ​ടി​സ്ഥാ​ന​മി​ല്ലെ​ന്നും ക​ർ​ശ​ന​മാ​യ പ്രോ​ട്ടോ​ക്കോ​ൾ ആ​ണ് സം​സ്ഥാ​ന​ത്തു​ട​നീ​ളം പാ​ലി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.

സ്ട്രോം​ഗ് റൂ​മു​ക​ൾ​ക്ക് ചു​റ്റും കേ​ന്ദ്ര സേ​ന​യു​ടെ​യും പോ​ലീ​സി​ന്‍റെ​യും നേ​തൃ​ത്വ​ത്തി​ൽ ക​ന​ത്ത സു​ര​ക്ഷാ വ​ല​യ​മാ​ണ് തീ​ർ​ത്തി​രി​ക്കു​ന്ന​ത്. സ്ട്രോം​ഗ് റൂ​മു​ക​ളു​ടെ പ​രി​സ​രം മു​ഴു​വ​ൻ 24 മ​ണി​ക്കൂ​റും സി​സി​ടി​വി നി​രീ​ക്ഷ​ണ​ത്തി​ലാ​ണ്. തി​രി​ച്ച​റി​യ​ൽ രേ​ഖ​യും കൃ​ത്യ​മാ​യ ര​ജി​സ്ട്രേ​ഷ​നും ഇ​ല്ലാ​തെ ഉ​ദ്യോ​ഗ​സ്ഥ​ർ​ക്ക് പോ​ലും സ്ട്രോം​ഗ് റൂം ​പ​രി​സ​ര​ത്തേ​ക്ക് പ്ര​വേ​ശ​ന​മി​ല്ല.

മ​ത്സ​രി​ക്കു​ന്ന സ്ഥാ​നാ​ർ​ത്ഥി​ക​ൾ​ക്കും അ​വ​രു​ടെ ഏ​ജ​ന്‍റു​മാ​ർ​ക്കും സ്ട്രോം​ഗ് റൂ​മു​ക​ളു​ടെ സു​ര​ക്ഷ നേ​രി​ട്ട് പ​രി​ശോ​ധി​ക്കാ​ൻ അ​നു​വാ​ദ​മു​ണ്ടെ​ന്ന് അ​നു​രാ​ഗ് ഗോ​യ​ൽ അ​റി​യി​ച്ചു. സ്ഥാ​നാ​ർ​ത്ഥി​ക​ൾ​ക്കോ പ്ര​തി​നി​ധി​ക​ൾ​ക്കോ സി​സി​ടി​വി മോ​ണി​റ്റ​റിം​ഗ് സോ​ൺ വ​രെ പോ​കാം. ഒ​രേ​സ​മ​യം മൂ​ന്ന് മു​ത​ൽ അ​ഞ്ച് പേ​ർ​ക്ക് വ​രെ മാ​ത്ര​മേ ഈ ​മേ​ഖ​ല​യി​ലേ​ക്ക് പ്ര​വേ​ശ​നം അ​നു​വ​ദി​ക്കൂ. സ്ട്രോം​ഗ് റൂ​മി​ന്‍റെ വാ​തി​ലി​ന് അ​ടു​ത്തേ​ക്ക് ആ​ർ​ക്കും പ്ര​വേ​ശ​നം അ​നു​വ​ദി​ക്കി​ല്ല. വോ​ട്ടെ​ണ്ണ​ൽ ദി​നം വ​രെ ഇ​തേ സു​ര​ക്ഷാ ക്ര​മീ​ക​ര​ണ​ങ്ങ​ൾ തു​ട​രു​മെ​ന്നും തെ​ര​ഞ്ഞെ​ടു​പ്പ് ക​മ്മീ​ഷ​ൻ അ​റി​യി​ച്ചു.

Tags : Assam Chief Electoral officer Strong room Secuirty