ചിറ്റടി: ചിറ്റടി മേരിലാന്റ് സെന്റ് ജോസഫ് ദേവാലയ തിരുനാളിന് കൊടിയേറി. ഇന്നലെ രാവിലെ വികാരി ഫാ. ജോസ് കൊച്ചുപറമ്പിൽ കൊടിയേറ്റ് കർമ്മം നിർവഹിച്ചു.
തുടർന്ന് ലദീഞ്ഞ്, നൊവേന, കുർബാന എന്നീ ശുശ്രൂഷകളുണ്ടായി. ഫാ. ആന്റണി വടക്കൻ കാർമികത്വം വഹിച്ചു. ഇന്ന് വൈകീട്ട് 5.30ന് കുർബാന, ലദീഞ്ഞ്, നൊവേന എന്നിവയ്ക്ക് ഫാ. ജോർജ് തെരുവൻകുന്നേൽ കാർമികനാകും.
നാളെ വൈകീട്ട് 5.30ന് കുർബാന, ലദീഞ്ഞ്, നൊവേനയ്ക്ക് ഫാ. സ്റ്റാൻലി ചുങ്കത്ത് കാർമികനാകും. പ്രധാന തിരുനാൾ ദിനമായ മേയ് ഒന്നിന് രാവിലെ 10.30ന് ആഘോഷമായ തിരുനാൾ കുർബാന നടക്കും.
പ്രസംഗം, ലദീഞ്ഞ്, നൊവേന എന്നിവയ്ക്ക് ഫാ. സെബിൻ കരുത്തി മുഖ്യ കാർമികനാകും.
ഫാ. സ്റ്റാൻലി ചുങ്കത്ത്, ഫാ.റിതിൻ ചിറ്റിലപ്പിള്ളി എന്നീ വൈദീകർ സഹകാർമികരാകും.
തുടർന്ന് പ്രദക്ഷിണം, ഊട്ടു നേർച്ച നടക്കും.
വികാരി ഫാ. ജോസ് കൊച്ചുപറമ്പിൽ, കൺവീനർ സണ്ണി വള്ളിക്കാട്ടു കുഴിയിൽ, ജോയിന്റ് കൺവീനർ ജോണി അമ്പലമറ്റത്തിൽ, കൈക്കാരന്മാരായ ജോസ് കുര്യൻ ആലപ്പാട്ടുകുന്നേൽ, ബിനു ജോസഫ് കരൂർ എന്നിവരുടെ നേതൃത്വത്തിലാണ് തിരുനാൾ പരിപാടികൾ.