ച​ങ്ങ​നാ​ശേ​രി: ക​ട​മാ​ന്‍ചി​റ ക്രൈ​സ്റ്റ് ന​ഗ​റി​ല്‍ വാ​ട​ക വീ​ട്ടി​ൽ ന​ട​ന്ന മോ​ഷ​ണ​ത്തി​ൽ പ്ര​തി​ക​ളെ​ക്കു​റി​ച്ച് വ്യ​ക്ത​ത ല​ഭി​ക്കാ​തെ പോ​ലീ​സ്. സി​സി​ടി​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ചാ​ണ് പോ​ലീ​സ് അ​ന്വേ​ഷ​ണം.

ച​ങ്ങ​നാ​ശേ​രി മാ​ര്‍ക്ക​റ്റ് സ്വ​ദേ​ശി കൊ​ച്ചു​പ​റ​മ്പി​ല്‍ ജോ​സി വ​ര്‍ഗീ​സി​ന്‍റെ വീ​ട്ടി​ലെ അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന ര​ണ്ട​രല​ക്ഷം രൂ​പ​യും ഒന്നരപ്പവൻ സ്വ​ര്‍ണവു​മാ​ണ് മോ​ഷ​ണം പോ​യ​ത്. ജോ​സി​യു​ടെ ഭാ​ര്യ സൗ​മ്യ ജോ​ലി​ക്കാ​യി കാ​ന​ഡ​യ്ക്കു പോ​കു​ന്ന​തി​നാ​യി വി​മാ​ന ടി​ക്ക​റ്റ് ബു​ക്കു ചെ​യ്യു​ന്ന​തി​നു ബാ​ങ്കി​ല്‍ നി​ന്നെ​ടു​ത്ത് അ​ല​മാ​ര​യി​ല്‍ സൂ​ക്ഷി​ച്ച പ​ണ​മാ​ണ് മോ​ഷ്ടി​ക്ക​പ്പെ​ട്ട​ത്.

ചൊ​വ്വാ​ഴ്ച പു​ല​ര്‍ച്ചെയോ​ടെ​യാ​യി​രു​ന്നു സം​ഭ​വം. അ​യ​ല്‍പ​ക്ക​ത്തെ വീ​ടി​ന്‍റെ സി​സി​ടി​വി​യി​ല്‍ മോ​ഷ്ടാ​ക്ക​ളെ​ന്നു സം​ശ​യി​ക്കു​ന്ന ര​ണ്ടു​പേ​രു​ടെ ദൃ​ശ്യ​ങ്ങ​ള്‍ പോ​ലീ​സി​നു ല​ഭി​ച്ചി​രു​ന്നു. ഈ ​ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ചാ​ണ് പോ​ലീ​സി​ന്‍റെ അ​ന്വേ​ഷ​ണം. സ​മീ​പ​ത്തെ മ​റ്റ് മൂ​ന്നു വീ​ടു​ക​ളി​ലും മോ​ഷ​ണ​ശ്ര​മം ന​ട​ന്നി​രു​ന്നു.

വീ​ടി​ന്‍റെ അ​ടു​ക്ക​ള ഭാ​ഗ​ത്തെ ക​ത​ക് കു​ത്തി​ത്തു​റ​ന്ന് അ​ക​ത്തു​ക​ട​ന്ന മോ​ഷ്ടാ​ക്ക​ള്‍ അ​ല​മാ​ര​യു​ടെ പൂ​ട്ടു​പൊ​ളി​ച്ചാ​ണ് പ​ണ​വും സ്വ​ര്‍ണ​വും ക​വ​ര്‍ന്ന​ത്. സ്വ​ര്‍ണ​വും പ​ണ​വും മോ​ഷ്ടി​ച്ച​ശേ​ഷം ബാ​ഗും പ​ഴ്‌​സു​ക​ളും മ​റ്റ് രേ​ഖ​ക​ളും വ​ലി​ച്ചെ​റി​ഞ്ഞാ​ണ് മോ​ഷ്ടാ​ക്ക​ള്‍ ര​ക്ഷ​പ്പെ​ട്ട​ത്.

ഒ​ന്ന​ര​മാ​സം മു​മ്പ് പെ​രു​ന്ന​യി​ലെ വീ​ടു​ക​ളി​ല്‍ ന​ട​ന്ന മോ​ഷ​ണം സം​ബ​ന്ധി​ച്ചും പോ​ലീ​സി​ന് സൂ​ച​ന​ക​ള്‍ ല​ഭി​ച്ചി​ട്ടി​ല്ല. ച​ങ്ങ​നാ​ശേ​രി​യി​ലും സ​മീ​പ ഗ്രാ​മ​ങ്ങ​ളി​ലും മോ​ഷ്ടാ​ക്ക​ളു​ടെ​യും ക്രി​മി​ന​ല്‍ സം​ഘ​ങ്ങ​ളു​ടെ​യും പ്ര​വ​ര്‍ത്ത​നം ശ​ക്തി​പ്പെ​ട്ട​താ​യി സൂ​ച​ന​ക​ളു​ണ്ട്.