ഭൂ​മാ​ഫി​യ​ക​ള്‍ ടൂ​റി​സം മേ​ഖ​ല​ക​ളി​ല്‍ വ്യാ​പ​ക​മാ​യി കു​ഴ​ല്‍ കി​ണ​റു​ക​ള്‍ കു​ഴി​ക്കു​ന്നതായി ആക്ഷേപം
Wednesday, May 8, 2024 5:27 AM IST
നി​ല​മ്പൂ​ര്‍: ടൂ​റി​സം മേ​ഖ​ല​ക​ളി​ല്‍ വ്യാ​പ​ക​മാ​യി കു​ഴ​ല്‍ കി​ണ​ര്‍ നി​ര്‍​മാ​ണ​വും കു​ന്നി​ടി​ച്ച് നി​ര​ത്തി റി​സോ​ര്‍​ട്ട് നി​ര്‍​മാ​ണ​വും സ​ജീ​വം. ജി​യോ​ള​ജി, റ​വ​ന്യു വ​കു​പ്പു​ക​ള്‍ മൗ​ന​ത്തി​ല്‍.

എ​ത്ര റി​സോ​ര്‍​ട്ടു​ക​ള്‍ ഉ​ണ്ടെ​ന്ന ചോ​ദ്യ​ത്തി​ന് മു​ന്നി​ല്‍ ഉ​ത്ത​ര​മി​ല്ലാ​തെ പ​ഞ്ചാ​യ​ത്ത് അ​ധി​കൃ​ത​രും. കു​ഴ​ല്‍ കി​ണ​റു​ക​ള്‍ വ്യാ​പ​ക​മാ​യ​തോ​ടെ തോ​ടു​ക​ളും നീ​രു​റ​വ​ക​ളും വ​റ്റി​വ​ര​ണ്ടു. വേ​ന​ല്‍ ക​ടു​ക്കു​ക​യും മ​ല​യോ​ര മേ​ഖ​ല​ക​ളി​ല്‍ അ​ട​ക്കം വ്യാ​പ​ക​മാ​യി കു​ഴ​ല്‍ കി​ണ​റു​ക​ള്‍ കു​ഴി​ക്കു​ന്ന​തും ജ​ല​ക്ഷാ​മം രൂ​ക്ഷ​മാ​ക്കു​ക​യാ​ണ്.

ജി​യോ​ള​ജി വ​കു​പ്പി​ലെ ചി​ല ഉ​ദ്യോ​ഗ​സ്ഥ​രെ സ്വാ​ധീ​നി​ച്ചാ​ണ് റി​സോ​ര്‍​ട്ട് ഉ​ട​മ​ക​ള്‍ ഉ​ള്‍​പ്പെ​ടെ​യു​ള്ള​വ​ര്‍ ഒ​രു മാ​ന​ദ​ണ്ഡ​വും പാ​ലി​ക്കാ​തെ കു​ഴ​ല്‍ കി​ണ​റു​ക​ള്‍ കു​ഴി​ക്കു​ന്ന​ത്. ഇ​തോ​ടെ മു​മ്പെ​ങ്ങു​മി​ല്ലാ​ത്ത വി​ധം ജ​ല സ്രോ​ത​സു​ക​ള്‍ വ​റ്റി​വ​ര​ണ്ട് ജ​ല​ക്ഷാ​മം നേ​രി​ടു​ന്നു. കു​ടി​വെ​ള്ള​ത്തി​നാ​യി ജ​ന​ങ്ങ​ള്‍ നെ​ട്ടോ​ട്ട​ത്തി​ലാ​ണ്. ജ​ലം വ്യാ​പ​ക​മാ​യി താ​ഴ്ന്ന​തോ​ടെ നേ​ന്ത്ര​വാ​ഴ​ക​ള്‍ ക​രി​ഞ്ഞു വീ​ണു​തു​ട​ങ്ങി.

നീ​ന്ത​ല്‍​കു​ള​ങ്ങ​ള്‍ ഒ​രു​ക്കു​ന്ന​തി​നാ​ണ് ചാ​ലി​യാ​ര്‍ പ​ഞ്ചാ​യ​ത്തി​ലെ വാ​ളം​തോ​ട് ഉ​ള്‍​പ്പെ​ടെ​യു​ള്ള വി​നോ​ദ സ​ഞ്ചാ​ര മേ​ഖ​ല​ക​ളി​ല്‍ റി​സോ​ര്‍​ട്ട് ഉ​ട​മ​ക​ള്‍ കു​ഴ​ല്‍​ക്കി​ണ​റു​ക​ള്‍ കു​ഴി​ക്കു​ന്ന​ത്. ക​ടു​ത്ത വേ​ന​ലി​ലും വെ​ള്ളം ല​ഭി​ച്ചി​രു​ന്ന ജ​ലാ​ശ​യ​ങ്ങ​ള്‍ ഇ​പ്പോ​ള്‍ ഇ​ല്ലാ​താ​യി. കു​ന്നി​ടി​ച്ച് റി​സോ​ര്‍​ട്ടു​ക​ള്‍ നി​ര്‍​മി​ക്കു​ക​യും കു​ഴ​ല്‍ കി​ണ​റു​ക​ള്‍ സ്ഥാ​പി​ക്കു​ക​യും ചെ​യ്യു​മ്പോ​ള്‍ ഇ​തൊ​ന്നും ത​ങ്ങ​ള്‍ അ​റി​ഞ്ഞി​ല്ലെ​ന്ന ഭാ​വ​ത്തി​ലാ​ണ് റ​വ​ന്യു വ​കു​പ്പും ജി​യോ​ള​ജി വ​കു​പ്പും.

ജ​ന​ങ്ങ​ളു​ടെ പ​രാ​തി കേ​ള്‍​ക്കാ​ന്‍ പോ​ലും ഇ​വ​രാ​രും ത​യാ​റാ​കു​ന്നു​മി​ല്ല. കു​ന്നാ​യി കി​ട​ക്കു​ന്ന സ്ഥ​ല​ങ്ങ​ള്‍ വാ​ങ്ങി​യ ശേ​ഷം മ​ണ്ണു​മാ​ന്തി യ​ന്ത്ര​മു​പ​യോ​ഗി​ച്ചാ​ണ് കു​ന്നി​ടി​ച്ച് നി​ര​ത്തി റി​സോ​ര്‍​ട്ടു​ക​ള്‍ നി​ര്‍​മി​ക്കു​ന്ന​ത്. 2018 ല്‍ ​വ്യാ​പ​ക​മാ​യി ഉ​രു​ള്‍​പൊ​ട്ട​ല്‍ ഉ​ണ്ടാ​യ പ്ര​ദേ​ശം കൂ​ടി​യാ​ണി​ത്. വ്യാ​പ​ക​മാ​യി കു​ന്നി​ടി​ച്ച് നി​ര​ത്തു​ന്ന​തി​നാ​ല്‍ മ​ഴ​ക്കാ​ലം ശ​ക്ത​മാ​യാ​ല്‍ ഏ​തു സ​മ​യ​വും ഉ​രു​ള്‍​പൊ​ട്ട​ല്‍ സാ​ധ്യ​ത​യു​ണ്ട്.

ചാ​ലി​യാ​ര്‍ പ​ഞ്ചാ​യ​ത്തി​ല്‍ ഏ​റ്റ​വും കൂ​ടു​ത​ല്‍ മ​ണ്ണി​ടി​ച്ചി​ലും ഉ​രു​ള്‍​പൊ​ട്ട​ലു​മു​ണ്ടാ​യ പ്ര​ദേ​ശ​മാ​ണ് വെ​ണ്ണേ​ക്കോ​ട് മു​ത​ല്‍ വാ​ളം​തോ​ട് വ​രെ​യു​ള്ള ഭാ​ഗ​ങ്ങ​ള്‍. ഈ ​ഭാ​ഗ​ത്താ​ണ് പ​രി​സ്ഥി​തി​ക്ക് ആ​ഘാ​ത​മേ​ല്‍​പ്പി​ക്കു​ന്ന കു​ടു​ത​ല്‍ പ്ര​വൃ​ത്തി​ക​ള്‍ ന​ട​ക്കു​ന്ന​ത്. ടൂ​റി​സ​ത്തി​ന്‍റെ മ​റ​വി​ല്‍ വ​ലി​യ തോ​തി​ല്‍ കു​ന്നി​ടി​ച്ച് നി​ര​ത്തു​ക​യാ​ണ് ഭൂ​മാ​ഫി​യ​ക​ള്‍.

ഓ​രോ ദി​വ​സ​വും റി​സോ​ര്‍​ട്ടു​ക​ള്‍ ഉ​യ​രു​ക​യും വി​നോ​ദ സ​ഞ്ചാ​രി​ക​ള്‍​ക്കാ​യി ആ​ധു​നി​ക സൗ​ക​ര്യ​ങ്ങ​ളോ​ടെ ഓ​രോ റി​സോ​ര്‍​ട്ടി​ലും മു​റി​ക​ള്‍ ഒ​രു​ക്കി ഉ​യ​ര്‍​ന്ന് ഫീ​സ് വാ​ട​ക ഇ​ന​ത്തി​ല്‍ വാ​ങ്ങു​മ്പോ​ഴും ഇ​തു സം​ബ​ന്ധി​ച്ച യാ​തൊ​രു ക​ണ​ക്കും അ​ധി​കൃ​ത​രു​ടെ കൈ​യി​ലി​ല്ലെ​ന്നാ​ണ് വി​രോ​ധാ​ഭാ​സം. പ​ഞ്ചാ​യ​ത്തി​ന് റി​സോ​ര്‍​ട്ടി​ലെ മു​റി​ക​ളു​ടെ വാ​ട​ക ഇ​ന​ത്തി​ല്‍ ല​ഭി​ക്കേ​ണ്ട വ​ലി​യ തോ​തി​ലു​ള്ള നി​കു​തി വ​രു​മാ​ന​മാ​ണ് ന​ഷ്ട​മാ​യി​കൊ​ണ്ടി​രി​ക്കു​ന്ന​ത്.
Copyright @ 2018 , Rashtra Deepika Ltd.