മ​ഹാ​രാ​ഷ്‌​ട്ര​യി​ൽ ആ​യു​ധ​ങ്ങ​ളു​മാ​യി കേ​ര​ള പോ​ലീ​സി​ന്‍റെ ബ​സ് യാ​ത്ര
Saturday, May 4, 2024 1:21 AM IST
ക​ണ്ണൂ​ർ: തെ​ര​ഞ്ഞെ​ടു​പ്പ് ഡ്യൂ​ട്ടി​ക്കാ​യി മ​ഹാ​രാ​ഷ്‌​ട്ര​യി​ൽ എ​ത്തി​യ കേ​ര​ള പോ​ലീ​സി​ന് ദു​രി​ത പ​ർ​വം. ഡ്യൂ​ട്ടി​യി​ലു​ള്ള പോ​ലീ​സു​കാ​ർ​ക്ക് സ​ഞ്ച​രി​ക്കാ​ൻ വാ​ഹ​നം പോ​ലും സ​ജ്ജ​മാ​ക്കി​യി​ല്ലെ​ന്ന് പ​രാ​തി. തെ​ര​ഞ്ഞെ​ടു​പ്പ് സു​ര​ക്ഷ​യു​മാ​യി ബ​ന്ധ​പ്പെ​ട്ട് ന​ട​ത്തി​യ റൂ​ട്ട് മാ​ർ​ച്ചി​നു ശേ​ഷം മ​ട​ങ്ങാ​ൻ വാ​ഹ​നം ഒ​രു​ക്കി​യി​ല്ല. ഇ​തേ തു​ട​ർ​ന്ന് കി​ലോ​മീ​റ്റ​റു​ക​ളോ​ളം മാ​ർ​ച്ച് ചെ​യ്ത പോ​ലീ​സു​കാ​ർ തോ​ക്കു​ക​ൾ ഉ​ൾ​പ്പെ​ടെ​യു​ള്ള​വ​യു​മാ​യി ലൈ​ൻ ബ​സി​ൽ ക​യ​റി ടി​ക്ക​റ്റെ​ടു​ത്താ​ണ് ക്യാ​ന്പി​ൽ തി​രി​ച്ചെ​ത്തി​യ​ത്.

ജാ​ൽ​ഗ​ൺ ജി​ല്ല​യി​ൽ തെ​ര​ഞ്ഞെ​ടു​പ്പ് ഡ്യൂ​ട്ടി​ക്ക് പോ​യ കെ​എ​പി നാ​ലാം ബ​റ്റാ​ലി​യ​നി​ലെ പോ​ലീ​സു​കാ​ർ​ക്കാ​ണ് ദു​രി​തം നേ​രി​ടേ​ണ്ടി​വ​ന്ന​ത്. 50 പേ​രു​ള്ള പോ​ലീ​സ് സം​ഘ​ത്തി​ന്‍റെ റൂ​ട്ട് മാ​ർ​ച്ചാ​ണ് ന​ട​ത്തി​യ​ത്. 25 പേ​ർ​ക്ക് യാ​ത്ര ചെ​യ്യാ​വു​ന്ന ബ​സാ​ണ് അ​ധി​കൃ​ത​ർ ഒ​രു​ക്കി​യ​ത്. ക്യാ​ന്പി​ൽ​നി​ന്ന് 40 കി​ലോ​മീ​റ്റ​ർ അ​ക​ലെ​യു​ള്ള സ്ഥ​ല​ത്താ​യി​രു​ന്നു റൂ​ട്ട് മാ​ർ​ച്ച്. അ​ങ്ങോ​ട്ടു​പോ​യ​പ്പോ​ൾ ര​ണ്ട് ട്രി​പ്പാ​യി സേ​നാം​ഗ​ങ്ങ​ളെ എ​ത്തി​ച്ചെ​ങ്കി​ലും തി​രി​കെ ഒ​രു ട്രി​പ്പ് മാ​ത്ര​മാ​ണ് ന​ട​ത്തി​യ​ത്.

Copyright @ 2022 , Rashtra Deepika Ltd.