9/11 ഭീ​ക​രാ​ക്ര​മ​ണ​ത്തി​ന് ഇ​ന്ന് 23 വ​ർ​ഷം
Wednesday, September 11, 2024 10:17 AM IST
ന്യൂ​യോ​ർ​ക്ക്: അ​മേ​രി​ക്ക​യെ​യും ലോ​ക​ത്തെ​യും ന​ടു​ക്കി​യ 9/11 ഭീ​ക​രാ​ക്ര​മ​ണ​ത്തി​ന് ഇ​ന്ന് 23 വ​യ​സ്. 2001 സെ​പ്റ്റം​ബ​ർ 11ന് ​അ​മേ​രി​ക്ക​യ്‌​ക്കെ​തി​രേ അ​ൽ​ക്വ​യ്ദ ഭീ​ക​ര​ർ ന​ട​ത്തി​യ നാ​ല് ഏ​കോ​പി​ത ഭീ​ക​രാ​ക്ര​മ​ണ​ങ്ങ​ളാ​ണ് 9/11 എ​ന്ന​റി​യ​പ്പെ​ടു​ന്ന​ത്.

19 ഭീ​ക​ര​ർ സം​ഘ​ങ്ങ​ളാ​യി തി​രി​ഞ്ഞ് നാ​ല് അ​മേ​രി​ക്ക​ൻ യാ​ത്രാ​വി​മാ​ന​ങ്ങ​ൾ റാ​ഞ്ചി​യാ​യി​രു​ന്നു ലോ​ക​ത്തെ ഞെ​ട്ടി​ച്ച ഭീ​ക​രാ​ക്ര​മ​ണം ന​ട​ത്തി​യ​ത്. റാ​ഞ്ചി​യ ര​ണ്ടു വി​മാ​ന​ങ്ങ​ളു​മാ​യി ഭീ​ക​ര​ർ അ​മേ​രി​ക്ക​ൻ സ​മ്പ​ന്ന​ത​യു​ടെ പ്ര​തീ​ക​മാ​യി ത​ല​യു​യ​ർ​ത്തി നി​ന്ന ന്യൂ​യോ​ർ​ക്ക്‌ ന​ഗ​ര​ത്തി​ലെ മാ​ൻ​ഹ​ട്ട​നി​ലു​ള്ള ലോ​ക​വ്യാ​പാ​ര കേ​ന്ദ്ര​ത്തി​ന്‍റെ ഏ​റ്റ​വും പൊ​ക്കം​കൂ​ടി​യ ര​ണ്ടു ട​വ​റു​ക​ളി​ലേ​ക്ക് ഇ​ടി​ച്ചു​ക​യ​റ്റി നി​ശേ​ഷം ത​ക​ർ​ത്തു.

ഇ​തേ​സ​മ​യം ത​ന്നെ റാ​ഞ്ചി​യെ​ടു​ത്ത മൂ​ന്നാ​മ​ത്തെ വി​മാ​നം വി​ർ​ജീ​നി​യ​യി​ലു​ള്ള പെ​ന്‍റ​ഗ​ൺ ആ​സ്ഥാ​ന മ​ന്ദി​ര​ത്തി​ലേ​ക്ക്‌ ഇ​ടി​ച്ചി​റ​ക്കി. നാ​ലാ​മ​തൊ​രു വി​മാ​നം റാ​ഞ്ചി​യി​രു​ന്നെ​ങ്കി​ലും യാ​ത്ര​ക്കാ​രു​ടെ ചെ​റു​ത്തു​നി​ൽ​പ്പി​നെ​ത്തു​ട​ർ​ന്ന് പെ​ൻ​സി​ൽ​വ​നി​യ​യി​ലെ സോ​മ​ർ​സെ​റ്റ്‌ കൗ​ണ്ടി​യി​ലു​ള്ള ഒ​രു പാ​ട​ശേ​ഖ​ര​ത്തി​ൽ ത​ക​ർ​ന്നു​വീ​ണു.

സം​ഭ​വ​ത്തി​നു പി​ന്നാ​ലെ ആ​ഗോ​ള ഭീ​ക​ര​ത​യ്ക്കെ​തി​രേ യു​ദ്ധം പ്ര​ഖ്യാ​പി​ച്ച അ​മേ​രി​ക്ക ഭീ​ക​ര​രു​ടെ അ​ഫ്ഗാ​നി​സ്ഥാ​നി​ലെ​യും സി​റി​യ​യി​ലെ​യും മ​റ്റ് ഗ​ൾ​ഫ് രാ​ജ്യ​ങ്ങ​ളി​ലെ​യും താ​വ​ള​ങ്ങ​ൾ ത​ക​ർ​ത്തു. അ​ൽ​ക്വ​യ്ദ ഭീ​ക​ര​സം​ഘ​ട​ന​യെ ഏ​റെ​ക്കു​റെ ത​ക​ർ​ത്ത അ​മേ​രി​ക്ക അ​തി​ന്‍റെ ത​ല​വ​ൻ ഒ​സാ​മ ബി​ൻ ലാ​ദ​നെ​യും മി​ക്ക നേ​താ​ക്ക​ളെ​യും പി​ന്നീ​ട് വ​ക​വ​രു​ത്തി.

ഭീ​ക​ര​ത​യു​ടെ പു​തി​യ രൂ​പ​മാ​യി വ​ന്ന ഐ​എ​സി​നെ​യും അ​മേ​രി​ക്ക​യു​ടെ നേ​തൃ​ത്വ​ത്തി​ലു​ള്ള സ​ഖ്യ​ക​ക്ഷി​ക​ൾ ഇ​ല്ലാ​താ​ക്കി. ഇ​ന്നും ഭീ​ക​ര​ത​യ്ക്കെ​തി​രേ ശ​ക്ത​മാ​യ നി​ല​പാ​ടാ​ണ് അ​മേ​രി​ക്ക​യും സ​ഖ്യ​ക​ക്ഷി​ക​ളും സ്വീ​ക​രി​ച്ചു​വ​രു​ന്ന​ത്.


9/11 ഭീ​ക​രാ​ക്ര​മ​ണം വി​ത​ച്ച നാ​ശ​ന​ഷ്‌​ട​ക്ക​ണ​ക്കു​ക​ളെ​ക്കു​റി​ച്ച് ഇ​ന്നും അ​വ്യ​ക്ത​ത​യു​ണ്ട്‌. ഏ​താ​യാ​ലും ആ​കെ 2985 പേ​ർ (വി​മാ​ന​യാ​ത്ര​ക്കാ​ർ 265, ലോ​ക​വ്യാ​പാ​ര​കേ​ന്ദ്ര​ത്തി​ലെ 2595 പേ​ർ, ഇ​തി​ൽ 343 പേ​ർ അ​ഗ്‌​നി​ര​ക്ഷാ സേ​നാം​ഗ​ങ്ങ​ളാ​ണ്, പെ​ന്‍റ​ഗ​ണി​ലെ 125 പേ​ർ) കൊ​ല്ല​പ്പെ​ട്ടു​വെ​ന്നാ​ണ് ഔ​ദ്യോ​ഗി​ക ക​ണ​ക്ക്‌.

110 നി​ല​ക​ളു​ള്ള ഇ​ര​ട്ട സ​മു​ച്ച​യ​ങ്ങ​ൾ​ക്കു​പു​റ​മേ, ലോ​ക​വ്യാ​പാ​ര​കേ​ന്ദ്ര​ത്തി​ലെ അ​ഞ്ചു കെ​ട്ടി​ട​ങ്ങ​ൾ​ക്കു​കൂ​ടി കേ​ടു​പാ​ടു​ക​ൾ പ​റ്റി​യി​രു​ന്നു. ഇ​തു​കൂ​ടാ​തെ, മാ​ൻ​ഹ​ട്ട​ൻ ദ്വീ​പി​ലെ ഇ​രു​പ​ത്ത​ഞ്ചോ​ളം കെ​ട്ടി​ട​ങ്ങ​ൾ​ക്കും നാ​ലു‌ ഭൂ​ഗ​ർ​ഭ സ്റ്റേ​ഷ​നു​ക​ൾ​ക്കും ക​ന​ത്ത നാ​ശ​ന​ഷ്‌​ട​മു​ണ്ടാ​യി. വാ​ർ​ത്താ​വി​നി​മ​യ സം​വി​ധാ​ന​ങ്ങ​ൾ അ​പ്പാ​ടെ ത​ക​ർ​ന്നു.

പെ​ന്‍റ​ഗ​ൺ ആ​സ്ഥാ​ന​മ​ന്ദി​ര​ത്തി​ന്‍റെ ഒ​രു ഭാ​ഗം പൂ​ർ​ണ​മാ​യി ത​ക​ർ​ന്നു. ലോ​ക​വ്യാ​പാ​ര കേ​ന്ദ്ര സ​മു​ച്ച​യ​ത്തി​ലു​ണ്ടാ​യ മ​ര​ണ​ങ്ങ​ൾ ദ​യ​നീ​യ​മാ​യി​രു​ന്നു. ആ​ക്ര​മ​ണ​മു​ണ്ടാ​യ ഉ​ട​ൻ ഒ​ട്ടേ​റെ​പ്പേ​ർ പ്രാ​ണ​ര​ക്ഷാ​ർ​ഥം ഏ​റ്റ​വും മു​ക​ളി​ല​ത്തെ നി​ല​യി​ലേ​ക്ക്‌ ഓ​ടി​ക്ക​യ​റി.

ത​ങ്ങ​ളെ ര​ക്ഷി​ക്കാ​ൻ ഹെ​ലി​കോ​പ്റ്റ​റു​ക​ൾ വ​രു​മെ​ന്ന പ്ര​തീ​ക്ഷ​യി​ലാ​യി​രു​ന്നി​രി​ക്ക​ണം ഇ​ത്‌. എ​ന്നാ​ൽ മി​ക്ക​വ​രും മു​ക​ളി​ല​ത്തെ നി​ല​യി​ൽ കു​ടു​ങ്ങി. ഒ​ടു​വി​ൽ അ​വ​സാ​ന ശ്ര​മ​മെ​ന്ന നി​ല​യി​ൽ താ​ഴേ​ക്കു ചാ​ടി. ഇ​രു​നൂ​റോ​ളം പേ​ർ ഇ​ങ്ങ​നെ താ​ഴേ​ക്കു ചാ​ടി മ​രി​ച്ചു.

അ​സോ​സി​യേ​റ്റ​ഡ്‌ പ്ര​സ്‌ റി​പ്പോ​ർ​ട്ടു​പ്ര​കാ​രം ലോ​ക​വ്യാ​പാ​ര കേ​ന്ദ്ര​ത്തി​ൽ​നി​ന്നു ക​ണ്ടെ​ടു​ത്ത 1600 മൃ​ത​ദേ​ഹാ​വ​ശി​ഷ്‌​ട​ങ്ങ​ളേ തി​രി​ച്ച​റി​യാ​നാ​യു​ള്ളൂ. 1100 ഓ​ളം പേ​രു​ടെ മൃ​ത​ദേ​ഹാ​വ​ശി​ഷ്‌​ട​ങ്ങ​ൾ ക​ണ്ടെ​ത്താ​നാ​യി​ട്ടി​ല്ല.