ഓട്ടോയും കാറും കൂട്ടിയിടിച്ച് ഒരാൾക്കു പരിക്ക്
തളിപ്പറമ്പ്: ഓട്ടോറിക്ഷയും നാനോകാറും കൂട്ടിയിടിച്ച് ഓട്ടോറിക്ഷാ ഡ്രൈവർക്കു ഗുരുതരമായി പരിക്കേറ്റു. മുക്കോലയിലെ കെ.ഹാരിസിനാണു പരിക്കേറ്റത്. ഇദ്ദേഹത്തെ കണ്ണൂർ കൊയിലി ആശുപത്രിയിൽ പ്രവേശിപ്പിച്ചു. ഇന്നലെ രാവിലെ 11.30 ന് സംസ്‌ഥാനപാതയിൽ സഹകരണ ആശുപത്രിക്കു സമീപം ബദരിയാനഗർ റോഡിലായിരുന്നു സംഭവം.

റോഡിൽ നിന്നും യുടേൺ എടുക്കുമ്പോൾ കെഎൽ 13 എജി 979 കാർ കെഎൽ 59 എം 3037 ഓട്ടോറിക്ഷയിൽ ഇടിക്കുകയായിരുന്നു. ഇതോടെ നിയന്ത്രണം വിട്ട ഓട്ടോറിക്ഷ തൊട്ടടുത്തു നിർത്തിയിട്ട മറ്റൊരുകാറിലും സമീപത്തെ കടയുടെ ചുമരിലും ഇടിച്ചു വൈദ്യുതതൂണിലിടിച്ചാണു നിന്നത്. ഓട്ടോയിൽ നിന്നു തെറിച്ചുവീണ ഡ്രൈവർ ഹാരിസിനെ ഉടൻ സഹകരണ ആശുപത്രിയിലും നില ഗുരുതരമായതിനാൽ കൊയിലി ആശുപത്രിയിലേക്കും മാറ്റുകയായിരുന്നു. ഇയാൾ അബോധാവസ്‌ഥയിൽ തീവ്രപരിചരണ വിഭാഗത്തിലാണ്.