ഓ​ട​യി​ലെ വെ​ള്ളം ഇ​ട​റോ​ ഡി​ൽ; നാ​ട്ടു​കാ​ർ ദു​രി​ത​ത്തി​ൽ
Tuesday, April 30, 2024 11:20 PM IST
ചാ​ത്ത​ന്നൂ​ർ: ചി​റ​ക്ക​ര ഗ്രാ​മ​പ​ഞ്ചാ​യ​ത്ത് ഏ​റം തെ​ക്ക് വാ​ർ​ഡി​ലെ കൊ​ച്ചു​പാ​റ സെ​വ​ൻ​ത് ഡേ ​ച​ർ​ച്ചി​ന് സ​മീ​പ​ത്തു കൂ​ടി​യു​ള്ള ദേ​ശീ​യപാ​തയു​ടെ ഓ​ട​യി​ൽ കൂ​ടി റോ​ഡി​ലേ​ക്ക് വെ​ള്ളം ഒ​ഴു​കു​ന്ന​ത് നാ​ട്ടു​കാ​ർ​ക്ക്‌ റോ​ഡി​ലൂ​ടെ ന​ട​ക്കാ​ൻ പ​റ്റാ​ത്ത അ​വ​സ്ഥ​യാ​യി. ഓ​ട​യി​ൽ കൂ​ടി റോ​ഡി​ലേ​ക്ക് വെ​ള​ളം ഒ​ഴു​ക്കി വി​ടു​ന്ന രീ​തി​യി​ൽ ഓ​ട നി​ർ​മാ​ണം ന​ട​ത്തി​യ​തി​നെ​തി​രെ സ​മീ​പ​വാ​സി​ക​ൾ വാ​ർ​ഡ് മെ​മ്പ​ർ മേ​രി റോ​സി​ന്‍റെ നേ​തൃ​ത്വ​ത്തി​ൽ നി​ർ​മാ​ണ പ്ര​വ​ർ​ത്ത​നം ത​ട​ഞ്ഞി​രു​ന്നു.

ക​ല്ലു​വാ​തു​ക്ക​ൽ ജം​ഗ്ഷ​ൻ മു​ത​ൽ ശീ​മാ​ട്ടി ജം​ഗ്ഷ​ൻ വ​രെ​യു​ള്ള ഓ​ട​യി​ൽ കൂ​ടി വ​രു​ന്ന വെ​ള്ളം ച​ർ​ച്ചി​ന് സ​മീ​പം എ​ത്തി​ച്ച് അ​വി​ടെ നി​ന്ന് സ​ഞ്ചാ​ര​യോ​ഗ്യ​മാ​യ റോ​ഡി​ലേ​ക്ക് ഒ​ഴു​ക്കി​വി​ടു​ന്ന രീ​തി​യി​ലാ​ണ് നി​ല​വി​ലെ ഓ​ട നി​ർ​മാ​ണം.

ഈ ​ഇ​ട​റോ​ഡി​ൽ ഓ​ട ഇ​ല്ലാ​ത്ത​തി​നാ​ൽ റോ​ഡി​ലേ​ക്ക് ഒ​ഴു​ക്കി​വി​ടു​ന്ന വെ​ള്ളം സ​മീ​പ പ്ര​ദേ​ശ​ത്തേ​ക്കും വീ​ടു​ക​ളി​ലേ​ക്കും എ​ത്തും. മ​ഴ പെ​യ്ത​തോ​ടെ ഓ​ട​യി​ൽ കൂ​ടി ധാ​രാ​ളം വെ​ള്ളം റോ​ഡി​ലേ​ക്ക് ഒ​ഴു​കി​യെ​ത്തു​ന്നു. ഇ​തോ​ടെ റോ​ഡി​ലൂ​ടെ ന​ട​ക്കാ​ൻ പോ​ലു​മാ​വാ​ത്ത അ​വ​സ്ഥ​യാ​യി.
വ​ർ​ഷ​ങ്ങ​ൾ പ​ഴ​ക്ക​മു​ള്ള ഈ ​റോ​ഡി​ൽ കൂ​ടി​യാ​ണ് ഉ​ളി​യ​നാ​ട്, ക​ണ്ണേ​റ്റ പ്ര​ദേ​ശ​ങ്ങ​ളി​ലു​ള്ള​വ​ർ ക​ല്ലു​വാ​തു​ക്ക​ൽ മാ​ർ​ക്ക​റ്റി​ലും മ​റ്റും പോ​കു​ന്ന​ത്. ഈ ​റോ​ഡി​ൽ കൂ​ടി​യാ​ണ് ഇ​ന്ന​ല​ത്തെ മ​ഴ​യി​ൽ ഓ​ട​യി​ൽ കൂ​ടി വ​ന്ന വെ​ള്ളം ഒ​ഴു​കി ഇ​റ​ങ്ങി​യ​ത്. ​

റോ​ഡി​ൽ കൂ​ടി കാ​ൽ നാ​ട​യാ​ത്ര​ക്കാ​ർ​ക്ക്‌ പോ​ലും പോ​കാ​ൻ പ​റ്റാ​ത്ത അ​വ​സ്ഥ ആ​യി. ​റോ​ഡി​ലേ​ക്ക് വെ​ള്ളം തു​റ​ന്നു വി​ടാ​നു​ള്ള നീ​ക്കം അ​വ​സാ​നി​പ്പി​ക്ക​ണ​മെ​ന്ന് കാ​ണി​ച്ചു സ​മീ​പ​വാ​സി​ക​ൾ പ​ഞ്ചാ​യ​ത്തി​ൽ പ​രാ​തി ന​ൽ​കി​യി​ട്ടു​ണ്ട്. എ​ന്നാ​ൽ നാ​ളി​തു​വ​രെ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.

Copyright @ 2022 , Rashtra Deepika Ltd.