വി​ദേ​ശ മെ​ഡി​ക്ക​ൽ ബി​രു​ദ​ധാ​രി​ക​ൾ​ക്ക് സ്റ്റൈ​പ്പ​ന്‍റ് അ​നു​വ​ദി​ക്കാ​നാ​വി​ല്ലെ​ന്ന്
Sunday, May 5, 2024 12:56 PM IST
കൊ​ല്ലം : വി​ദേ​ശ​ത്ത് നി​ന്നും മെ​ഡി​ക്ക​ൽ ബി​രു​ദ​മെ​ടു​ക്കു​ന്ന​വ​ർ​ക്ക് സം​സ്ഥാ​ന​ത്ത് ഇ​ന്‍റേൺ​ഷി​പ്പി​ന് സ്റ്റൈ​പ്പ​ന്‍റ് അ​നു​വ​ദി​ക്ക​ണ​മെ​ന്ന ആ​വ​ശ്യം പ​രി​ഗ​ണി​ക്കാ​നാ​വി​ല്ലെ​ന്ന് ആ​രോ​ഗ്യ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു.

വി​ദേ​ശ മെ​ഡി​ക്ക​ൽ ബി​രു​ദ​ധാ​രി​ക​ൾ​ക്ക് ഇ​ന്‍റേ​ൺ​ഷി​പ്പ് സ്റ്റൈ​പ്പ​ന്‍റ് അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് സ​മ​ർ​പ്പി​ച്ച പ​രാ​തി​ക​ളി​ൽ ക​മ്മീ​ഷ​ൻ അം​ഗം വി.​കെ .ബീ​നാ​കു​മാ​രി ആ​വ​ശ്യ​പ്പെ​ട്ട റി​പ്പോ​ർ​ട്ടി​ലാ​ണ് ഇ​ക്കാ​ര്യ​മു​ള്ള​ത്.ആ​രോ​ഗ്യ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യി​ൽ നി​ന്നും ക​മ്മീ​ഷ​ൻ റി​പ്പോ​ർ​ട്ട് വാ​ങ്ങി.

2022 മാ​ർ​ച്ച് നാലിന് ​പു​റ​ത്തി​റ​ങ്ങി​യ സ​ർ​ക്കു​ല​ർ പ്ര​കാ​രം വി​ദേ​ശ സ​ർ​വ​ക​ലാ​ശാ​ല​ക​ളി​ൽ നി​ന്നും മെ​ഡി​ക്ക​ൽ ബി​രു​ദം നേ​ടി സം​സ്ഥാ​ന​ത്ത് ഇ​ന്‍റേ​ൺ​ഷി​പ്പി​ന് എ​ത്തു​ന്ന​വ​ർ​ക്ക് സ്റ്റൈ​പ്പ​ന്‍റ് ന​ൽ​ക​ണ​മെ​ന്ന് ദേ​ശീ​യ മെ​ഡി​ക്ക​ൽ ക​മ്മീ​ഷ​ൻ വ്യ​ക്ത​മാ​ക്കി​യി​ട്ടു​ണ്ട്. ര​ണ്ടു​വ​ർ​ഷ​ത്തെ ഇ​ന്റേ​ൺ​ഷി​പ്പ് ചെ​യ്യു​ന്ന​വ​ർ​ക്ക് ര​ണ്ടാ​മ​ത്തെ വ​ർ​ഷം മാ​ത്രം സ്റ്റൈ​പ്പ​ന്‍റ് അ​നു​വ​ദി​ച്ചാ​ൽ മ​തി​യെ​ന്നും ഇ​ക്കാ​ര്യം അ​താ​ത് സം​സ്ഥാ​ന​ങ്ങ​ൾ​ക്ക് തീ​രു​മാ​നി​ക്കാ​മെ​ന്നും മെ​ഡി​ക്ക​ൽ ക​മ്മീ​ഷ​ൻ അ​റി​യി​ച്ചി​ട്ടു​ള്ള​താ​യി സ​ർ​ക്കാ​ർ മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു.

ഇ​ത്ത​ര​ത്തി​ൽ 300 ല​ധി​കം വി​ദ്യാ​ർ​ഥിക​ൾ സം​സ്ഥാ​ന​ത്തെ മെ​ഡി​ക്ക​ൽ കോ​ളജു​ക​ളി​ൽ ഇ​ന്‍റേ​ൺ​ഷി​പ്പ് ചെ​യ്യു​ന്നു​ണ്ട്. നി​ല​വി​ൽ സ​ർ​ക്കാ​ർ മെ​ഡി​ക്ക​ൽ കോ​ളേ​ജു​ക​ളി​ൽ ഇ​ന്‍റേൺ​ഷി​പ്പ് ചെ​യ്യു​ന്ന വി​ദേ​ശ മെ​ഡി​ക്ക​ൽ ബി​രു​ദ​ധാ​രി​ക​ളി​ൽ നി​ന്നും ഫീ​സ് ഈ​ടാ​ക്കു​ന്നി​ല്ല. ഈ ​സാ​ഹ​ച​ര്യ​ത്തി​ൽ വ​ലി​യൊ​രു സാ​മ്പ​ത്തി​ക ബാ​ധ്യ​ത നേ​രി​ടേ​ണ്ടി വ​രു​മെ​ന്നും സ​ർ​ക്കാ​ർ റി​പ്പോ​ർ​ട്ടി​ൽ പ​റ​യു​ന്നു. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ ക​മ്മീ​ഷ​ൻ കേ​സ് തീ​ർ​പ്പാ​ക്കി. 13 പ​രാ​തി​ക​ൾ തീ​ർ​പ്പാ​ക്കി​കൊ​ണ്ടാ​ണ് ക​മ്മീ​ഷ​ൻ ഉ​ത്ത​ര​വ്.

Copyright @ 2022 , Rashtra Deepika Ltd.