നെ​ല്ല് ഉ​ൽ​പ്പാ​ദ​ന​ത്തി​ൽ വ​ൻ ഇ​ടി​വ്; ക​ർ​ഷ​ക​ർ​ക്ക് ക​ണ്ണീ​ർ​ക്കൊ​യ്ത്ത്
Tuesday, April 30, 2024 7:40 AM IST
അ​ന്തി​ക്കാ​ട്: ഇ​ത്ത​വ​ണ​ത്തെ ക​ടും​കൃ​ഷി​യി​ൽ ഗ​ണ്യ​മാ​യ തോ​തി​ൽ ഉ​ത്പാദ​നം കു​റ​ഞ്ഞ​തോ​ടെ വ​ലി​യ പ്ര​തി​സ​ന്ധി​യി​ല​ക​പ്പെ​ട്ട് നെ​ൽക്ക​ർ​ഷ​ക​ർ. ഒ​രു ഏ​ക്ക​ർ കൃ​ഷി​യി​ൽനി​ന്ന് മൂ​ന്നു ചാ​ക്കുപോ​ലും നെ​ല്ലു ല​ഭി​ക്കു​ന്നി​ല്ല. ശ​രാ​ശ​രി 35 ചാ​ക്ക് നെ​ല്ലു ല​ഭി​ച്ചി​രു​ന്ന സ്ഥാ​ന​ത്താ​ണി​ത്. ല​ഭി​ച്ച നെ​ല്ലി​ന് ഒ​ട്ടും തൂ​ക്ക​വു​മി​ല്ല. മൂ​ന്നുശ​ത​മാ​നംവ​രെ വി​ല കു​റ​ച്ചാ​ണു ക​മ്പ​നി​ക്കാ​ർ നെ​ല്ല് എ​ടു​ക്കു​ന്ന​ത്.

ചാ​ഴൂ​ർ കോ​വി​ല​കം, അ​ന്തി​ക്കാ​ട്, പു​റ​ത്തൂ​ർ, പു​ള്ള്, പ​ള്ളി​പ്പു​റം പ​ട​വു​ക​ളി​ലെ​ല്ലാം സ്ഥി​തി ഇ​താ​ണ്. ജി​ല്ല​യി​ലെ മ​റ്റു പ​ല പ​ട​വു​ക​ളി​ലും സ്ഥി​തി വ്യ​ത്യ​സ്ത​മ​ല്ല. നെ​ല്ലി​നെക്കാ​ൾ വ​രി​നെ​ല്ലും കൗ​ട്ടപ്പു​ല്ലു​മാ​ണു പാ​ട​ത്തു വ​ള​ർ​ന്ന​ത്.

കൃ​ഷി ഉ​ദ്യോ​ഗ​സ്ഥ​ർ നി​ർ​ദേ​ശി​ച്ച പ​ല​വി​ധ മ​രു​ന്നു​ക​ൾ പ്ര​യോ​ഗി​ച്ചി​ട്ടും ര​ക്ഷ​യു​ണ്ടാ​യി​ല്ല. മുന്പൊ​രി​ക്ക​ലും ഉ​ണ്ടാ​കാ​ത്ത ഈ ​പ്ര​തി​ഭാ​സ​ത്തി​നു കാ​ര​ണ​മെ​ന്താ​ണെ​ന്നു കൃ​ത്യ​മാ​യി മ​ന​സിലാ​ക്കാ​ൻ ഇ​തു​വ​രെ​യും ക​ഴി​ഞ്ഞി​ട്ടി​ല്ല. ഇ​തുസം​ബ​ന്ധി​ച്ച് വി​ശ​ദ​മാ​യ പ​ഠ​നം ന​ട​ത്തി പ​രി​ഹാ​രം കാ​ണ​ണ​മെ​ന്നാ​ണു ക​ർ​ഷ​ക​ർ ആ​വ​ശ്യ​പ്പെ​ടു​ന്ന​ത്.കൊ​യ്ത്തുകൂ​ലി​ക്കു​ള്ള പ​ണം പോ​ലും ല​ഭി​ക്കി​ല്ലെ​ന്ന​തി​നാ​ൽ പ​ല​രും കൊ​യ്യു​ന്നി​ല്ലെ​ന്നു തീ​രു​മാ​നി​ച്ചി​രി​ക്കു​ക​യാ​ണ്.

കൃ​ഷി ഉ​ദ്യോ​ഗ​സ്ഥ​ർ പാ​ട​ത്തു നേ​രി​ട്ടെ​ത്തി കാ​ര്യ​ങ്ങ​ൾ മ​ന​സി​ലാ​ക്കാ​ൻ ശ്ര​മി​ക്കു​ന്നി​ല്ലെ​ന്നും കൃ​ഷി​ക്കാ​ർ​ക്കു പ​രാ​തി​യു​ണ്ട്. പ​രി​ഹാ​ര​മു​ണ്ടാ​യി​ല്ലെ​ങ്കി​ൽ അ​ടു​ത്ത ത​വ​ണ കൃ​ഷി​യി​റ​ക്കി​ല്ലെ​ന്നാ​ണു പ​ല​രും പ​റ​യു​ന്ന​ത്.

ചാ​ഴൂ​ർ കോ​വി​ല​കം പ​ട​വി​ൽ സി.​സി. മു​കു​ന്ദ​ൻ എം​എ​ൽ​എ സ​ന്ദ​ർ​ശി​ച്ചു. പ​ഞ്ചാ​യ​ത്ത് പ്ര​സി​ഡ​ന്‍റ് കെ.​എ​സ്. മോ​ഹ​ൻ​ദാ​സും എം​എ​ൽ​എയ്ക്കൊ​പ്പ​മു​ണ്ടാ​യി​രു​ന്നു.
Copyright @ 2018 , Rashtra Deepika Ltd.