ക​ടു​ത്ത വ​ര​ൾ​ച്ചയിൽ വി​ള​ക​ൾ ഉ​ണ​ങ്ങി തു​ട​ങ്ങി, ആശങ്കയില്‌ കർഷകർ
Sunday, May 5, 2024 2:29 PM IST
നെ​ന്മാ​റ: വേ​ന​ൽ മ​ഴ കു​റ​ഞ്ഞ​ത് നാടിനെ കടുത്ത വരൾച്ചയി ലേക്കു നയിക്കുന്നു. ഡാ​മു​ക​ളു​ടെ സം​ഭ​ര​ണ​ശേ​ഷി പൂ​ർ​ണ്ണ​മാ​യും നി​റ​യാ​ത്ത​തി​നാ​ൽ ഇ​ക്കു​റി ക​നാ​ൽ ജ​ല​സേ​ച​നം നേ​ര​ത്തെ അ​വ​സാ​നി​ച്ച​തി​നെ തു​ട​ർ​ന്ന് നെ​ന്മാ​റ, അ​യി​ലൂ​ർ മേ​ഖ​ല​ക​ളി​ൽ ജ​ല​സ്രോ​ത​സു​ക​ളി​ലെ ജ​ല​നി​ര​പ്പ് കു​ത്ത​നെ താ​ഴ്ന്നു.

പോ​ത്തു​ണ്ടി, ക​ൽ​ച്ചാ​ടി, ഒ​ലി​പ്പാ​റ, ഗാ​യ​ത്രി​യു​ടെ കൈ​വ​ഴി​യാ​യ കു​മ്പ​ള​ക്കോ​ട് പു​ഴ​ക​ളി​ലെ നീ​രൊ​ഴു​ക്കും മാ​ർ​ച്ച് അ​വ​സാ​ന​ത്തോ​ടെ നി​ല​ച്ചി​രു​ന്നു. ഏ​പ്രി​ൽ അ​വ​സാ​ന​ത്തോ​ടെ വെ​ള്ളം പൂ​ർ​ണ​മാ​യും വ​റ്റി​യ​തോ​ടെ​യാ​ണ് കി​ണ​റു​ക​ളി​ലെ​യും കു​ള​ങ്ങ​ളി​ലെ​യും ത​ട​യ​ണ​ക​ളി​ലും ജ​ല​ദൗ​ർ​ബ​ല്യം അ​നു​ഭ​വ​പ്പെ​ട്ടു തു​ട​ങ്ങി​യ​ത്.

കാ​ർ​ഷി​ക വി​ള​ക​ളു​ടെ സം​ര​ക്ഷ​ണ​ത്തി​നാ​യി കു​ള​ങ്ങ​ളി​ലെ​യും കി​ണ​റു​ക​ളി​ലെ​യും വെ​ള്ളം പ​മ്പ് ചെ​യ്ത​തോ​ടെ​യാ​ണ് ജ​ല​സ്രോ​ത​സു​ക​ൾ വ​റ്റി​ത്തു​ട​ങ്ങി​യ​ത്. സാ​ധാ​ര​ണ വേ​ന​ൽ മ​ഴ​യും ഇ​ട​മ​ഴ​യും കി​ട്ടു​ന്ന​തോ​ടെ ജ​ല​സ്രോ​ത​സു​ക​ളി​ൽ വെ​ള്ളം ഉ​റ​ന്നു കൂ​ടാ​റു​ണ്ട്.

ഇ​ക്കു​റി അ​ന്ത​രീ​ക്ഷ താ​പ​നി​ല ഉ​യ​ർ​ന്ന​തും വേ​ന​ൽ മ​ഴ ഇ​ല്ലാ​താ​യ​തും ഒ​ന്നും ര​ണ്ടും വ​ർ​ഷ​ങ്ങ​ൾ പ്രാ​യ​മാ​യ തെ​ങ്ങ്, ക​മു​ക് തൈ​ക​ളും കാ​ർ​ഷി​ക​വി​ള​ക​ളും ഉ​ണ​ങ്ങി​ത്തു​ട​ങ്ങി. കു​ഴ​ൽ കി​ണ​ർ പോ​ലു​ള്ള ജ​ല​സ്രോ​ത​സു​ക​ൾ ഉ​ള്ള ക​ർ​ഷ​ക​ർ​ക്ക് മാ​ത്ര​മാ​ണ് ഉ​ണ​ക്ക​ത്തി​ൽ നി​ന്ന് ഒ​രു പ​രി​ധി​വ​രെ വി​ള​ക​ളെ സം​ര​ക്ഷി​ക്കാ​ൻ ക​ഴി​യു​ന്ന​ത്.

കു​ഴ​ൽ കി​ണ​റു​ക​ളി​ലും വെ​ള്ള​ത്തി​ന്‍റെ ല​ഭ്യ​ത​യി​ൽ ചെ​റി​യ​തോ​തി​ൽ കു​റ​വ് വ​ന്നി​ട്ടു​ണ്ടെ​ന്നും ജ​ല​നി​ര​പ്പ് വ​ള​രെ താ​ഴ്ച​യി​ലേ​ക്ക് താ​ഴ്ന്ന​തി​നാ​ൽ പ​മ്പു​ക​ളി​ൽ നി​ന്ന് വെ​ളി​യി​ലേ​ക്ക് പു​റ​ന്ത​ള്ളു​ന്ന വെ​ള്ള​ത്തി​ന്‍റെ അ​ള​വി​ലും കു​റ​വ് വ​ന്നി​ട്ടു​ണ്ടെ​ന്ന് ക​ർ​ഷ​ക​ർ പ​റ​ഞ്ഞു. പു​ഴ​ക​ളി​ലെ ത​ട​യ​ണ​ക​ളും വ​റ്റി​യ​തോ​ടെ വി​ഷു​വി​ന് മു​ന്നോ​ടി​യാ​യി ആ​രം​ഭി​ക്കാ​റു​ള്ള പ​ച്ച​ക്ക​റി കൃ​ഷി​യും പൂ​ർ​ണ​തോ​തി​ൽ ആ​രം​ഭി​ച്ചി​ട്ടി​ല്ല.

ഇ​ട​യ്ക്ക് കി​ട്ടി​യ ഒ​രു വേ​ന​ൽ മ​ഴ​യി​ൽ കു​റെ ക​ർ​ഷ​ക​ർ ഓ​ണ​ത്തി​ന് മു​ന്നോ​ടി​യാ​യി വി​പ​ണി​യി​ലെ ഉ​യ​ർ​ന്ന വി​ല പ്ര​തീ​ക്ഷ​യി​ൽ പാ​വ​ലും പ​ട​വ​ല​വും കൃ​ഷി​യി​റ​ക്കി​യ​വ​രാ​ണ് ആ​വ​ശ്യ​ത്തി​ന് വെ​ള്ളം ല​ഭി​ക്കാ​തെ ബു​ദ്ധി​മു​ട്ടാ​ൻ തു​ട​ങ്ങി​യ​ത്.

വേ​ന​ൽ മ​ഴ ല​ഭ്യ​മാ​യി ജ​ല​സ്രോ​ത​സു​ക​ളി​ൽ ഉ​റ​വ​യോ ജ​ല​മോ സം​ര​ക്ഷ​ക​രി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ പ​ച്ച​ക്ക​റി ക​ർ​ഷ​ക​ർ ദു​രി​ത​ത്തി​ലാ​കു​മെ​ന്ന് ആ​ശ​ങ്ക പ്ര​ക​ടി​പ്പി​ച്ചു. തെ​ങ്ങി​ൻ തോ​പ്പു​ക​ളി​ലും മ​റ്റും ഇ​ട​വ​ള​യാ​യി കൃ​ഷി ചെ​യ്ത കു​രു​മു​ള​ക് ജാ​തി തു​ട​ങ്ങി​യ നാ​ണ്യ​വി​ള​ക​ളും വേ​ന​ൽ​ചൂ​ടി​ൽ ക​രി​ഞ്ഞു തു​ട​ങ്ങി.

Copyright @ 2022 , Rashtra Deepika Ltd.