കു​ഴ​ൽ​ക്കി​ണ​ർ നി​ർ​മാ​ണ​ത്തി​നും ജ​ല​വി​നി​യോ​ഗ​ത്തി​നുമു​ള്ള നി​യ​ന്ത്ര​ണം ഒ​ഴി​വാ​ക്ക​ണമെന്നു കർഷകർ
Tuesday, May 7, 2024 1:55 AM IST
ചി​റ്റൂ​ർ: കു​ഴ​ൽക്കി​ണ​ർ നി​ർ​മാ​ണ​ത്തി​നും ഈ ​ജ​ലം ഉ​പ​യോ​ഗി​ച്ച് കൃ​ഷി ചെ​യ്യു​ന്ന​തി​നും ഉ​ള്ള നി​യ​ന്ത്ര​ണം അ​ശാ​സ്ത്രീ​യ​മാ​ണെ​ന്നും പി​ൻ​വ​ലി​ക്ക​ണ​മെ​ന്നും ക​ർ​ഷ​ക​ർ. മ​റ്റൊ​രു നി​വൃ​ത്തി​യും ഇ​ല്ലാ​ത്ത സാ​ഹ​ച​ര്യ​ത്തി​ലാ​ണ് ല​ക്ഷ​ങ്ങ​ൾ മു​ട​ക്കി കു​ഴ​ൽ കി​ണ​ർ നി​ർ​മി​ക്കു​ന്ന​തും ഭാ​ഗ്യ​ത്തി​ന് വെ​ള്ളം കി​ട്ടി​യാ​ൽ കൃ​ഷി ചെ​യ്യാ​ൻ വെ​ള്ളം ഉ​പ​യോ​ഗി​ക്കു​ന്ന​തും.

500 അ​ടി താ​ഴ്ച​യി​ൽ കു​ഴ​ൽ കി​ണ​ർ കു​ഴി​ക്കാ​ൻ 70,000 രൂ​പ ചെ​ല​വു വ​രും. വെ​ള്ളം കി​ട്ടി​യാ​ൽ അ​ഞ്ച് എ​ച്ച്പി മോ​ട്ടോ​ർ വെ​ക്കാ​നും കി​ണ​റി​ന് ഉ​ള്ളി​ൽ നി​ന്ന് വെ​ള്ളം എ​ടു​ക്കു​ന്ന പൈ​പ്പി​നും പാ​ന​ൽ ബോ​ർ​ഡ്, മോ​ട്ടോ​ർ​ഷെ​ഡ്, മ​റ്റു ചി​ല​വു​ക​ൾ​ക്കും ര​ണ്ട് ല​ക്ഷ​ത്തി​ന് ഉ​ള്ളി​ൽ ചെ​ല​വ് വ​രു​ന്നു​ണ്ട്. ഇ​ത്ര​യും പ​ണം ക​ടം​വാ​ങ്ങി കു​ഴ​ൽ​കി​ണ​ർ കു​ഴി​ച്ചാ​ലും മൂ​ന്ന് എ​ച്ച്പി മോ​ട്ടോ​ർ വെ​ക്ക​ണ​മെ​ന്ന​താ​ണ് വ​കു​പ്പ് നി​ബ​ന്ധ​ന. മാ​ത്ര​മ​ല്ല പ​മ്പി​ൽ കൂ​ടു​ത​ൽ വെ​ള്ളം എ​ടു​ക്കാ​തി​രി​ക്കാ​ൻ ഫ്ലോ ​ക​ൺ​ട്രോ​ൾ വാ​ൽവ് വെ​ക്ക​ണം.

വ​ള​രെ ആ​ഴ​ത്തി​ൽ നി​ന്ന് വെ​ള്ളം വ​ലി​ച്ചെ​ടു​ക്കാ​ൻ മൂ​ന്ന് എ​ച്ച്പി. മോ​ട്ടോ​റി​ന് ക​ഴി​യാ​ത്ത​തി​നാ​ൽ ജ​ല​ല​ഭ്യ​ത​യി​ൽ കു​റ​വു​ണ്ടാ​കും. ഇ​ക്കാ​ര​ണ​ത്താ​ൻ കൃ​ഷി ചെ​യ്യ​ണ​മെ​ങ്കി​ൽ മൂ​ന്നി​ര​ട്ടി സ​മ​യം മോ​ട്ടോ​ർ പ്ര​വ​ർ​ത്തി​പ്പി​ക്ക​ണം. കു​ടി​വെ​ള്ള ക​ണ​ക്ഷ​ൻ വെ​ള്ളം ദു​രു​പ​യോ​ഗം ത​ട​യാ​ൻ ഫ്ലോ ​ക​ൺ​ട്രോ​ൾ വാ​ൽവ് വെ​ക്കു​ന്ന​ത് പോ​ലെ കൃ​ഷി​ക്ക് വെ​ക്കു​ന്ന​ത് പ്രാ​യോ​ഗി​ക​മ​ല്ല. കൃ​ഷി​നി​ലം ഉ​ഴു​തുമ​റി​ച്ച് നി​ര​പ്പാ​ക്കാ​നും രാ​സ​വ​ളം ഉ​പ​യോ​ഗി​ക്കാ​നും വെ​ള്ളം ആ​വ​ശ്യ​മാ​ണ്.

ഇ​തി​ൽ കു​റ​വ് വ​രു​ത്തി​യാ​ൽ കൃ​ഷി​പ്പ​ണി ന​ട​ത്താ​ൻ ക​ഴി​യി​ല്ല. ഭൂ​ഗ​ർ​ഭ​ജ​ലനി​ര​പ്പ് ഉ​യ​ർ​ത്താ​ൻ കു​ള​ങ്ങ​ളും മി​നി ഡാ​മു​ക​ളും ആ​ഴ​പ്പെ​ടു​ത്ത​ലും മ​ഴ​ക്കു​ഴി എ​ടു​ക്ക​ലും പു​തി​യ ഡാ​മു​ക​ൾ നി​ർ​മി​ച്ച് മ​ഴ​ക്കാ​ല​ത്ത് കി​ട്ടു​ന്ന വെ​ള്ളം സം​ഭ​രി​ക്ക​ലു​മാ​ണ് ​ചെയ്യേണ്ടത്. അ​നാ​വ​ശ്യ​മാ​യി വെ​ള​ളം കൃ​ഷി​ക്ക് ഉ​പ​യോ​ഗി​ക്കേ​ണ്ടി​വ​രു​ന്ന സാ​ഹ​ച​ര്യ​മു​ണ്ടാ​വി​ല്ലെ​ന്നും പു​തി​യ നി​ബ​ന്ധ​ന​ക​ൾ പു​ന:​പ​രി​ശോ​ധ​ിക്കണമെന്നുമാണ് ക​ർ​ഷ​ക​രു​ടെ ആ​വ​ശ്യം.

Copyright @ 2022 , Rashtra Deepika Ltd.